அண்ணனே சொல்லிட்டாரு..! விஜய் சொன்ன ஒரே வார்த்தை..! ட்ரெண்டாகும் விசில் கோலம்..!

விஜய் கோலம் போட சொன்னதால் விசில் கோலம் ட்ரெண்டாகி வருவது ஒரு சுவாரஸ்யமான அரசியல்-கலாச்சார நிகழ்வாக தமிழகத்தில் பரவி வருகிறது. தமிழக வெற்றிக் கழகம் தலைவரும், நடிகருமான விஜய், 2026 சட்டமன்றத் தேர்தலுக்கு சில நாட்களுக்கு முன்பு தனது முழு தேர்தல் அறிக்கையை வெளியிட்ட நிகழ்ச்சியில், பெண்களிடம் ஒரு அன்பான கோரிக்கை வைத்தார்.

“என் அம்மா, அக்கா, தங்கைகளே, இன்னும் ஒரு வாரம் தான் தேர்தலுக்கு இருக்கு. நீங்கள் எல்லாரும் எனக்காக உங்கள் வீட்டு வாசலில் விசில் சின்னத்தை கோலமாக போடுங்கள். அது எனக்கு நீங்கள் கொடுக்கும் பெரிய ஆதரவாக இருக்கும்” என்று அவர் பேசினார். இந்த வார்த்தைகள் தான் விசில் கோலம் என்ற புதிய ட்ரெண்டை உருவாக்கியது.

தமிழகத்தில் கோலம் என்பது பெண்களின் அன்றாட வாழ்க்கையில் இயல்பான, பாரம்பரியமான ஒரு கலை வடிவம். காலையில் எழுந்தவுடன் வீட்டு வாசலை சுத்தம் செய்து, மாவு அல்லது பொடியால் அழகிய வடிவங்கள் வரைவது என்பது பல தலைமுறைகளாக தொடரும் பழக்கம். இதை விஜய் தனது அரசியல் பிரச்சாரத்தில் புத்திசாலித்தனமாக இணைத்தார்.

இதையும் படிங்க: விஜய் சொன்ன ஒற்றை வார்த்தை..! விசில் கோலமிட்டு ஆதவ் அர்ஜுனாவை வரவேற்ற மக்கள்..!

தவெகவின் தேர்தல் சின்னமாக இந்திய தேர்தல் ஆணையம் ஒதுக்கிய விசில் சின்னத்தை, கோலத்தின் வடிவில் மக்கள் வீடுகளுக்கு முன் கொண்டு வருமாறு அவர் அழைப்பு விடுத்தார். இது ஒரு சாதாரண அழைப்பு அல்ல; இது பெண்களை நேரடியாக அரசியலில் ஈடுபடுத்தும், வீட்டு வாசலை அரசியல் களமாக மாற்றும் ஒரு நூதனமான யோசனை. விஜய் இதை “அன்பு கோரிக்கை” என்று வலியுறுத்தியதால், அது உணர்ச்சிபூர்வமான தொடர்பை ஏற்படுத்தியது. இந்த கோரிக்கை வெளியான உடனேயே சமூக ஊடகங்களில் பெரும் எதிரொலி கிளம்பியது. இன்ஸ்டாகிராம், யூடியூப், எக்ஸ் உள்ளிட்ட தளங்களில் “விசில் கோலம்” என்ற ஹேஷ்டேக்குடன் பல்வேறு வீடியோக்களும் புகைப்படங்களும் பகிரப்பட்டு வருகின்றன. 

இதையும் படிங்க: "உனக்கு அறிவில்லையா"..? தவெக ஆனந்த் திட்டினாரு..! அஜிதா ஆக்னல் கண்ணீர் மல்க பேட்டி..!