தமிழ் சினிமாவில் தனக்கென ஓர் அடையாளத்தையும், ரசிகர்களிடையே உறுதியான இடத்தையும் பதித்தவர் நடிகர் அஜித்குமார். வெறும் நடிகராக அல்லாமல், தன்னுடைய பல்முகத் திறமைகளை மையமாகக் கொண்டு வாழ்க்கையின் பல்வேறு துறைகளிலும் சாதனை படைத்துவரும் மிகச் சிலரைச் சொல்வதாயின், அந்த பட்டியலில் முதலிடத்தில் இடம்பெறுபவர் அவர் தான்.

பெரிய திரைப்படங்களின் வெற்றிப் பயணத்துக்குப் பிறகு, தற்போது திரை உலகத்திற்கு இடைவேளையெடுத்து, தனது பேரன்பும், ஆர்வமும் உள்ள கார் பந்தய உலகில் முழுமையாக இறங்கியுள்ளார் அஜித். இது புதிதல்ல. கடந்த சில ஆண்டுகளாகவே அவர் இந்த துறையில் தீவிரமாக ஈடுபட்டு வருகிறார். ஆனால் தற்போது அவர் எடுத்திருக்கும் முடிவுகள், எடுத்த நடவடிக்கைகள், சாதனைகள் என அனைத்தும் மிகச் சிறப்பாகவும், இந்திய அளவிலும் சர்வதேச அளவிலும் குறிப்பிடத்தக்கவை. அத்துடன் சினிமாவைத் தாண்டி, ஒரு தொழில்முனைவோராகவும் காட்சியளிக்கும் வகையில், தனது சொந்த கார் பந்தய நிறுவனமான ‘Ajith Kumar Racing’-ஐ உருவாக்கியுள்ளார்.

இது வெறும் பெயரளவில் செயல்படுவது அல்ல. துபாய், பெல்ஜியம் உள்ளிட்ட பல்வேறு சர்வதேச நாடுகளில் நடைபெற்ற கார் பந்தயங்களில் இந்த அணி கலந்து கொண்டு வெற்றிகளைப் பெற்றுள்ளது என்பது குறிப்பிடத்தக்கது. இதன் மூலம், ஒரு நடிகராக மட்டும் அல்லாமல், இந்தியா சார்ந்த மோட்டார் ஸ்போர்ட்ஸின் வளர்ச்சிக்கு ஒவ்வொரு நிலையில் உதவிக் கொண்டிருக்கிறார் அஜித். தற்போது இவர் ஸ்பெயினில் நடைபெற உள்ள பல முக்கியமான பந்தயங்களில் பங்கேற்க உள்ளார். இப்படி இருக்க அஜித் குமார் பங்கேற்க உள்ள கார் பந்தயங்கள் பட்டியலாக வெளியாகியுள்ளது.

இதையும் படிங்க: தளபதியை தொடர்ந்து மிரட்டும் 'தல'... ஸ்பெயின் கார் ரேஸில் அஜித்குமார்...! கொண்டாட்டத்தில் ரசிகர்கள்..!

செப்டம்பர் 27-28: Creventic 24H Race – இது 24 மணி நேரம் நடைபெறும் மிகவும் கடினமான, சகிப்புத் தன்மை மற்றும் மன உறுதியை சோதிக்கும் பந்தயமாகும். அடுத்து செப்டம்பர் 30 - அக்டோபர் 1: LMP3 Testing – மிக முக்கியமான தயாரிப்பு சோதனை. இந்த வகை கார்கள் லெமன்ஸ் தொடருக்கான தொடக்க நிலை கார்கள். அடுத்ததாக அக்டோபர் 6: மஹிந்திரா ஃபார்முலா E சோதனை – சுற்றுச்சூழலுக்கு இழப்பின்றி நடை பெறும் இந்த ஃபார்முலா E பந்தயம், இந்திய தொழில்நுட்பத்தை உலக தரத்தில் கொண்டு செல்லும் முயற்சி. இறுதியாக அக்டோபர் 11-12: GT4 European Series – ஐரோப்பிய கார் பந்தயங்களில் முக்கியமான தொடர்.

இப்படி இந்த நான்கு முக்கிய போட்டிகளின் மூலம், அஜித் குமார் தனது பந்தய திறனையும், உலகளாவிய பந்தய மேடைகளில் இந்தியர்களின் பங்கேற்பையும் நெடுங்கால வளர்ச்சிக்கு வழிவகுக்கும் வகையில் உறுதியாக காட்டுகிறார். இதன் தொடர்ச்சியாக, ‘Ajith Kumar Racing’ நிறுவனம், Team Virage உடன் இணைந்து, Asian Le Mans Series-ல் பங்கேற்கவுள்ளதாக அதிகாரப்பூர்வ அறிவிப்பும் வெளியிடப்பட்டுள்ளது. இது ஒரு மைல்கல்லாக இருக்கக்கூடிய நிகழ்வு, ஏனெனில் இந்த தொடரானது மிகவும் மதிப்புமிக்க மற்றும் சர்வதேச அளவில் கடுமையாக போட்டியிடப்படும் போட்டியாகும்.

இது வெறும் போட்டிகளில் பங்கேற்பது மட்டுமல்ல, எதிர்கால இந்திய கார் பந்தய வீரர்களுக்கு ஒரு வெகு முன்னுதாரணம் ஆகும். அஜித் குமார் தன்னுடைய அனுபவங்களை பகிர்ந்து, பல இளம் பந்தய வீரர்களை ஊக்குவிக்கக்கூடிய தருணம் இது. அஜித் குமார் பந்தயங்களுக்கு தயாராகி வரும் புகைப்படங்களை, அவரது நீண்ட நாள் நெருங்கிய நபரும், நிர்வாகியைுமான சுரேஷ் சந்திரா, தனது எக்ஸ் பக்கத்தில் வெளியிட்டுள்ளார். இந்த புகைப்படங்களில் அஜித், போட்டிக்கு தயாராகும் சூழ்நிலையையும், அதன் பின்னணியில் அவர் செலுத்தும் கவனத்தையும் உணர முடிகிறது. ரசிகர்கள் மற்றும் பந்தய ஆர்வலர்கள் அவருக்கு வெற்றிகள் குவிவதாக வாழ்த்துக்களை தெரிவித்துவருகின்றனர்.

நடிகர் அஜித் குமார், திரைத்துறையில் மட்டுமல்லாது, கார் பந்தயத்திலும் சாதனைகள் புரிந்து வருவதில் ஒரு அற்புதமான நிகழ்வு நிகழ்ந்து கொண்டிருக்கிறது. இவர் ஒரு நடிகராக மக்களைத் திரையரங்குகளில் ஆக்கிரமிக்கிறார். மற்றொரு பக்கமாக, ஒரு வீரராக உலக ரேஸ் டிராக்குகளில் இந்தியாவின் பெருமையை உயர்த்திக் காட்டுகிறார். சாதனை மட்டும் பேசும் இந்த காலத்தில், அஜித் குமார் தனது வாழ்க்கையை சொற்கள் அல்ல, செயல்களால் நிரூபித்து வருகிறார். நிச்சயமாக, இது தமிழ்நாட்டிற்கும், இந்தியாவிற்கும் பெருமை சேர்க்கும் தருணம்தான். தேர்வு செய்த பாதையில் தடையில்லா ஓட்டம் அவருக்கு தொடரட்டும்.

இதையும் படிங்க: என்னா மனுஷன்..! ரேஸில் நடிகர் அஜித் குமார் செய்த தரமான சம்பவம்..! உலகை திரும்பி பார்க்க வைத்த நிகழ்வு..!