இந்திய திரையுலக வரலாற்றில் மிகப்பெரிய திருப்புமுனையாக விளங்கும் படம் "பாகுபலி", முதல் முறையாக 2015 ஆம் ஆண்டு ஜூலை 10ஆம் தேதி திரைக்கு வந்தது. இயக்குநர் எஸ்.எஸ். ராஜமௌலி தனது பாரம்பரிய கதை சொல்லும் திறனுடன், தென்னிந்திய சினிமாவின் வரம்புகளை உடைத்து உலகளாவிய கவனத்தை ஈர்த்தார். இத்திரைப்படத்தில் பிரபாஸ் இரட்டை வேடங்களில் நடித்தார்.

அவருடன் அனுஷ்கா ஷெட்டி, ராணா டகுபதி, ரம்யா கிருஷ்ணன், நாசர், சத்யராஜ் உள்ளிட்ட முன்னணி நடிகர்கள் முக்கிய வேடங்களில் நடித்தனர். இப்படிப்பட்ட பாகுபலி திரைப்படம் தமிழ், தெலுங்கு, ஹிந்தி, மலையாளம் மற்றும் பல்வேறு மொழிகளில் வெளியிடப்பட்டதுடன், உலகம் முழுவதும் பெரும் வரவேற்பை பெற்றது. இப்படம் ரூ.1800 கோடிக்கு மேல் வசூல் செய்தது என்பது குறிப்பிடத்தக்கது. 2017-ஆம் ஆண்டு அதன் இரண்டாம் பாகமான "பாகுபலி 2: தி கன்குளூஷன்" வெளியிடப்பட்டது. இந்தப் பாகம் பாகுபலி சாகாவின் முடிவை கூறியதோடு, ஏற்கனவே திரை ரசிகர்களிடையே உருவான ஆர்வத்தை ஒருங்கிணைத்து, இன்னும் அதிக வெற்றியை பெற்றது.

இப்பாகம் மட்டும் ரூ.1000 கோடிக்கும் மேல் வசூல் செய்தது. பாகுபலி திரைப்படம் முதல் முறையாக வெளியானது 2015-ம் ஆண்டு என்பதைக் கருத்தில் கொண்டு, அதன் பத்தாவது ஆண்டு நிறைவை சிறப்பிக்க, படக்குழு முக்கியமான முடிவெடுத்துள்ளது. ரசிகர்களிடையே இன்னும் தொடர்ந்து நிலைத்து நிற்கும் இந்த பாகுபலி படத்தை, 2025 ஆம் ஆண்டு அக்டோபர் 31-ம் தேதி திரையரங்குகளில் மீண்டும் வெளியிட திட்டமிடப்பட்டுள்ளது. ஆனால், இந்த முறை தனித்தனி பாகங்களாக இல்லை. "பாகுபலி: தி பிகினிங்" மற்றும் "பாகுபலி 2: தி கன்குளூஷன்" ஆகிய இரண்டும் ஒன்றாக இணைக்கப்பட்டு, ஒரே திரைப்படமாக "பாகுபலி: தி எபிக்" என்ற பெயரில் வெளியிடப்படுகிறது.

இதையும் படிங்க: ரூ.1000 வாங்க 10 முறை முத்தம் கொடுக்கனும்..! ஹீரோவுக்கு கண்டீஷன் போட்ட பெண் தயாரிப்பாளரால் பரபரப்பு..!

இது ரசிகர்களுக்கு ஒரு முறையான மாபெரும் திரை அனுபவத்தை அளிக்குமென எதிர்பார்க்கப்படுகிறது. படக்குழு இந்த ரீரிலீஸை சாதாரணாமாக அணுகாமல், அதற்கென்று ஒரு புதுமையான தொழில்நுட்ப அனுபவமாக மாற்ற இருக்கின்றனர். IMAX தொழில்நுட்பத்தில் இப்படம் வெளியிடப்படவுள்ளது. அதாவது, படம் மிக உயர்ந்த தீர்மானத்தில் (high resolution), பெரும் திரைகளில், ஒளி, நிறம், காட்சி தரம் அனைத்திலும் மேம்படுத்தப்பட்ட வடிவத்தில் வெளியிடப்படும். அதோடு, Dolby Cinema தொழில்நுட்பத்தின் கீழ், Dolby Vision மற்றும் Dolby Atmos தொழில்நுட்பங்களுடன் இப்படம் வெளிவர உள்ளது. இது ஒலி மற்றும் காட்சி அனுபவத்தில் ரசிகர்களுக்கு ஒரு புதிய உலகத்தை திறக்க இருக்கின்றது. ஒவ்வொரு காட்சியும் உயிரோட்டமாக உணர முடியும் என்பது இந்த தொழில்நுட்பங்களின் முக்கிய USP.

