ஆண்களே.. உஷாரு..! களத்தில் இறங்கிய சிங்கப் பெண் படை..! தீவிர கண்காணிப்பு..!

தமிழக முதலமைச்சர் ஜோசப் விஜய் பொறுப்பேற்ற உடன் கையெழுத்திட்ட முக்கிய திட்டங்களில் ஒன்றான சிங்கப்பெண் சிறப்பு அதிரடிப்படை திட்டத்தை ஜூன் 9 அன்று சென்னை எழும்பூர் ராஜரத்தினம் மைதானத்தில் அதிகாரப்பூர்வமாகத் தொடங்கி வைத்தார். பெண்களை சிங்கம் போன்ற தைரியத்துடன் உருவகப்படுத்தும் இந்தப் பெயர், பெண் காவலர்களைக் கொண்ட அனைத்து பெண் படையாக உருவாக்கப்பட்டுள்ளது.

இந்தத் திட்டத்துக்கு 354 கோடி ரூபாய் ஒதுக்கீடு செய்யப்பட்டு, சுமார் 2,500 புதிய பணியிடங்கள் உருவாக்கப்பட்டுள்ளன. IG தலைமையில் செயல்படும் இந்தப் படை, பெண்கள் மற்றும் குழந்தைகளுக்கு எதிரான குற்றங்களைத் தடுப்பது, விரைவான பதிலளிப்பு மற்றும் பொதுமக்கள் விழிப்புணர்வு ஆகியவற்றை முதன்மை நோக்கமாகக் கொண்டு செயல்படுகிறது.

தொடக்க விழாவுக்குப் பிறகு, சிங்கப்பெண் அதிரடிப்படையினர் தமிழகத்தின் பல்வேறு மாவட்டங்களில் தீவிரமாகக் களமிறங்கியுள்ளனர். பேருந்து நிலையங்கள், ரயில் நிலையங்கள், பள்ளி-கல்லூரி பகுதிகள், வணிக வளாகங்கள் மற்றும் பொதுமக்கள் அதிகம் கூடும் இடங்களில் ரோந்து வாகனங்கள் மூலம் தொடர் கண்காணிப்பு நடைபெறுகிறது. ட்ரோன்கள் உதவியுடன் உயர் பாதுகாப்பு பகுதிகளை கண்காணிப்பதுடன், பெண்கள் மற்றும் சிறுமியரிடம் நேரடியாகப் பேசி அவர்களின் பாதுகாப்பு குறித்த விழிப்புணர்வை ஏற்படுத்தி வருகின்றனர். உதாரணமாக, திருவள்ளூர், வேலூர், கடலூர் உள்ளிட்ட இடங்களில் பேருந்து நிலையங்களில் காத்திருக்கும் மாணவியரிடம் திட்டத்தின் நோக்கத்தை விளக்கி, அவசர தேவையில் உடனடி உதவி கிடைக்கும் வழிகளைத் தெரிவித்துள்ளனர்.

இதையும் படிங்க: சிங்கப்பெண் அதிரடிப்படை..! சிறப்பு அழைப்பு எண் உண்டா..? ஐஜி பவானிஸ்வரி தகவல்..!!

இந்தப் படையினர் பொதுமக்களுக்கு விழிப்புணர்வு ஏற்படுத்தும் பணியில் முக்கிய அம்சமாக ஆண்களுக்கு அறிவுரை வழங்குவதையும் மேற்கொள்கின்றனர். பெண்களுக்கு எதிரான தொந்தரவு, பாலியல் அத்துமீறல், போதைப்பொருள் தொடர்பான குற்றங்கள் ஆகியவை சமூக ஒழுக்கத்துடன் தொடர்புடையவை என்பதை வலியுறுத்தி, ஆண்கள் தங்கள் நடத்தையில் பொறுப்புணர்வுடன் செயல்பட வேண்டும் என்று அறிவுறுத்துகின்றனர். பொது இடங்களில் பெண்களை மதித்து நடந்துகொள்ளுதல், தேவையில்லாத அணுகல் தவிர்த்தல், போதைப்பொருள் பயன்பாட்டை ஒதுக்குதல் போன்றவற்றை வலியுறுத்தும் வகையில் உரையாடல்கள் நடைபெறுகின்றன. 

இதையும் படிங்க: பிரத்யேக ஜீப், சிறப்பு சீருடை... கம்பீர நடையுடன் சிங்கப்பெண் படை திட்டம்..! நாளை அறிமுகம்..!!