தமிழ் சினிமாவில் சமீப காலமாக தனக்கென தனித்துவமான இடத்தைப் பிடித்த நடிகராக உருவெடுத்தவர் ஹரிஷ் கல்யாண். தொடக்கத்தில் காதல் கதைகள், மென்மையான கதாபாத்திரங்களின் வழியாக ரசிகர்களை எளிதாக வளைத்த ஹரிஷ், தற்போது தனது வேடங்களில் தைரியம் மற்றும் வித்தியாசமான தேர்வுகளை செய்து வருகிறார். இதற்கு அண்மைய எடுத்துக்காட்டுகள் "பார்க்கிங்", "லப்பர் பந்து" போன்ற திரைப்படங்களே.

இவை அவரின் நடிப்புத்திறனை மட்டுமல்லாமல், கதைத்தேர்விலும் அவர் எடுத்துள்ள புதிய முயற்சிகளை வெளிப்படுத்துகின்றன. இந்த வரிசையில் அவர் தற்போது நடித்து முடித்துள்ள படம் தான் 'டீசல்'. இப்படம் வெளியாகும் முன்பே ரசிகர்களிடையே அதிக எதிர்பார்ப்பை ஏற்படுத்தியுள்ளது. 'டீசல்' திரைப்படம் ஹரிஷ் கல்யாணின் திரைப்பயணத்தில் மிகுந்த முக்கியத்துவம் வாய்ந்த படமாக விளங்குகிறது. இதுவரை அவர் நடித்த திரைப்படங்களில் மிக உயர்ந்த பட்ஜெட்டில் உருவான படமாகவும், மிகுந்த தொழில்நுட்பத்துடன் தயாராகியுள்ள படமாகவும் இது இருக்கிறது. அதனாலேயே இந்தப் படத்தின் மீதான எதிர்பார்ப்பு பல மடங்கு அதிகரித்துள்ளது. இப்படி இருக்க ‘டீசல்’ திரைப்படத்தை இயக்கியிருப்பவர் சண்முகம் முத்துச்சாமி. இதற்கு முன்பு உதவி இயக்குநராக பணியாற்றிய இவர், தன்னுடைய இயக்குநர் அனுபவத்தின் பூரண வெளிப்பாடாக இந்த படத்தை அமைத்துள்ளார்.

ஒரு சிறந்த ஆக்சன் திரில்லராக படம் அமைந்துள்ளதாக தகவல்கள் வெளியாகியுள்ளன. நகரத்தில் நடைபெறும் பேக்-டூ-பேக் ஆக்சன் சீன்கள், கார்சேஸ்கள், சஸ்பென்ஸ் திருப்பங்கள் என, கதையில் மிகுந்த வேகமும், அதிரடியும் இருப்பதாகக் கூறப்படுகிறது. இப்படியாக படத்தில் ஹரிஷ் கல்யாணுடன் இணைந்து பலர் முக்கியமான கதாபாத்திரங்களில் அதுல்யா ரவி, வினய், சாய் குமார், அனன்யா, கருணாஸ், விவேக் பிரசன்னா,
சச்சின் கேதேகர், ஜாகீர் உசேன், தங்கதுரை, கேபிஒய் தீனா மற்றும் பலர் நடித்துள்ளனர். இந்த கூட்டணியில் அனுபவம், நகைச்சுவை, உணர்ச்சி, மற்றும் வில்லத்தனமெல்லாம் நமக்குத் தெளிவாகக் காணப்படும். படத்தின் இசையை யார் அமைத்துள்ளனர் என்ற விவரம் அதிகாரப்பூர்வமாக வெளியாகவில்லை என்றாலும், இதில் இடம்பெற்ற 'பீர் கானா' என்ற பாடல் அண்மையில் வெளியாகி நல்ல வரவேற்பைப் பெற்றது.

இதையும் படிங்க: ஆன்லைன் விளையாட்டுக்கு அடிமையாகி இருக்கீங்களா...! அப்ப இந்த ‘கேம் ஆப் லோன்ஸ்' படம் உங்களுக்காக தான்..!

