சுயரூபத்தை காட்டிட்டீங்களே..! அதிகார மமதை... அநாகரிக உச்சம்..! ஆ.ராசா பேச்சுக்கு TVK கண்டனம்..!

தமிழ்நாட்டின் 2026 சட்டமன்றத் தேர்தலில் தமிழக வெற்றிக் கழக தலைவர் சி. ஜோசப் விஜய் தலைமையிலான கட்சி பெரும்பான்மைக்கு சற்று குறைவான இடங்களைப் பெற்ற நிலையில், புதிய கூட்டணி அரசியல் உருவெடுத்தது. இந்தச் சூழலில், இந்திய யூனியன் முஸ்லிம் லீக் மற்றும் விடுதலைச் சிறுத்தைகள் கட்சி ஆகியவை தவெக அமைச்சரவையில் இணைவது தமிழ்நாட்டு அரசியலில் பெரும் மாற்றத்தை ஏற்படுத்தியுள்ளது.

விடுதலை சிறுத்தைகள் மற்றும் இந்திய யூனியன் முஸ்லிம் லீக் கட்சி ஆகியவை தமிழக வெற்றிக் கழகத்தின் அமைச்சரவையில் இடம் பிடித்துள்ளன. இதனை திமுக நாடாளுமன்ற உறுப்பினர் ஆ. ராசா கடுமையாக விமர்சித்துள்ளார். தரம் தாழ்ந்த வார்த்தைகளால் விமர்சனம் செய்திருப்பதாக தமிழக வெற்றி கழகம் கண்டித்து உள்ளது.

"அதிகார பகிர்வு" என்ற மக்களாட்சிக் கோட்பாடு குறித்த விடுதலைச் சிறுத்தைகள் கட்சி மற்றும் இந்திய யூனியன் முஸ்லிம் லீக் ஆகிய கட்சிகளின் நிலைப்பாடுகளைக் கொச்சைப்படுத்தும் விதமாகவும், தார்மீக அரசியல் நாகரிக எல்லைகளை மீறியும் திமுக நாடாளுமன்ற உறுப்பினர் திரு. ஆ.ராசா அவர்கள் தனது சமூக ஊடகப் பக்கத்தில் பதிவிட்டுள்ள ட்வீட் அநாகரீகத்தின் உச்சம் என்று தெரிவித்துள்ளது.

இதையும் படிங்க: காலியான சீட்..! ராஜ்யசபாவில் தவெக என்ட்ரி..? விஜய் அரசியலில் புதிய மைல்கல்..!

சமூக நீதி சார்ந்த கட்சிகள் தங்களின் உரிமைகளையோ அல்லது மாற்று அரசியல் கருத்துகளையோ முன்வைத்தால், அவர்களைத் தரம் தாழ்ந்து விமர்சிப்பதும், மிரட்டும் தொனியில் பேசுவதும் திமுக-வின் அதிகார மமதையையே காட்டுகிறது என்றும் கூறப்பட்டுள்ளது. தமிழக வெற்றிக் கழகம் முன்வைக்கும் நேர்மையான, அனைவரையும் உள்ளடக்கிய அதிகாரப் பகிர்வு என்ற அரசியல் தத்துவம், தங்களின் குடும்ப அரசியல் ஏகபோகத்தைச் சரித்துவிடும் என்ற பயத்தில், திமுக-வினர் தங்களின் நிதானத்தை இழந்து பிதற்றத் தொடங்கியுள்ளனர் என்றும் கூறியுள்ளது. உங்கள் சுயரூபத்தை நீங்களே வெளிப்படுத்தி விட்டீர்கள் எனவும் தெரிவிக்கப்பட்டு இருக்கிறது. 

இதையும் படிங்க: விஜய் கேபினெட்டில் புதிய சக்திகள்..! விசிக, IUMLக்கு இலாகா ஒதுக்கீடு..!!