தமிழ்நாடு, கேரளா, கர்நாடகா ஆளுநர்களின் நடவடிக்கைக்குக் கண்டனம்; எதிர்க்கட்சிகளை ஒருங்கிணைக்க திமுக முடிவு!

ஆளுநர்கள் மாநில அரசால் தயாரிக்கப்பட்ட உரையைப் படிக்க மறுப்பதும், தன்னிச்சையாகச் செயல்படுவதும் ஜனநாயகத்திற்கு எதிரானது எனச் சாடியுள்ள தமிழக முதல்வர் மு.க.ஸ்டாலின், சட்டமன்றக் கூட்டத்தொடரை ஆளுநர் உரையுடன் தொடங்கும் மரபையே நீக்க வேண்டும் என வலியுறுத்தியுள்ளார். தமிழ்நாடு, கேரளா மற்றும் கர்நாடகா ஆகிய மாநிலங்களில் ஆளுநர்கள் தொடர்ந்து மக்களால் தேர்ந்தெடுக்கப்பட்ட அரசுக்கு எதிராகச் செயல்படுவதைச் சுட்டிக்காட்டியுள்ள அவர், இதற்குத் தீர்வாக அரசமைப்புச் சட்டத்தில் உரிய திருத்தங்களைக் கொண்டுவர திமுக முயற்சிக்கும் எனத் தெரிவித்துள்ளார்.

கடந்த ஜனவரி 20-ஆம் தேதி, தமிழக ஆளுநர் ஆர்.என்.ரவி அரசு தயாரித்த உரையை முழுமையாக வாசிக்காமல் சட்டமன்றத்திலிருந்து வெளியேறியது பெரும் விவாதத்தைக் கிளப்பியது. இதே போன்ற சூழல் கேரளா மற்றும் கர்நாடகா மாநிலங்களிலும் நிலவுவதை முதல்வர் ஸ்டாலின் சுட்டிக்காட்டியுள்ளார். "ஆளுநர்கள் தங்களை ஒரு கட்சி முகவரைப் போல நடத்திக்கொள்வது கண்டிக்கத்தக்கது; இது மாநில நிர்வாகத்தைப் பாதிக்கும் செயல்" என அவர் தனது சமூக வலைதளப் பதிவில் பதிவிட்டுள்ளார்.

இதையும் படிங்க: NDA கூட்டணிக்கு போவாருன்னு தெரியும்.. வெட்டத்தான் ஆடு வாங்குறாங்க! தினகரனை விமர்சித்த ஆதவ் அர்ஜூனா.. !

இந்த 'காலாவதியான' நடைமுறைக்கு முற்றுப்புள்ளி வைக்க, நாடாளுமன்றத்தின் அடுத்த கூட்டத்தொடரிலேயே அரசமைப்புச் சட்டத் திருத்தம் கொண்டுவர ஒத்த கருத்துள்ள எதிர்க்கட்சிகளுடன் திமுக ஆலோசிக்கும் என முதல்வர் அறிவித்துள்ளார். ஆளுநர் உரை என்ற பெயரில் மாநில அரசின் சாதனைகளை மறைக்கவோ அல்லது தனிப்பட்ட கருத்துக்களைத் திணிக்கவோ ஆளுநர்களுக்கு அதிகாரம் இல்லை என்பதே திமுகவின் நிலைப்பாடாக உள்ளது.

இதையும் படிங்க: NDA கூட்டணிக்கு போவாருன்னு தெரியும்.. வெட்டத்தான் ஆடு வாங்குறாங்க! தினகரனை விமர்சித்த ஆதவ் அர்ஜூனா.. !