அந்த பாடல் இளைஞர்களிடையே வைரலாகி சமூக வலைதளங்களில் பல ரீல்ஸ், டிக்டாக் வீடியோக்களுக்கு கருவியாக மாறியுள்ளது. அதன் இசை அமைப்பு, வசனங்கள் மற்றும் ஹரிஷ் கல்யாணின் ஸ்டைலான நடனம் ரசிகர்களிடம் பரபரப்பை ஏற்படுத்தியுள்ளது. இந்நிலையில், ‘டீசல்’ படத்தை தணிக்கை குழு அண்மையில் பார்த்து முடித்துள்ளது. பல்வேறு ஆக்சன் மற்றும் வன்முறை காட்சிகள் உள்ளபோதிலும், இதை குடும்பங்களுடன் கூடக் காணக்கூடிய திரைப்படமாக கருதி ‘யு/ஏ’ சான்றிதழ் வழங்கப்பட்டுள்ளது. இது படத்தின் பிரம்மாண்டத்தை மட்டுமல்ல, அதன் சமச்சீர் உள்ளடக்கத்தையும் பிரதிபலிக்கிறது. இப்படியாக ‘டீசல்’ திரைப்படத்தின் படப்பிடிப்பு நிலை, வெளியான ஃபஸ்ட் லுக், டீசர், பாடல், மற்றும் பிரமாண்டமான தொழில்நுட்ப அம்சங்கள் என இவை அனைத்தும் இணையத்தில் அதிகமான ஹிட்ஸையும், ரசிகர்களிடையே கூர்ந்த எதிர்பார்ப்பையும் உருவாக்கியுள்ளன.

ஹரிஷ் கல்யாணின் முந்தைய படங்களுக்கேற்ப இது மிக வேறுபட்ட, அதிரடி காட்சிகள் நிரம்பிய படமாக இருக்கும் என்பதையே அதிகாரபூர்வமாக அறிவிக்கின்றனர். மேலும் படத்தின் ஒளிப்பதிவு, திரைக்கதை அமைப்பு, பின்னணி இசை, VFX மற்றும் ஹை ஒக்டேன் ஸ்டண்ட் காட்சிகள் அனைத்தும் உயர்தரமாக தயாரிக்கப்பட்டுள்ளதாக கூறப்படுகிறது. தமிழ்சினிமாவில் தொழில்நுட்ப ரீதியாக முன்னேறிய படங்களில் ஒன்று எனவும் எதிர்பார்க்கப்படுகிறது. இயக்குநர் சண்முகம் முத்துச்சாமி மற்றும் தயாரிப்பாளர்கள் படம் குறித்த ஒவ்வொரு அம்சத்திலும் அதிக கவனம் செலுத்தியுள்ளனர். படத்தின் வெளியீட்டு தேதியை பற்றி அதிகாரப்பூர்வ அறிவிப்பு இன்னும் வராதபோதிலும், தீபாவளி விடுமுறை காலத்தையே குறிவைத்து இப்படம் வெளியாகும் என தெரிகிறது. இது ரசிகர்களுக்கு இரட்டைப்படை கொண்டாட்டமாக இருக்கும்.

ஆகவே 'டீசல்' என்பது வெறும் ஒரு ஆக்சன் படம் மட்டுமல்ல, ஹரிஷ் கல்யாணின் நடிப்புப் பயணத்தில் ஒரு புதிய அத்தியாயமாக அமைவதாக தெரிகிறது. கதையமைப்பு, தொழில்நுட்பம், நடிப்பு, இசை, சண்டைக் காட்சிகள் என அனைத்து அம்சங்களும் ரசிகர்களுக்கு முழுமையான திரையரங்க அனுபவத்தை வழங்கும் வகையில் அமைந்துள்ளது. ரசிகர்களுக்குள் இதற்கான எதிர்பார்ப்பு நாளுக்கு நாள் அதிகரித்து வரும் நிலையில், இப்படம் ஹரிஷ் கல்யாணை ஒரு புதிய உச்சத்திற்கு அழைத்துச் செல்லும் என்பதில் சந்தேகமில்லை.

இதையும் படிங்க: இசையமைப்பாளர் தமனை பார்த்து கிரிக்கெட் வீரர் சச்சின் இப்படி சொல்லிட்டாரே..! ஷாக்கில் ரசிகர்கள்..!