பாகுபலி என்றாலே ஒவ்வொரு ரசிகருக்கும் ஒரு தனிச்சிறப்பான இடம் உண்டு. இன்றைக்கும் "பாகுபலி யார்?" என்ற கேள்வி எளிதில் மறக்கப்படவில்லை. இந்த படம் குடும்பங்கள், நண்பர்கள் வரை அனைவரையும் திரையரங்குகளுக்கு கொண்டுவர முடிந்தது. இப்படி இருக்க திரையரங்குகள், விநியோகஸ்தர்கள், தயாரிப்பு குழுக்கள் அனைத்தும் இந்த ரீரிலீஸ் வாயிலாக மீண்டும் ஒரு மாபெரும் வருமானத்தையும், ரசிகர்கள் ஆதரவையும் பெறலாம் என நம்புகிறார்கள். அக்டோபர் 31க்கு முன், இந்த படம் பற்றிய பல்வேறு ப்ரோமோஷன் நடவடிக்கைகள் நடைபெறவுள்ளன. முன்பதிவுகள் சில இடங்களில் ஏற்கனவே துவங்கியுள்ளதாக செய்திகள் வெளியாகியுள்ளது. இதனுடன், சில திரையரங்குகளில் காஸ்டியூம் கோர்னர்ஸ், பாகுபலி ஃபேன்ஸ் மீட், மற்றும் தீம் காஃபி / ஃபுட் ஸ்டால்ஸ் போன்ற நிகழ்வுகள் ஏற்பாடு செய்யப்பட இருக்கின்றன.

எனவே பாகுபலி என்பது வெறும் ஒரு திரைப்படம் அல்ல. அது ஒரு கலாசாரம். அதன் கதைக்களம், பாத்திரங்கள், இசை, தொழில்நுட்பம் மற்றும் மக்களின் மனதில் அதன் தாக்கம் அனைத்தும் சேர்ந்து, அதை இந்திய திரையுலகத்தின் பெருமையாக மாற்றியுள்ளது. இப்போது, பத்தாண்டுகளுக்குப் பிறகு, அதே அனுபவத்தை ஒரு புதிய வடிவத்தில் மீண்டும் காணவிருக்கிறோம். இந்த ரீரிலீஸ் மூலம், பாகுபலி படத்தின் பாரம்பரியத்தையும், அதன் தாக்கத்தையும் புதிய தலைமுறையிடம் எடுத்துச் செல்லும் முயற்சி வெற்றி பெறும் என்பது உறுதி. ஆகவே பாகுபலி: தி எபிக் என்ற பெயரில் ரீரிலீஸாகும் இந்த திரைப்படம், வெறும் ஒரே படமாக மட்டும் அல்லாது, ஒரு மாபெரும் திரையரங்க அனுபவமாகவும், மீண்டும் ஒரு திரைத்திருப்புமுனையாகவும் இருக்கலாம்.

ரசிகர்கள், சினிமா விமர்சகர்கள், தொழில்நுட்ப வல்லுநர்கள் என அனைவரும் இந்த வெளியீட்டை ஆவலுடன் எதிர்நோக்கி உள்ளனர். அக்டோபர் 31 அன்று திரையரங்குகளில் பாகுபலி ஒளிரும் அந்த நிகழ்வு, இந்திய சினிமா வரலாற்றில் மீண்டும் ஒரு புதிய அத்தியாயமாக விளங்கும்.

இதையும் படிங்க: இது என்னப்பா ருக்மணி வசந்த்-க்கு வந்த வாழ்வு..! ‘நேஷனல் கிரஷ்’ ஆக மாறிய பிரபல நடிகை..!