தனியாருக்கு கொடுக்க விஜய்க்கு எவ்வளவு ஆர்வம்..? தவெக அரசு முடிவுக்கு TTV தினகரன் எதிர்ப்பு..!
மின் கணக்கிட்டு பணிகளில் தனியார் ஈடுபடுவதற்கு டிடிவி தினகரன் கண்டனம் தெரிவித்தார்.
by
அம்மா மக்கள் முன்னேற்றக் கழக பொதுச்செயலாளர் டிடிவி தினகரன், வீடுகளில் மின் பயன்பாட்டை கணக்கெடுக்கும் பணியை தனியார் நிறுவனங்களுக்கு ஒப்படைக்கும் மின்வாரியத்தின் நடவடிக்கையை கடுமையாக சாடியுள்ளார். மின்வாரியம் பிறப்பித்துள்ள உத்தரவு மின்வாரிய ஊழியர்கள் மத்தியில் பெரும் கொந்தளிப்பை ஏற்படுத்தியுள்ளதாக அவர் குறிப்பிட்டார்.சென்னை அண்ணாசாலையில் உள்ள மின்வாரிய தலைமையகத்தில் முதலமைச்சர் ஜோசப் விஜய் சமீபத்தில் ஆய்வு மேற்கொண்டபோது, மின்வாரியத்தில் உள்ள பல்லாயிரக்கணக்கான காலிப்பணியிடங்களை நிரப்பக் கோரி போராட்டம் நடைபெற்றது.
அத்தகைய சூழலில் மின் கணக்கீட்டாளர் பணிக்கு தனியார் ஒப்பந்த நிறுவனங்களின் மூலம் ஊழியர்களை நியமிக்க முயற்சிப்பது கடும் கண்டனத்திற்குரியது என டிடிவி தினகரன் தெரிவித்தார்.மின்சார பற்றாக்குறை, அடிக்கடி நிகழும் அறிவிக்கப்படாத மின்வெட்டு, மின் கட்டணம் கணக்கெடுப்பதிலும் வசூலிப்பதிலும் ஏற்படும் குளறுபடிகள் போன்ற புகார்களை சமாளிக்க முடியாமல் திணறிக் கொண்டிருக்கும் மின்சார வாரியம், பணியாளர்கள் பற்றாக்குறையை காரணம் காட்டி இந்தப் பணியை தனியாருக்கு தாரைவார்ப்பதன் மூலம் தன் கையாலாகாத்தனத்தை தானே ஒப்புக்கொண்டதாகவே பார்க்க வேண்டியுள்ளது என அவர் விமர்சித்தார்.
தூய்மைப் பணிகள் தொடங்கி போக்குவரத்துக் கழகத்திற்கு ஓட்டுநர்கள் மற்றும் நடத்துநர்கள் நியமனம், செவிலியர்கள் நியமனம், சென்னை விமான நிலையம் வரை தனியாரையே நாடிக் கொண்டிருப்பது குறித்தும் அவர் கேள்வி எழுப்பினார். ஐந்து ஆண்டுகள் மற்றும் அதற்கு மேலாக ஒப்பந்த அடிப்படையில் பணிபுரியும் ஊழியர்களை பணிநிரந்தரம் செய்வோம் என வாக்குறுதியளித்த தவெக அரசு, ஒட்டுமொத்த தமிழகத்தையும் தனியாருக்கு தாரைவார்க்க இலக்கு நிர்ணயித்திருக்கிறதா என்ற கேள்வி எழுந்துள்ளதாக அவர் குறிப்பிட்டார்.
இதையும் படிங்க: கட்சி நிர்வாகிகளுக்கு மட்டும் காம்ப்ரமைஸ் ஆகுவிங்களா CM..? பாலியல் குற்றம்... பொளந்து கட்டிய TTV தினகரன்.!
மின் கணக்கீட்டுப் பணியை தனியாருக்கு ஒப்படைக்கும் முடிவை உடனடியாக கைவிட வேண்டும் எனவும், மின்வாரியத்தில் காலியாக இருக்கும் பணியிடங்களை நிரந்தரமாக நிரப்பத் தேவையான நடவடிக்கைகளை மேற்கொள்ள வேண்டும் எனவும் மின்வாரியத்தையும் திமுக அரசையும் டிடிவி தினகரன் வலியுறுத்தினார்.
இதையும் படிங்க: கொலை... கொலை...! போலீஸ் கைகள் கட்டப்பட்டிருக்கா.? கடும் தண்டனையை வலியுறுத்தும் TTV..!!
