#BREAKING: கோபிசெட்டிபாளையத்தில் 13,000 வாக்குகள் வித்தியாசத்தில் தவெக வேட்பாளர் செங்கோட்டையன் வெற்றி!

தமிழகச் சட்டமன்றத் தேர்தல் முடிவுகள் வெளியாகி வரும் நிலையில், ஈரோடு மாவட்டத்தின் முக்கியத் தொகுதியான கோபிசெட்டிபாளையத்தில் தமிழக வெற்றிக் கழகத்தின் (தவெக) வேட்பாளர் செங்கோட்டையன் மாபெரும் வெற்றியைப் பெற்றுள்ளார். ஆளும் திமுக மற்றும் முன்னாள் கட்சியான அதிமுக-வின் வேட்பாளர்களைப் பின்னுக்குத் தள்ளி இந்த வெற்றியை அவர் பதிவு செய்துள்ளார்.  

வாக்கு எண்ணிக்கையின் இறுதிச் சுற்றுகள் முடிவடைந்த நிலையில், செங்கோட்டையன் தனது வெற்றியை உறுதி செய்துள்ளார். சுமார் 13,000 வாக்குகள் வித்தியாசத்தில் செங்கோட்டையன் வெற்றி பெற்றுள்ளார். இந்தத் தொகுதியில் திமுக மற்றும் அதிமுக வேட்பாளர்களுடன் நிலவிய மும்முனைப் போட்டியில், தொடக்கத்திலிருந்தே செங்கோட்டையன் முன்னிலை வகித்து வந்தார்.  

தவெக சார்பில் போட்டியிட்ட முதல் தேர்தலிலேயே முன்னாள் அமைச்சரான இவர் வெற்றி பெற்றிருப்பது, அக்கட்சிக்கு ஒரு மிகப்பெரிய பலமாகப் பார்க்கப்படுகிறது.  

இதையும் படிங்க: திமுக கூட்டணி மகத்தான வெற்றி பெறும்! சூதாட்ட கும்பலின் வதந்திகளை நம்ப வேண்டாம் என திருமாவளவன் பேட்டி!

அதிமுக-வின் கோட்டையாகக் கருதப்பட்ட கோபிசெட்டிபாளையத்தில், விஜய்யின் தவெக சார்பில் செங்கோட்டையன் வெற்றி பெற்றிருப்பது அரசியல் வட்டாரத்தில் பெரும் அதிர்வலைகளை ஏற்படுத்தியுள்ளது. மாநிலம் முழுவதும் தவெக 109 தொகுதிகளில் முன்னிலை பெற்று வரும் நிலையில், செங்கோட்டையனின் இந்த வெற்றி கட்சியின் செல்வாக்கை மண்டல வாரியாக நிரூபித்துள்ளது. வெற்றியைத் தொடர்ந்து, கோபிசெட்டிபாளையம் பகுதியில் தவெக தொண்டர்கள் இனிப்புகள் வழங்கியும், பட்டாசு வெடித்தும் உற்சாகமாகக் கொண்டாடி வருகின்றனர்.

இதையும் படிங்க: மே 4 ரிசல்ட் வளர்ந்த இந்தியா கனவை மேலும் வலுப்பட்டுத்தும்!! உ.பி பொதுக்கூட்டத்தில் பிரதமர் மோடி உறுதி!