அனல் தெறிக்கும் அரசியல் களம்... யாருடன் கூட்டணி? ஜன. 25ல் தவெக செயல்வீரர்கள் கூட்டம்..!
வரும் 25ஆம் தேதி தமிழக வெற்றிக் கழகத்தின் செயல் வீரர்கள் கூட்டம் நடைபெற உள்ளது.
by
2009-இல் தொடங்கிய விஜய் மக்கள் இயக்கம், முதலில் சமூக சேவை மையமாக செயல்பட்டது. 2011 சட்டமன்றத் தேர்தலில் அதிமுக-தலைமையிலான கூட்டணியை ஆதரித்து, அக்கட்சியின் அமைப்பு வலிமையைப் பெற்றது. ஆனால் உண்மையான தேர்தல் சோதனை 2021 உள்ளூர் உடனடி தேர்தல்களில் வந்தது. விமி, சுயேத்தியாக 169 தொகுதிகளில் போட்டியிட்டு, 115 இடங்களில் வெற்றி பெற்றது. இது விஜயின் ரசிகர்களின் வாக்குச் சக்தியை நிரூபித்தது மட்டுமின்றி, த.வெ.க-வின் எதிர்காலத் தேர்தல் உத்திகளுக்கு அடித்தளமிட்டது.
இந்த வெற்றி, கிராமப்புற மற்றும் இளைஞர் வாக்காளர்களிடம் விஜயின் ஈர்க்கத்தை வெளிப்படுத்தியது, அது தற்போது த.வெ.க-வின் தேர்தல் இயந்திரத்தின் முதன்மை ஆகாரமாக உருவெடுத்துள்ளது.2024 பிப்ரவரியில் அதிகாரப்பூர்வமாக அறிவிக்கப்பட்ட த.வெ.க, தேர்தல் ஆணையத்தில் பதிவு செய்யப்பட்டு, 2024 நாடாளுமன்றத் தேர்தலில் போட்டியிடாமல், ஆதரவும் அளிக்காமல் இருக்கும் என விஜய் தெளிவாக அறிவித்தார். 2026 சட்டமன்ற தேர்தலை முன்னோட்டமாகக் கொண்டு தமிழக வெற்றி கழகம் தீவிரமாக களமாடி வருகிறது.
ஆட்சி அமைத்து விஜய் முதலமைச்சராக ஆக வேண்டும் என்ற முழு முயற்சி மேற்கொள்ளப்பட்டு வருகிறது. பொதுக்கூட்டங்கள், மாநாடுகள், சுற்றுப்பயணங்கள் என அரசியல் களம் கண்டு வருகிறது தமிழக வெற்றிக்கழகம். இதனிடையே, மாமல்லபுரத்தில் ஜனவரி 25ஆம் தேதி தமிழக வெற்றி கழகத்தின் செயல் வீரர்கள் கூட்டம் நடைபெறுகிறது. கூட்டத்தில் தமிழக வெற்றி கழக தலைவர் விஜய் பங்கேற்க உள்ளதாகவும் தகவல் வெளியாகியுள்ளது. டிசம்பர் 18ஆம் தேதிக்கு பிறகு அரசியல் நிகழ்வுகளில் விஜய் பங்கேற்காமல் இருந்து வந்தார்.
இதையும் படிங்க: தமிழக அரசியலில் புதிய திருப்பம்..!! தவெகவிற்கு பொதுச்சின்னம் கிடைக்குமா..?? டெல்லியிலிருந்து வந்த புதிய தகவல்..!!
இந்த கூட்டத்தில் விஜய் பங்கேற்று தேர்தல் நிலைப்பாடு குறித்து முடிவெடுக்கலாம் என்றும் தெரிவிக்கப்பட்டுள்ளது. வரும் 23 ஆம் தேதி பிரதமர் மோடி தமிழகம் வரும் நிலையில் கூட்டணி கட்சி தலைவர்களை உரைமேடையில் முன்னிலைப்படுத்துவார் என்று தெரிவிக்கப்படுகிறது. இந்த நிலையில் 25ஆம் தேதி தமிழக வெற்றி கழகத்தின் செயல்வீரர்கள் கூட்டம் அறிவிக்கப்பட்டுள்ளது. யாருடன் கூட்டணி அமைக்கப்படுகிறது என்பது தொடர்பாக முக்கிய முடிவுகள் அறிவிக்கப்படலாம் எனவும் கூறப்பட்டுள்ளது.
இதையும் படிங்க: #BREAKING: சிக்கி தவிக்கும் ஜனநாயகன்... காரசார வாதம்.. தீர்ப்பு எப்போது?
