சஞ்சு சாம்சன் புதிய சாதனை!! அதிவேக 5000 ரன்கள்! 5 சதம், 26 அரை சதங்களுடன் பட்டியலில் இணைந்தார்!
ஐபிஎல் தொடரில் சென்னை சூப்பர் கிங்ஸ் அணியின் தொடக்க ஆட்டக்காரர் சஞ்சு சாம்சன் புதிய சாதனை ஒன்றை படைத்துள்ளார்.
by
சென்னை: ஐபிஎல் 2026 தொடரில் சென்னை சூப்பர் கிங்ஸ் அணியின் தொடக்க ஆட்டக்காரரான சஞ்சு சாம்சன் புதிய மைல்கல்லை எட்டியுள்ளார். இன்று குஜராத் டைட்டன்ஸ் அணிக்கு எதிரான போட்டியில் 11 ரன்கள் எடுத்ததன் மூலம் ஐபிஎல் வரலாற்றில் 5000 ரன்கள் என்ற முக்கிய சாதனையை அவர் படைத்துள்ளார்.
ராஜஸ்தான் ராயல்ஸ் அணியிடம் இருந்து டிரேடிங் மூலம் சென்னை சூப்பர் கிங்ஸில் இணைந்த சஞ்சு சாம்சன், நடப்பு சீசனில் இரண்டு சதங்கள் உட்பட சிறப்பான ஆட்டத்தை வெளிப்படுத்தி வருகிறார். இன்றைய போட்டியில் சென்னை அணி முதலில் பேட்டிங் செய்து 158 ரன்கள் மட்டுமே எடுத்த நிலையில், சஞ்சு 11 ரன்களில் ஆட்டமிழந்தார். ஆனாலும் அந்த 11 ரன்கள் அவருக்கு வரலாற்றுச் சிறப்புமிக்கதாக அமைந்தது.
ஐபிஎல் தொடரில் 5000 ரன்கள் குவித்த 10வது வீரர் என்ற பெருமையை சஞ்சு சாம்சன் பெற்றுள்ளார். இதுவரை 180 போட்டிகளில் விளையாடிய அவர், மொத்தம் 5008 ரன்கள் சேர்த்துள்ளார்.
இதையும் படிங்க: தனி ஒருவனாய் CSK-வை மீட்ட கேப்டன் ருதுராஜ்! மோசமான சாதனை படைத்தது ஆறுதல்!!
இதில் 5 சதங்கள் மற்றும் 26 அரைசதங்கள் அடங்கும். ராஜஸ்தான் ராயல்ஸ், டெல்லி டேர்டெவில்ஸ் மற்றும் சென்னை சூப்பர் கிங்ஸ் ஆகிய மூன்று வெவ்வேறு அணிகளுக்காக விளையாடியுள்ள அவர், ஐபிஎல் வரலாற்றில் மிக வேகமாக 5000 ரன்களைக் கடந்த மூன்றாவது வீரர் என்ற சாதனையையும் படைத்துள்ளார். இந்தப் பட்டியலில் ஏபி டி வில்லியர்ஸ் மற்றும் டேவிட் வார்னர் முதல் இரண்டு இடங்களில் உள்ளனர்.
நடப்பு ஐபிஎல் சீசனில் இதுவரை 8 போட்டிகளில் விளையாடிய சஞ்சு சாம்சன் 304 ரன்கள் எடுத்துள்ளார். விக்கெட் கீப்பர் பேட்டராக அவரது தொடக்க ஆட்டம் சென்னை அணிக்கு பெரும் பலமாக அமைந்துள்ளது. ராஜஸ்தான் அணியில் இருந்து சென்னைக்கு வந்த பிறகு அவர் காட்டும் நம்பிக்கை மற்றும் ஆக்ரோஷமான ஆட்டம் ரசிகர்களை மகிழ்வித்து வருகிறது.
சஞ்சு சாம்சனின் இந்த சாதனை இந்திய கிரிக்கெட் ரசிகர்கள் மத்தியில் பெரும் வரவேற்பைப் பெற்றுள்ளது. இளம் வயதிலேயே ஐபிஎல் வரலாற்றில் இடம் பிடித்த அவரது பயணம் தொடர்ந்து பல சாதனைகளைப் படைக்கும் என்று எதிர்பார்க்கப்படுகிறது.
இன்றைய போட்டியில் சென்னை அணி 158 ரன்களுக்கு சுருங்கிய நிலையில், குஜராத் டைட்டன்ஸ் அணி 159 ரன்கள் இலக்கை நோக்கி விளையாடி வருகிறது. சஞ்சு சாம்சனின் சாதனை மட்டும் இன்றைய போட்டியில் சென்னை ரசிகர்களுக்கு ஆறுதலாக அமைந்துள்ளது.
இதையும் படிங்க: தனி ஒருவனாய் CSK-வை மீட்ட கேப்டன் ருதுராஜ்! மோசமான சாதனை படைத்தது ஆறுதல்!!
