திமுக = டோட்டல் ஃபெயிலியர்..! கிளியை வளர்த்து அராத்து குரங்கு கிட்ட கொடுத்துட்டோம்.. பாஜக விமர்சனம்..!!

நாடு போற்றும் நல்லாட்சி என யாராவது வாயைத் திறந்தால், தமிழக பாஜக சார்பில் சொந்தக் காசில் ஒவ்வொரு உடன்பிறப்புகளின் வீடுகளுக்கும் ஒரு மூட்டை “உப்பு” வழங்கப்படும் என கூறப்பட்டுள்ளது. திராவிட மாடல் என்பது Total Failure என்று தமிழக பாஜக விமர்சித்து உள்ளது. அழகு கிளியை வளர்த்து, அராத்துக் குரங்கிடம் கொடுத்தது போல அமைதிப் பூங்காவாகவும் வளர்ச்சியின் அடையாளமாகவும் திகழ்ந்த தமிழகத்திற்கு, வெற்று விளம்பரங்களில் மட்டுமே ஆர்வம் கொண்ட ஸ்டாலினை முதல்வராகத் தேர்ந்தெடுத்து மாபெரும் வரலாற்றுப் பிழையை இழைத்துவிட்டது தமிழகம் என்று தெரிவித்து உள்ளது.

கொடுத்த வாக்குறுதிகள் எத்தனை என்று தெரியவில்லை, அதில் எத்தனை சதவிகிதம் நிறைவேற்றப்பட்டன என்ற அறிவு இல்லை, எழுதிக் கொடுப்பதைக் கூட பிழையின்றி வாசிக்க முடியவில்லை என்று சாடியது. மக்களின் உண்மை பிரச்சினைகள் குறித்த அக்கறையில்லை, பெண்களின் பாதுகாப்பு பற்றிய கவலையில்லை, இப்படியொரு பொம்மை முதல்வரை இதுவரை தமிழக அரசியல் கண்டதில்லை என்று அடுக்கடுக்கான குற்றச்சாட்டுகளை முன்வைத்து உள்ளது. 

விலைவாசி உயர்வு, வரி உயர்வு, சட்டம் ஒழுங்கு சீர்குலைவு, போதைப்பொருள் பெருக்கம் எனத் தமிழகம் வைத்த அனைத்து அரசுத் தேர்வுகளிலும் தோல்வியடைந்த ஸ்டாலினின் உண்மை லட்சணத்தை விளக்கும் வகையில் எங்கள் தலைவர் “Report Card” அனுப்பியுள்ளார் என்று தெரிவித்துள்ளது. 

இதையும் படிங்க: கேப்டன் ஆன்மா மன்னிக்கவே மன்னிக்காது..!! தேமுதிகவை கடுகடுத்த தமிழக பாஜக..!!

இனியும் “நாடு போற்றும் நல்லாட்சி” என யாராவது வாயைத் திறந்தால், தமிழக பாஜக சார்பில் எங்கள் சொந்தக் காசில் ஒவ்வொரு உடன்பிறப்புகளின் வீடுகளுக்கும் ஒரு மூட்டை “உப்பு” பரிசளிக்கப்படும் என்று தெரிவித்தது. அப்பொழுதாவது கொத்தடிமைக் கூட்டத்திற்குக் கொஞ்சம் உறைக்கட்டும் என்று சாடியுள்ளது.

இதையும் படிங்க: விறுவிறு தேர்தல் பணிகள்... தமிழகத்திற்கு வரும் தேர்தல் அதிகாரிகள்..! முக்கிய ஆலோசனை..!