ஜாக்பாட்!! காமன்வெல்த் பதக்கம் வென்ற தமிழக வீரர்களுக்கு முதல்வர் விஜய் அதிரடி அறிவிப்பு! ரூ.50 லட்சம் ஊக்கத்தொகை!

ஸ்காட்லாந்தின் கிளாஸ்கோ நகரில் நடைபெற்று வரும் 23-வது காமன்வெல்த் விளையாட்டுப் போட்டியில் பதக்கம் வென்று தமிழகத்திற்கு பெருமை சேர்த்த வீரர்களுக்கு முதலமைச்சர் விஜய் சிறப்பு பாராட்டுகளையும் ஊக்கத்தொகையையும் அறிவித்துள்ளார். இந்த அறிவிப்பு விளையாட்டு வீரர்கள் மற்றும் ரசிகர்கள் மத்தியில் மகிழ்ச்சியை ஏற்படுத்தியுள்ளது.

ஆண்களுக்கான டிரிபிள் ஜம்ப் போட்டியில் தமிழ்நாட்டின் திருவாரூர் மாவட்டத்தைச் சேர்ந்த பிரவீன் சித்ரவேல் சிறப்பாக செயல்பட்டு வெள்ளிப் பதக்கத்தை கைப்பற்றினார். அதே போட்டியில் மதுரை மாவட்டத்தைச் சேர்ந்த செல்வ பிரபு வெண்கலப் பதக்கத்தை வென்று தமிழகத்திற்கு மேலும் ஒரு பெருமையை சேர்த்தார். ஒரே போட்டியில் தமிழகத்தைச் சேர்ந்த இரு வீரர்கள் பதக்கம் வென்றது குறிப்பிடத்தக்க சாதனையாக பார்க்கப்படுகிறது.

இந்த வெற்றியைத் தொடர்ந்து வெளியிட்டுள்ள அறிக்கையில், முதலமைச்சர் விஜய் இரு வீரர்களுக்கும் தனது மனமார்ந்த வாழ்த்துகளையும் பாராட்டுகளையும் தெரிவித்துள்ளார். மேலும், அவர்களின் சாதனையை கவுரவிக்கும் வகையில் தமிழ்நாடு அரசின் சார்பில் வெள்ளிப் பதக்கம் வென்ற பிரவீன் சித்ரவேலுக்கு ரூ.30 லட்சமும், வெண்கலப் பதக்கம் வென்ற செல்வ பிரபுவுக்கு ரூ.20 லட்சமும் ஊக்கத்தொகையாக வழங்கப்படும் என்று அறிவித்துள்ளார்.

இதையும் படிங்க: காமன்வெல்த் போட்டியில் இந்தியா மிரட்டல்! குத்துச் சண்டையில் 7 தங்கம்! வரலாற்று சாதனை! தொடரும் பதக்க வேட்டை!

இந்த இரு வீரர்களும் தமிழ்நாடு விளையாட்டு மேம்பாட்டு ஆணையத்தின் விளையாட்டு விடுதிகளில் தங்கி பயிற்சி பெற்று வளர்ந்தவர்கள் என்பதை முதல்வர் தனது அறிக்கையில் பெருமையுடன் குறிப்பிட்டுள்ளார். தமிழக அரசின் விளையாட்டு மேம்பாட்டு திட்டங்களும், தரமான பயிற்சியும் சர்வதேச அளவில் வெற்றிகளை உருவாக்கி வருவதற்கான சிறந்த எடுத்துக்காட்டாக இந்த சாதனை அமைந்துள்ளதாகவும் அவர் தெரிவித்துள்ளார்.

மேலும், பிரவீன் சித்ரவேல் மற்றும் செல்வ பிரபு ஆகியோரின் கடின உழைப்பு, விடாமுயற்சி மற்றும் அர்ப்பணிப்பு மனப்பான்மை அவர்களுக்கு இந்த வெற்றியைப் பெற்றுத்தந்துள்ளதாகவும், அவர்களின் சாதனை தமிழகத்திற்கும் இந்தியாவிற்கும் பெருமை சேர்த்துள்ளதாகவும் முதல்வர் பாராட்டியுள்ளார். எதிர்காலத்தில் சர்வதேச போட்டிகளிலும் தொடர்ந்து பதக்கங்களை வென்று நாட்டிற்கு பெருமை சேர்க்க வேண்டும் என்றும் தனது வாழ்த்துகளைத் தெரிவித்துள்ளார்.

காமன்வெல்த் போட்டியில் தமிழக வீரர்கள் தொடர்ந்து சிறப்பாக செயல்பட்டு வரும் நிலையில், அரசின் ஊக்கத்தொகை அறிவிப்பு இளம் விளையாட்டு வீரர்களுக்கு புதிய உற்சாகத்தை அளிக்கும் என்று விளையாட்டு ஆர்வலர்கள் கருத்து தெரிவித்து வருகின்றனர்.

இதையும் படிங்க: காமன்வெல்த் போட்டியில் இந்தியாவின் தங்க வேட்டை! ஒரே நாளில் 2 தங்கம்... ஜூடோவில் அசத்திய அஷ்மிதா, ஹர்ஷ் சிங்!