"டெண்டர் முறைகேடு"..! நொடிக்கு நொடி அதிரடி..! 2 அதிகாரிகளை சஸ்பெண்ட் செய்து அமைச்சர் ஆனந்த் உத்தரவு..!

தமிழக வெற்றி கழகம் 2026 சட்டமன்றத் தேர்தலில் பெரும்பான்மைக்கு அருகில் அல்லது கூட்டணி ஆதரவுடன் ஆட்சியமைத்து, விஜய் முதலமைச்சராகப் பொறுப்பேற்ற நிலையில், அரசு நிர்வாகத்தில் நேர்மை, மாற்றம் மற்றும் ஊழல் ஒழிப்பு என்று வலியுறுத்திய கொள்கைகளுக்கு மாறாக, சில டெண்டர் முறைகேடு புகார்கள் வெளியாகத் தொடங்கின. இந்தப் புகார்கள் முக்கியமாக அமைச்சர்கள், அதிகாரிகள் மற்றும் உள்ளாட்சி அமைப்புகளை மையப்படுத்தியவையாக உள்ளன.

இவை இன்னும் முழுமையான விசாரணைக்கு உள்ளாகவில்லை என்றாலும், அரசியல் எதிர்க்கட்சிகள் மற்றும் சமூக ஆர்வலர்களிடையே கடும் விமர்சனங்களை ஏற்படுத்தியுள்ளன. முக்கிய புகார்களில் ஒன்று, தவெக அமைச்சர் புஸ்ஸி ஆனந்த் தொடர்பானது. அவர் பதவியேற்ற சில மணி நேரங்களுக்குள் ஒரு டெண்டர் வெளியிடப்பட்டு, வெகு குறுகிய காலத்தில் முடிவு செய்யப்பட்டதாகக் கூறப்படுகிறது.

இது முன்கூட்டியே யாருக்கோ செட்டிங் செய்யப்பட்ட டெண்டர் என்ற சந்தேகத்தை எழுப்பியது. “மாற்றம், நேர்மை” என்று தேர்தல் பிரச்சாரத்தில் வலியுறுத்திய தவெக ஆட்சியின் ஆரம்பமே இப்படி இருப்பது ஏமாற்றம் என்று எதிர்க்கட்சியினர் விமர்சித்தனர். இந்தச் சம்பவம் சமூக ஊடகங்களில் பரவலாகப் பகிரப்பட்டு, பொதுமக்களிடையே விவாதத்தை ஏற்படுத்தியது. 

இதையும் படிங்க: ரோமில் பிரதமர் மோடி.. மெலோனியுடன் ஸ்வீட்டான ஒரு சந்திப்பு..!! ஒரே காரில் பயணம்..!!

இந்த நிலையில், ஊரக வளர்ச்சித் துறையில் டெண்டர் முறைகேடு நடந்ததாக புகார் எழுந்த நிலையில் இரண்டு பேர் சஸ்பெண்ட் செய்யப்பட்டுள்ளனர். டெண்டர் தொடங்கி இருபத்தி நான்கு மணி நேரத்தில் முடிவுற்றதை எடுத்து முறைகேடு நடந்ததாக புகார் எழுந்தது. டெண்டரை ஏற்கனவே முடிவு செய்துவிட்டதாக அதிகாரிகள் மீது புகார் தெரிவிக்கப்பட்டது. இந்த புகார் தொடர்பாக அமைச்சர் ஆனந்த் அதிகாரிகளுடன் விசாரணை நடத்தினார். விசாரணை முடிவில் அதிகாரிகள் சாந்தி மற்றும் கயல்விழி ஆகியோர் சஸ்பெண்ட் செய்யப்பட்டு இருக்கின்றனர். 

இதையும் படிங்க: CM விஜய் காட்டும் நிர்வாக வேகம்! சென்னையில் அதிரடி..! 5 காவல் ஆய்வாளர்கள் காத்திருப்போர் பட்டியலுக்கு மாற்றம்..!