வரலாற்று சாதனை!! தோல்வியே காணாத அணி!! நேரில் அழைத்து மோடி கொடுத்த கவுரவம்!

இலங்கை தலைநகர் கொழும்புவில் நடந்த முதல் 'பார்வையற்ற பெண்கள் டி-20 உலக கோப்பை' தொடரில், 6 அணிகளைத் தோற்கடித்து இந்திய அணி சாம்பியன் பட்டம் வென்றது. நேபாளத்தை இறுதிப் போட்டியில் 7 விக்கெட் வித்தியாசத்தில் வீழ்த்திய இந்திய வீராங்கனைகள், ஒரு போட்டியிலும் தோல்வி அறியாமல் அசைக்க முடியாத அணியாகத் திகழ்ந்தனர். 

நேற்று (நவம்பர் 27, 2025) டெல்லியில் பிரதமர் நரேந்திர மோடியை சந்தித்த இந்த அணி, உலக கோப்பையை காண்பித்து மகிழ்ந்தது. இந்த வரலாற்று சாதனை, தாற்றுமுடியற்ற முயற்சி மற்றும் கூட்டு உழைப்பின் சின்னமாக மாறியுள்ளது.

முதல் முறையாக நடைபெற்ற இந்த உலக கோப்பை தொடர், இந்தியாவில் (டெல்லி, பெங்களூரு) மற்றும் இலங்கையில் நடந்தது. 6 அணிகள் – இந்தியா, நேபாளம், இலங்கை, ஆஸ்திரேலியா, பாகிஸ்தான், பங்களாதேஷ் – பங்கேற்றன. இந்திய அணி, தொடக்கப் போட்டியில் இலங்கையையும் ஆஸ்திரேலியாவையும் வீழ்த்தி தொடங்கியது. 

இதையும் படிங்க: ரெடியா அகமதாபாத்..!! 2030ம் ஆண்டு காமன்வெல்த் விளையாட்டு போட்டிகள்..!! அதிகாரப்பூர்வ அறிவிப்பு..!!

பாகிஸ்தானுக்கு எதிரான போட்டியில் 136 ரன்கள் என்ற இலக்கை 10.2 ஓவர்களில் மட்டுமே துரத்தி 9 விக்கெட் வித்தியாசத்தில் வென்றது. அரை இறுதியில் ஆஸ்திரேலியாவை 9 விக்கெட் வித்தியாசத்தில் தகர்த்தன.

இறுதிப் போட்டியில், டாஸ் வென்று பந்து வீசிய இந்தியா, நேபாளத்தை 20 ஓவர்களில் 114/5 என்ற ஸ்கோருக்கு மட்டும் கட்டுப்படுத்தியது. பின்னர், துரத்திய இந்தியா 13 ஓவர்களில் 115 ரன்களை எளிதாக அடைந்தது. தொடக்கப் பேட்ஸ்‌மேன் பூலா சரன் 27 பந்துகளில் 44 ரன்கள், கருணா கே. 27 பந்துகளில் 42 ரன்கள் அடித்து அசத்தினர். கேப்டன் தீபிகா டி.சி தலைமையில், அணியின் ஒற்றுமை மற்றும் உழைப்பே இந்த வெற்றிக்கு காரணம் என்று வீராங்கனைகள் கூறினர்.

நேற்று டெல்லியில் பிரதமர் மோடியை சந்தித்த வீராங்கனைகள், உலக கோப்பையை அவரிடம் காட்டி பெருமையுடன் புன்னகைத்தனர். அணி உறுப்பினர்கள் கையெழுத்திட்ட பேட்டை பிரதமருக்கு பரிசளித்தனர். மாறாக, மோடி ஒரு பந்தில் கையெழுத்திட்டு அளித்தார். சிறப்பு விருந்தில், பிரதமர் தனது கையால் வீராங்கனைகளுக்கு லட்டு ஊட்டி, அவர்களின் சாதனையைப் பாராட்டினார். இந்த சந்திப்பின் புகைப்படங்கள் மற்றும் வீடியோக்கள் சமூக வலைதளங்களில் வைரலாகியுள்ளன.

இந்த சந்திப்புக்குப் பின், பிரதமர் மோடி X-ல் (முன்னர் ட்விட்டர்) வெளியிட்ட செய்தியில், "முதன் முறையாக நடந்த பார்வையற்ற பெண்களுக்கான டி-20 உலக கோப்பை தொடரில் சாதித்து வரலாறு படைத்த இந்திய பெண்கள் அணிக்கு வாழ்த்துகள். இத்தொடரில் ஒரு போட்டியில் கூட தோற்காமல் வலம் வந்தது கூடுதல் சிறப்பாக அமைந்தது. 

ஒருங்கிணைந்த கடின முயற்சி, அர்ப்பணிப்பு உணர்வுடன் செயல்பட்டால் எதையும் சாதிக்கலாம் என்பதற்கு இந்த வரலாற்று சிறப்புமிக்க சாதனை உதாரணமாகி உள்ளது. இந்த வெற்றி அடுத்த தலைமுறையினருக்கு தூண்டுகோலாக அமையும். இந்திய அணியில் உள்ள ஒவ்வொரு வீராங்கனையும் சாம்பியன் தான். எதிர்காலத்திலும் பல்வேறு வெற்றிகள் பெற வாழ்த்துகிறேன்" என்று தெரிவித்தார்.

இந்த வெற்றி, இந்தியாவின் பெண்கள் விளையாட்டு துறையில் புதிய அத்தியாயத்தைத் தொடங்கியுள்ளது. கடந்த வாரங்களில் மூத்த பெண்கள் அணியின் ODI உலக கோப்பை வெற்றிக்குப் பின், இந்த சாதனை தேசிய பெருமையை இரட்டிப்படுத்தியுள்ளது. பார்வையற்ற வீராங்கனைகளின் உழைப்பு, இயலாமை என்ற சொல்லைத் தாண்டி, யாரும் ஏதும் சாதிக்கலாம் என்பதை நிரூபித்துள்ளது.

அரசியல் தலைவர்கள் மற்றும் ரசிகர்கள், இந்த அணியைப் பாராட்டி வருகின்றனர். எதிர்காலத்தில் இத்தகைய தொடர்கள் அதிகரிக்கும் என எதிர்பார்க்கப்படுகிறது.

இதையும் படிங்க: வரலாற்று வெற்றி: 25 ஆண்டுகளுக்குப் பிறகு.. இந்திய மண்ணில் டெஸ்ட் தொடரை வென்றது தென் ஆப்பிரிக்கா...!!