துணை முதல்வர் உதயநிதிக்கு எத்தனை கோடி சொத்து..? வேட்பு மனுவில் குறிப்பிட்டசொத்து விபரம்..!!

2026 சட்டமன்ற தேர்தலில் போட்டியிட விருப்ப மனுக்கள் பெறப்பட்டு வருகின்றன. அனைத்து கட்சி வேட்பாளர்களும் வேட்பு மனு தாக்கல் செய்து வருகின்றனர். இந்த நிலையில் துணை முதல்வர் உதயநிதி ஸ்டாலின் வேட்பு மனு தாக்கல் செய்தார். உதயநிதி ஸ்டாலின் தமிழக அரசியலில் ஒரு இளம் தலைவராக உயர்ந்து வருபவர். அவரது அரசியல் பயணம் சினிமா உலகில் இருந்து அரசியல் களத்துக்கு மாறிய ஒரு சுவாரஸ்யமான பாதையைப் பின்பற்றுகிறது.

2023-ல் அரசியலில் முழு நேரம் கவனம் செலுத்துவதற்காக நடிப்பை விட்டுவிட்டார். உதயநிதியின் அரசியல் அறிமுகம் 2019-ல் நடைபெற்றது. அப்போது அவரது தந்தை மு.க. ஸ்டாலின் திமுகவின் தலைவராக இருந்த நிலையில், இளைஞர் அணியின் செயலாளராக நியமிக்கப்பட்டார். 2016 முதலே அரசியலில் ஆர்வம் காட்டிய அவர், 2021 சட்டமன்றத் தேர்தலில் தனது முதல் போட்டியை எதிர்கொண்டார். சென்னையின் சேப்பாக்கம்-திருவல்லிக்கேணி தொகுதியில் திமுக சார்பில் போட்டியிட்ட அவர், பெரும் வெற்றி பெற்று சட்டமன்ற உறுப்பினரானார்.

2022 டிசம்பரில் இளைஞர் நலன் மற்றும் விளையாட்டு மேம்பாட்டுத் துறை அமைச்சராகப் பொறுப்பேற்றார். 2024 செப்டம்பரில் அவருக்கு துணை முதலமைச்சர் பதவி வழங்கப்பட்டது. தற்போது 2026 தமிழக சட்டமன்றத் தேர்தல் நெருங்கியுள்ள நிலையில், உதயநிதி ஸ்டாலின் மீண்டும் சேப்பாக்கம்-திருவல்லிக்கேணி தொகுதியில் போட்டியிடுகிறார். இன்று சென்னை சேப்பாக்கத்தில் உள்ள தொகுதி அலுவலகத்தில் துணை முதலமைச்சர் உதயநிதி ஸ்டாலின் தனது வேட்புமனுவைத் தாக்கல் செய்தார்.

இதையும் படிங்க: விறுவிறு தேர்தல்... நாகர்கோவில் மேயர் மகேஷ் திடீர் ராஜினாமா..!

இந்த நிலையில், துணை முதல்வர் உதயநிதி ஸ்டாலின் தாக்கல் செய்த வேட்பு மனுவில் சொத்து விபரம் குறிப்பிட்டுள்ளது வெளியாகி இருக்கிறது. அதில், துணை முதல்வர் உதயநிதிக்கு அசையும் சொத்து ரூ.12.92 கோடியும் அசையா சொத்து ரூ. 7.72 கோடியும் இருப்பதாக குறிப்பிடப்பட்டுள்ளது. மனைவி கிருத்திகா பெயரில் 13 கோடி ரூபாய் சொத்து இருப்பதாகவும் தெரிவிக்கப்பட்டுள்ளது. தனது பெயரில் தங்கம், வெள்ளி நகைகள் ஏதும் இல்லை என வேட்புமனுவில் உதயநிதி ஸ்டாலின் தகவல் தெரிவித்துள்ளார். உதயநிதிக்கு ரூ.1 கோடி மதிப்பு டிஃபெண்டர் கார் , ரூ.23 லட்சம் மதிப்பு இன்னோவா கார் உள்ளது என்றும் தெரிவிக்கப்பட்டுள்ளது. 

இதையும் படிங்க: BRAIN இருக்கா..? மண்குதிரை ஸ்டாலின்..! போட்டு உடைத்த ஆ.ராசா…! பூந்து விளாசிய அதிமுக..!!