ஜி.கே. மணியின் மகன் தமிழ் குமரன் காங்கிரஸில் ஐக்கியம்..!! பாமகவில் சலசலப்பு..!!

பாமக ஜி.கே. மணியின் மகன் தமிழ் குமரன் காங்கிரஸில் இணைந்துள்ளார்.தமிழ் குமரன் முதன்மையாக தமிழ் திரைப்படத் தயாரிப்பாளராக அறியப்படுபவர். லைகா புரொடக்‌ஷன்ஸ் நிறுவனத்தில் தலைமை நிர்வாக அதிகாரியாகப் பொறுப்பு வகித்த அவர், சினிமா துறையில் செயல்பட்டு வந்தார். அவரது அரசியல் நுழைவு கட்சியின் இளைஞர் அணியுடன் தொடங்கியது. 2022-ஆம் ஆண்டு ராமதாஸ் அவரை பாமக இளைஞர் அணித் தலைவராக நியமித்தார்.

அப்போது அன்புமணி ராமதாஸ் கட்சித் தலைவராகப் பொறுப்பேற்றிருந்த நிலையில், இந்த நியமனம் கட்சியின் இளைஞர் பிரிவை வலுப்படுத்தும் நோக்கில் செய்யப்பட்டதாகக் கருதப்பட்டது. இருப்பினும், இந்த நியமனத்தை அன்புமணி ஏற்கவில்லை என்றும், தமிழ் குமரன் உடனடியாக ராஜினாமா செய்யுமாறு அழுத்தம் கொடுத்ததாகவும் ராமதாஸ் பின்னர் பகிரங்கமாகக் குற்றம்சாட்டினார்.

கட்சியில் ஏற்பட்ட உள் மோதல்கள் தீவிரமடைந்தபோது, ராமதாஸ் தனது மகன் அன்புமணியை எதிர்த்து பல நடவடிக்கைகளை எடுத்தார். அன்புமணியை கட்சியின் முதன்மை உறுப்பினர் பதவியிலிருந்து நீக்கியதுடன், கட்சியின் பெயர், சின்னம், கொடி உள்ளிட்டவற்றின் உரிமை குறித்து தேர்தல் ஆணையத்திடம் பிரச்னை எழுந்தது. இந்தச் சூழலில், 2025 அக்டோபர் 2-ஆம் தேதி ராமதாஸ் தமிழ் குமரனை மீண்டும் பாமக மாநில இளைஞர் சங்கத் தலைவராக நியமித்தார்.

இதையும் படிங்க: என்ன திமுக ஆதரவா? பொன்ராஜை அரெஸ்ட் பண்ணுங்க..! போர்க்கொடி தூக்கிய அன்புமணி..!!

பாமக பிரச்சனை பெருமளவில் உருவெடுத்திருக்கும் நிலையில் தமிழ் குமரன் தன்னை காங்கிரஸில் இணைத்துக் கொண்டுள்ளார். காங்கிரஸ் பொதுச் செயலாளர் கே. சி வேணுகோபாலை நேரில் சந்தித்து தன்னை காங்கிரஸ் கட்சியில் இணைத்துக் கொண்டார். இந்த நிகழ்வு பாமகவினர் மத்தியில் அதிர்ச்சியில் ஏற்படுத்தியுள்ளது.

இதையும் படிங்க: மாம்பழ சின்னம் யாருக்கு? ராமதாஸ் தொடர்ந்த வழக்கு... அன்புமணிக்கு பறந்த அதிரடி உத்தரவு..!!