2029-ல் ராகுல்தான் பிரதமர்.... தவெக மறுத்தால் ராஜினாமா! அமைச்சர் ராஜேஷ்குமார் அதிரடி!

வருகின்ற 2029-ஆம் ஆண்டு நாடாளுமன்றப் பொதுத்தேர்தலில் காங்கிரஸ் கட்சியின் தலைவர் ராகுல் காந்திதான் நாட்டின் அடுத்த பிரதமர் வேட்பாளர் என்றும், இதில் ஏதேனும் மாற்றம் இருப்பதாகத் தமிழக வெற்றிக் கழகம் கூறினால் தவெக அமைச்சரவையில் இடம்பெற்றுள்ள இரண்டு காங்கிரஸ் அமைச்சர்களும் தங்களது பதவிகளைத் தூக்கியெறிந்து துறப்போம் என்றும் தமிழக சுற்றுலாத்துறை அமைச்சர் எஸ். ராஜேஷ்குமார் மிக ஆவேசமாகச் சபதம் ஏற்றுள்ளார்.

காங்கிரஸ் கட்சியின் தமிழ்நாடு தலைவராக மாணிக்கம் தாகூர் பொறுப்பேற்றதைத் தொடர்ந்து, பல்வேறு மாவட்டங்களுக்கும் புதிய காங்கிரஸ் தலைவர்கள் அதிரடியாக நியமிக்கப்பட்டு வருகின்றனர். அதன்படி, கன்னியாகுமரி மேற்கு மாவட்ட காங்கிரஸ் கட்சியின் புதிய தலைவராக அறிவிக்கப்பட்ட ஜார்ஜ் ராபின்சன் பதவி ஏற்பு விழா குமரி மாவட்டம் வெட்டுமணி சந்திப்பு பகுதியில் இன்று மிகச் சிறப்பாக நடைபெற்றது. இவ்விழாவில் காங்கிரஸ் கட்சியின் சட்டமன்ற உறுப்பினர்கள், நாடாளுமன்ற உறுப்பினர்கள் மற்றும் கட்சியின் முக்கிய நிர்வாகிகள் பலரும் கலந்துகொண்டு தங்களது வாழ்த்துகளைத் தெரிவித்தனர்.

விழாவில் சிறப்புரையாற்றிய தமிழக சுற்றுலாத்துறை அமைச்சர் ராஜேஷ்குமார், தேசிய மற்றும் மாநில அரசியல் சூழல் குறித்துப் பேசுகையில் தவெக உடனான கூட்டணிக் களத்தில் பெரும் அதிர்வலைகளை ஏற்படுத்தியுள்ளார். மேடையில் ஆணித்தரமாகப் பேசிய அவர், வருகிற 2029 பாராளுமன்றத் தேர்தலில் 'இந்தியா' கூட்டணியின் மாற்றுக்கருத்தில்லாத பாரதப் பிரதமர் வேட்பாளர் எங்கள் ஒப்பற்ற மக்கள் தலைவர் ராகுல் காந்தி மட்டும்தான்; இதில் எள்ளளவும் சந்தேகமில்லை. 

இதையும் படிங்க: முதலீடுகளை ஈர்ப்பதில் ஆந்திரா படுவேகம்! தமிழக அரசுக்கு தொழில் முனைவோர் சங்க தலைவர் ரகுநாதன் எச்சரிக்கை!

ஒருவேளை எங்களது கூட்டணிக் கட்சியான தமிழக வெற்றிக் கழகம் இந்த முடிவிற்கு உடன்படவில்லை என்றாலோ அல்லது இதில் வேறு ஏதேனும் நிலைப்பாட்டை எடுத்தாலோ, தவெக அமைச்சரவையில் காங்கிரஸ் சார்பில் அமைச்சர்களாக இருக்கும் நாங்கள் இருவரும் எங்களது அமைச்சர் பொறுப்புகளை ஒரு நொடியில் துறப்போம் என அதிரடியாகப் பிரகடனம் செய்தார்.

அமைச்சரின் இந்த அதிரடி மற்றும் காட்டமான பேச்சு, தமிழக வெற்றிக் கழகம் மற்றும் காங்கிரஸ் கூட்டணிக் வட்டாரங்களில் பெரும் அரசியல் சலசலப்பையும் பரபரப்பையும் பற்றவைத்துள்ளது. காங்கிரஸ் தலைமையிலான கூட்டணியில் பிரதமர் வேட்பாளர் விவகாரத்தில் சமரசத்திற்கு இடமில்லை என்பதை மிகத் தெளிவாகப் பிரகடனம் செய்துள்ள அமைச்சரின் இந்த உரை, தற்போதைய தமிழக அரசியல் களத்தில் மிக முக்கிய விவாதப் பொருளாக உருவெடுத்துள்ளது.

இதையும் படிங்க: தவெக அரசு 5 ஆண்டுகள் நிலைக்காது! வேலூரில் எடப்பாடி பழனிசாமி பேட்டி!