கிராமப்புற நீர்நிலை புனரமைப்பு பணிக்கு மக்கள் கைகோர்க்க வேண்டும்: அமைச்சர் ஆனந்த் அழைப்பு!

தமிழகத்தின் கிராமப்புற நீர்வளத்தைப் பாதுகாத்து, மேம்படுத்தும் நோக்கில் நாளை மாநிலம் முழுவதும் நடைபெறும் மாபெரும் நீர்நிலை புனரமைப்புப் பணியில் பொதுமக்கள் அனைவரும் பெருமளவில் கைகோர்த்துப் பங்கேற்க வேண்டும் என மாண்புமிகு அமைச்சர் ஆனந்த் உருக்கமான அழைப்பு விடுத்துள்ளார்.

இதுதொடர்பாக அவர் வெளியிட்டுள்ள செய்திக் குறிப்பில், தமிழ்நாட்டின் வேளாண்மைக்கும் மக்களின் அன்றாடக் குடிநீர்த் தேவைக்கும் கிராமப்புறங்களில் உள்ள நீர்நிலைகளே பிரதான ஆதாரமாக விளங்கி வருகின்றன என்று சுட்டிக்காட்டியுள்ளார். பருவமழைக் காலங்களில் பெய்யும் மழைநீரை ஒரு துளி கூட வீணாக்காமல் முழுமையாகச் சேமித்து நிலத்தடி நீர்மட்டத்தை உயர்த்தும் நோக்கில், மாநிலம் தழுவிய அளவில் சிறப்பு நீர்நிலை தூர்வாரும் மற்றும் புனரமைப்புத் திட்டம் அரசு சார்பில் தீவிரமாக முன்னெடுக்கப்பட்டு வருகிறது.

நாளை நடைபெறவுள்ள இந்த மாபெரும் களப்பணியில் கிராமப்புற ஏரிகள், குளங்கள், ஊரணிகள் மற்றும் வரத்துக் கால்வாய்களைத் தூர்வாரிச் சீரமைக்கும் பணிகள் முழுவீச்சில் நடைபெற உள்ளன. இந்த உன்னதப் பணி வெறும் அரசுத் திட்டமாக மட்டும் நின்றுவிடாமல், மக்களின் வாழ்வாதாரத்தை உயர்த்தும் மக்கள் இயக்கமாக மாற வேண்டும் என்று அமைச்சர் வலியுறுத்தியுள்ளார்.

இதையும் படிங்க:  "பண்டிகை சீசனில் இதை மறக்காதீங்க!" - காதி, கைத்தறிப் பொருட்களை வாங்கப் பிரதமர் மோடி வேண்டுகோள்!

எனவே, நீர்நிலைகளைப் பாதுகாக்கும் இந்த உன்னதப் பணியில் உள்ளாட்சி அமைப்புகளின் பிரதிநிதிகள், சமூக ஆர்வலர்கள், இளைஞர்கள், விவசாயிகள், சுயஉதவிக் குழுக்கள் மற்றும் பொதுமக்கள் அனைவரும் முழுமனதுடன் கைகோர்த்துத் தங்களின் பங்களிப்பை வழங்கிட வேண்டும் என அமைச்சர் ஆனந்த் கேட்டுக்கொண்டுள்ளார்.

இதையும் படிங்க: 150 நாட்கள் வேலைவாய்ப்பு உறுதி! 'வெற்றி 150' திட்டத்திற்கு ரூ.100 கோடி நிதி ஒதுக்கி அமைச்சர் ஆனந்த் அறிவிப்பு!