மனதை உலுக்கும் கல்லூரி மாணவன் கொலை! திமுக நிர்வாகி பேரனுக்கு ஜாமின் வழங்கிய நீதிமன்றம்

நித்தின் சாய், சென்னை ஒரு கல்லூரியில் மூன்றாம் ஆண்டு படித்து வந்தவர். அவர் தனது நண்பர்களான அபிஷேக் மற்றும் வெங்கடேஷ் ஆகியோருடன் இரவு நேரத்தில் ஸ்கூட்டரில் பயணித்துக் கொண்டிருந்தார். திருமங்கலம் பள்ளி சாலை அருகே, சொகுசு காரில் வந்த நபர்கள், ஸ்கூட்டரைத் தாக்கியதோடு, வீழ்த்தப்பட்டவர்கள் மீண்டும் காரை ஏற்றி உறுதியாக்கினர். இதில் நித்தின் சாய்க்கு தலையில் கடுமையான காயம் ஏற்பட்டு அவர் உடனடியாக உயிரிழந்தார். மற்ற இருவரும் காயமடைந்தனர். சம்பவத்தை அறிந்து விரைந்து வந்த திருமங்கலம் போலீசார், இறந்த மாணவரின் உடலை கோயம்பேடு அரசு மருத்துவமனைக்கு அனுப்பி, விசாரணைத் தொடங்கினர்.

இந்தக் கொலையின் பின்னணியில், காதல் தகராறு முக்கிய காரணமாகக் கருதப்படுகிறது. நித்தின் சாயின் நண்பரான வெங்கடேஷ், பிளஸ் 2 படிக்கும் ஒரு மாணவியை ஒருதலைப்பட்சமாகக் காதலித்து வந்தார். அந்த மாணவி அவரது காதலை ஏற்கவில்லை என்றாலும், வெங்கடேஷ் தொடர்ந்து தொந்தரவு செய்ததாகக் கூறப்படுகிறது. இதனால், அந்த மாணவியின் குடும்பத்தினர் மற்றும் அவரது நண்பர்களிடையே மோதல் ஏற்பட்டது.

வெங்கடேஷின் நண்பரான பிரணவ், இந்த விவகாரத்தைத் தீர்க்க, தனது கல்லூரி சீனியரான சந்துருவிடம் புகார் அளித்திருக்கிறார். சந்துரு, திமுக தலைமைக் கழக செயற்குழு உறுப்பினரும், கவுன்சிலருமான தனசேகரனின் பேரன் என்பது குறிப்பிடத்தக்கது. சந்துரு, தனது நண்பர்களான சுதன் மற்றும் மற்றொரு நபருடன் இணைந்து, கட்டப்பஞ்சாயத்த என்ற பெயரில் இந்த விவகாரத்தைத் தீர்க்க முயன்றார். ஆனால், இது வன்முறைக்கு மாறி, திட்டமிட்டு நித்தின் சாயை இலக்காக்கி கொலை செய்யப்பட்டது. போலீசார் விசாரணையைத் தொடங்கியதும், சம்பவ இடத்தைச் சுற்றியுள்ள சிசிடிவி காட்சிகளை ஆய்வு செய்தனர்.

இதையும் படிங்க: ஆம்ஸ்ட்ராங் கொலை வழக்கு... சிபிஐக்கு மாற்றக் கோரிய பொற்கொடியின் மனு ஒத்திவைப்பு!

அவற்றில், கார் அதிவேகமாக ஸ்கூட்டரைத் தாக்குவது, வீழ்த்தப்பட்டவர்கள் மீண்டும் ஏற்படுத்துவது மற்றும் காரை விட்டு எச்சரிக்கை அளித்து செல்வது போன்றவை தெளிவாகப் பதிவாகியிருந்தன. இதன் அடிப்படையில், திருமங்கலம் போலீசார் சந்துரு, பிரணவ் மற்றும் சுதன் ஆகிய மூன்று பேரையும் கைது செய்து சிறையில் அடைத்தனர். மனுதாரர் கல்லூரி மாணவர் என்பதாலும், ஏற்கனவே 41 நாட்கள் சிறையில் இருந்ததன் காரணமாகவும் அவருக்கு சென்னை முதன்மை நீதிமன்றம் நிபந்தனை ஜாமின் வழங்கி உத்தரவிட்டது. 

இதையும் படிங்க: கன்னட நடிகர் தர்ஷன் கைது… ஜாமீன் ரத்து செய்யப்பட்டதால் கர்நாடகா போலீஸ் அதிரடி நடவடிக்கை!