எடப்பாடி தவெக வேட்பாளர் குடும்பத்துடன் தலைமறைவு!! விலைக்கு வாங்கியது அதிமுக?! கடுகடுக்கும் விஜய்!

சேலம்: எடப்பாடி தொகுதியில் தமிழக வாழ்வுரிமை கட்சி (த.வெ.க.) சார்பில் வேட்பாளராக அறிவிக்கப்பட்ட அருண்குமாரின் வேட்பு மனு, முன்மொழிபவர்கள் கையெழுத்து பற்றாக்குறை காரணமாக தள்ளுபடி செய்யப்பட்டது. இதனால் த.வெ.க.வினர் அதிர்ச்சியும் கடும் அதிருப்தியும் அடைந்துள்ளனர். அருண்குமார் தனது மனைவி நித்யா மற்றும் குடும்பத்தினருடன் தலைமறைவாகிவிட்டதாகவும் தகவல் வெளியாகியுள்ளது.

வலசையூர் மணிகண்டன் நகரைச் சேர்ந்த 43 வயதான அருண்குமார், முன்னாள் தி.மு.க. ஒன்றிய கவுன்சிலர் முருகனின் மகன். அவர் சமீபத்தில் த.வெ.க.வில் இணைந்து, எடப்பாடி தொகுதி வேட்பாளராக கட்சி தலைமையால் அறிவிக்கப்பட்டார். அவரது மனைவி நித்யா மாற்று வேட்பாளராக மனு தாக்கல் செய்திருந்தார். 

நேற்று முன்தினம் வேட்பு மனு பரிசீலனை நடைபெற்றபோது, அருண்குமாரும் அவரது மனைவியும் அலுவலகத்துக்கு வரவில்லை. அருண்குமாரின் வேட்பு மனுவில் 10 பேருக்குப் பதிலாக 8 பேர் மட்டுமே முன்மொழிந்திருந்தனர். மனைவியின் மனுவிலும் 7 பேர் மட்டுமே கையெழுத்திட்டிருந்தனர். இதனால் இரு மனுக்களும் தேர்தல் அதிகாரியால் தள்ளுபடி செய்யப்பட்டன.

இதையும் படிங்க: வெற்றி விசிலுக்கே..! ஓட்டுக்கு 10 ஆயிரம்... பகல் கனவு பலிக்காது..!! ஆதவ் விளாசல்..!!

த.வெ.க.வினர் இது திட்டமிட்ட சதி என்று குற்றம் சாட்டுகின்றனர். அருண்குமார் அ.தி.மு.க.வுக்கு விலை போய்விட்டதாகவும் அவர்கள் கூறுகின்றனர். சேலம் த.வெ.க. மேற்கு மாவட்ட செயலர் செல்வம் கூறுகையில், “அருண்குமார் முன்னர் அ.தி.மு.க. ஒன்றிய கவுன்சிலராக இருந்தவர். பின்னர் தி.மு.க.வில் இணைந்து, மீண்டும் அ.தி.மு.க.வுக்குச் சென்றார். முன்னாள் அமைச்சர் செங்கோட்டையன் மூலம் த.வெ.க.வுக்கு வந்த அவரை எடப்பாடி தொகுதி வேட்பாளராக அறிவித்தோம்.

வேட்பு மனு தாக்கலுக்கு முன் 10 பேர் முன்மொழிந்த கையெழுத்துப் படிவங்களை அவருக்கு அனுப்பினோம். ஆனால் அவர் வேறு படிவங்களை பயன்படுத்தி, குறைவான கையெழுத்துகளுடன் மனு தாக்கல் செய்துள்ளார். மனு அளித்த பிறகு ‘ரெஸ்ட் ரூம்’ செல்வதாகக் கூறி தனியாக வெளியேறினார். பரிசீலனை நாளில் கையெழுத்திட்டுவிட்டு உள்ளே வராமல் உடனடியாக வெளியேறினார். இப்போது அவரும் குடும்பத்தினரும் தலைமறைவாகிவிட்டனர்” என்றார்.

எடப்பாடி தொகுதியில் இனி அ.தி.மு.க., தி.மு.க. மற்றும் நா.த.க. வேட்பாளர்கள் இடையே மட்டுமே போட்டி நிலவும் சூழல் உருவாகியுள்ளது. த.வெ.க. வேட்பாளர் போட்டியிடாததால் கட்சியினர் கடும் அதிருப்தியில் உள்ளனர். அருண்குமாரை யாரோ ஒருவரின் பிடியில் சிக்கி தலைமறைவாக இருப்பதாக செல்வம் குற்றம் சாட்டினார்.

இதையும் படிங்க: விஜய் பரப்புரையின்போது விபத்து..! தவெக நிர்வாகிகள் மீது பாய்ந்த வழக்குகள்..!!