சத்தியமூர்த்தி பவனில் முதல்வர் விஜய்..! உற்சாக வரவேற்பு கொடுத்த காங்கிரஸ் நிர்வாகிகள்..!

தமிழக வெற்றிக் கழக தலைவர் விஜய் தமிழக முதல்வராக பொறுப்பேற்றுக்கொண்டார். அவருக்கு தமிழக ஆளுநர் ராஜேந்திர விஸ்வநாத் அர்லேக்கர் பதவிபிரமாணம் செய்து வைத்தார். நேற்று முதல் சட்டப்பேரவை கூட்டத் தொடர் நடைபெற்ற நிலையில் எம்எல்ஏக்கள் பதவியேற்று கொண்டனர். 

சட்டப்பேரவை நிறைவடைந்த நிலையில் முன்னாள் முதலமைச்சர் ஸ்டாலினை முதல்வர் விஜய் நேரில் சென்று மரியாதை நிமித்தமாக சந்தித்தார். ஸ்டாலினை தொடர்ந்து, மதிமுக பொதுச் செயலாளர் வைகோவை முதல்வர் விஜய் மரியாதை நிமித்தமாக சந்தித்தார். சென்னை அண்ணா நகரில் உள்ள வைகோவின் இல்லத்திற்கு முதல்வர் விஜய் சென்றார். வாசலில் காத்திருந்து முதல்வர் விஜய்க்கு பட்டுத்துண்டு, மாலை அணிவித்து மதிமுக முதன்மைச் செயலாளர் துரை வைகோ வரவேற்றார்.

இதைத்தொடர்ந்து பாமக தலைவர் அன்புமணி ராமதாஸ் மற்றும் நாம் தமிழர் கட்சியின் தலைமை ஒருங்கிணைப்பாளர் சீமான் உள்ளிட்டோரை சந்தித்தார். பல்வேறு அரசியல் கட்சி தலைவர்களை முதல்வர் விஜய் சந்தித்து வாழ்த்து பெற்று வருகிறார். இந்த நிலையில், சென்னை மண்ணடியில் உள்ள இந்திய யூனியன் முஸ்லிம் லீக் கட்சி அலுவலகத்திற்கு சென்று கட்சியின் தலைவர் காதர் மொய்தினை சந்தித்து முதல்வர் விஜய் வாழ்த்து பெற்றார். தமிழக வெற்றிக் கழகம் ஆட்சி அமைக்க வெளியில் இருந்து இந்திய முஸ்லிம் லீக் கட்சி ஆதரவு கொடுத்திருந்த நிலையில் நன்றி தெரிவித்துக் கொண்டார். கட்சியின் தலைவர் காதர் மொய்தீன் மற்றும் நிர்வாகிகள் உள்ளிட்டோரை முதல்வர் விஜய் சந்தித்தார். 

இதையும் படிங்க: "கட்சியிலிருந்து நீக்கம்"..! பத்து வருஷ உழைப்புக்கு கிடைச்ச பரிசு..! MLA காமராஜ் ஆதங்கம்..!

இதைத்தொடர்ந்து தமிழக வெற்றி கழகத் தலைவரும் முதலமைச்சருமான விஜய் காங்கிரஸ் தலைமையகமான சத்யமூர்த்தி பவனுக்கு சென்றார். காங்கிரஸ் நிர்வாகிகளை சந்தித்து வாழ்த்து பெற்றார். முதல்வர் விஜய்க்கு பூங்கொத்து கொடுத்து சால்வை அணிவித்து வாழ்த்து தெரிவித்தனர். தமிழ்நாடு காங்கிரஸ் கமிட்டி தலைவர் செல்வ பெருந்தகை, கிரிஷ் ஜோடங்கர் உள்ளிட்டோரை சந்தித்து பேசினார். முதல்வர் விஜய்க்கு உற்சாக வரவேற்பு கொடுக்கப்பட்டது

. 

இதையும் படிங்க: தளபதியின் அடுத்த மூவ்..! IUML தலைவர் காதர் மொய்தினிடம் வாழ்த்து பெற்ற முதல்வர் விஜய்..!