#BREAKING: குரூப் 2, 2A முதன்மை தேர்வுகள் ரத்து: தேர்வாணைய தலைவர் எஸ்.கே. பிரபாகர் அறிவிப்பு!

 இன்று நடைபெறவிருந்த டிஎன்பிஎஸ்சி குரூப் 2 மற்றும் 2A முதன்மைத் தேர்வுகள் (Mains) தொழில்நுட்பக் குளறுபடிகள் மற்றும் நிர்வாகக் காரணங்களால் ரத்து செய்யப்படுவதாகத் தேர்வாணையத் தலைவர் எஸ்.கே. பிரபாகர் அதிகாரப்பூர்வமாக அறிவித்துள்ளார். தேர்வு நடைபெறும் புதியத் தேதி பின்னர் அறிவிக்கப்படும் எனத் தெரிவிக்கப்பட்டுள்ளது.

இன்று காலை தொடங்கியத் தேர்வில் தமிழகத்தின் பல்வேறு மையங்களில் பெரும் குளறுபடிகள் அரங்கேறின.
சென்னை நந்தனம் அரசு கலைக்கல்லூரி மையத்தில் காலை 9 மணி ஆகியும் வினாத்தாள்கள் வரவில்லை எனத் தேர்வர்கள் புகார் அளித்தனர். இதனால் தேர்வர்கள் நீண்ட நேரம் காத்திருக்கும் சூழல் ஏற்பட்டது.

அரும்பாக்கத்தில் உள்ள வைஷ்ணவா கல்லூரியில் தேர்வு எழுதச் சென்றத் தேர்வர்களுக்கு, அவர்களுடையத் தேர்வு எண்கள் அங்குப் பட்டியலிடப்படவில்லை என்ற அதிர்ச்சித் தகவல் வெளியானது. கடைசி நேரத்தில் தேர்வு மையம் மாற்றப்பட்டதாகச் சொல்லப்பட்டத் தகவல் தேர்வர்களிடையேப் பெரும் குழப்பத்தை ஏற்படுத்தியது.

இதையும் படிங்க: “தமிழக ரயில்வே திட்டங்களுக்கு நிதி வழங்குக!” பிரதமர் மோடிக்கு முதலமைச்சர் மு.க. ஸ்டாலின் கடிதம்!

இந்த மையத்தில் சுமார் 821 பேர் தேர்வு எழுத வேண்டிய நிலையில், காலை 9 மணி வரை ஒற்றை இலக்க எண்ணிக்கையிலானத் தேர்வர்கள் மட்டுமே வந்துள்ளனர். மற்றத் தேர்வர்கள் தங்களதுத் தேர்வு மையம் எது என்று தெரியாமல் அலைக்கழிக்கப்பட்டனர்.

வைஷ்ணவா கல்லூரி மையத்தில் ஏற்பட்டக் குளறுபடிகளால் ஆத்திரமடைந்தத் தேர்வர்கள், தற்போதுச் சென்னை அரும்பாக்கம் பகுதியில் சாலை மறியலில் ஈடுபட்டு வருகின்றனர். தேர்வாணையம் முறையானத் திட்டமிடல் இல்லாமல் தேர்வை நடத்தியதே இதற்குக் காரணம் என அவர்கள் குற்றம் சாட்டுகின்றனர். தேர்வாணையம் சார்பில் மாற்றுப் பேருந்துகள் மூலம் தேர்வர்களைச் சரியான மையங்களுக்கு அழைத்துச் செல்ல நடவடிக்கைகள் எடுக்கப்பட்டதாகத் தகவல் வெளியான போதிலும், குழப்பம் நீடித்ததால்த் தேர்வினை ரத்து செய்ய முடிவெடுக்கப்பட்டது.

இந்தத் திடீர் ரத்து அறிவிப்பு, பல மாதங்களாகக் கடினமாக உழைத்துப் படித்து வந்தத் தேர்வர்களிடையேப் பெரும் ஏமாற்றத்தையும் ஆத்திரத்தையும் ஏற்படுத்தியுள்ளது. தேர்வாணையத்தின் இத்தகையத் தொடர் குளறுபடிகள் குறித்துப் பல்வேறு அரசியல் கட்சித் தலைவர்களும் தங்களதுக் கண்டனங்களைப் பதிவு செய்து வருகின்றனர்.

இதையும் படிங்க: திமுக இளைஞரணி மாநாடு கோலாகல தொடக்கம்...! முதல்வர் ஸ்டாலின் மாஸ் என்ட்ரி..! உற்சாக வரவேற்பு..!