தமிழ் திரைப்படத்துறையில் சமீபக்காலமாக தனித்துவமான நடிப்பும், தனக்கென வடிவமைக்கப்பட்ட அழகிய ஸ்கிரீன் பிரசென்ஸும், பல்வேறு கேரக்டர்கள் மூலம் ரசிகர்களை கவர்ந்து வரும் நடிகை பவ்யாதிரிகா தற்போது அளித்துள்ள ஓர் நேர்காணல் கருத்து இணையத்தில் பெரும் பேசுபொருளாகியுள்ளது. ‘கதிர்’, ‘ஜோ’, ‘இடி மின்னல் காதல்’, ‘பன் பட்டர் ஜாம்’ உள்ளிட்ட படங்களில் நடித்ததன் மூலம் தமிழ் சினிமாவில் இடம் பிடித்து வரும் பவ்யாதிரிகா, தனது மனதின் ஆழத்திலிருந்து கூறிய வார்த்தைகள் ரசிகர்களின் கவனத்தை மிகுந்தளவில் பெற்றுள்ளன.

குறிப்பாக பவ்யாதிரிகாவை முதன்முதலில் திரையரங்கில் பார்த்த பெரும்பாலானவர்களுக்கும் “இந்தப் பெண் நிச்சயம் வட இந்தியாவைச் சேர்ந்தவர் போல” என்ற எண்ணமே முதலில் தோன்றும். ஆனால், அவர் தமிழ்நாட்டின் தலைநகர் சென்னைக்கே சொந்தமானவர். அவரின் பால் நிற மேனி, உயரம், முக அமைப்பு, பேசும் முறை ஆகியவற்றால் வடமாநில தோற்றம் கொண்ட நடிகைகளுடன் ஒப்பிடப்பட்டாலும், அவர் முழுக்க முழுக்க சென்னையைச் சேர்ந்த தமிழ் பெண் என்பது ரசிகர்களுக்கு ஆச்சரியத்தை ஏற்படுத்தும். இதுவே அவருக்கு தமிழ் சினிமாவில் ஒரு தனித்துவமான அடையாளத்தை வழங்கியுள்ளது. இப்படி இருக்க பவ்யாதிரிகா நடித்த திரைப்படங்கள் குறைவாக இருந்தாலும், ஒவ்வொரு படத்திலும் அவர் வெளிப்படுத்திய அழகான நடிப்பும், இயல்பான உணர்வுப்பதிவும் அவரது பெயரை படிப்படியாக மக்களிடம் கொண்டு சென்றன.

கதிர் படத்தில் அவர் வெளிப்படுத்திய உணர்ச்சி வெளிப்பாடு கவனிக்கப்பட்டது. அதேபோல் ஜோ படத்தில் அவர் செய்த கேரக்டர் ரசிகர்களை நெருக்கமாக இணைத்தது. இடி மின்னல் காதல் படத்தில் அவர் நடித்த காதல் சார்ந்த கதாபாத்திரம் இளைஞர்களை கவர்ந்தது. பன் பட்டர் ஜாம் படத்தில் அவர் காட்டிய வேறுபட்ட பாணி பலரும் பாராட்டியது. ஒவ்வொரு படத்திலும் “இந்த நடிகை நீண்ட பயணத்துக்கு வருகிறார்” என்று விமர்சகர்கள் குறிப்பிட்டுள்ளனர். சமீபத்தில் பவ்யாதிரிகா கலந்து கொண்ட ஒரு நிகழ்ச்சியில் அவரிடம் ஒரு மிக பொதுவான, ஆனால் ஒரு நடிகையின் மனதின் ஆழத்தை வெளிப்படுத்தும் மிக முக்கியமான கேள்வி கேட்கப்பட்டது.

இதையும் படிங்க: கேக் வெட்டி பிறந்தநாளை கொண்டாடிய ரஜினிகாந்த்..! "ஜெயிலர் 2" படப்பிடிப்பு தளத்தில் உற்சாகம்..!

அதில் “உங்கள் பலமும் பலவீனமும் என்ன?” என. இதை பலர் சாதாரணமாகவும், சிலர் மிக நுணுக்கமாகவும் பதிலளிப்பார்கள். ஆனால் பவ்யாதிரிகாவின் பதில் மிகவும் நேர்மையானதும், வலிமையானதுமாக இருந்தது. “பலம் நிறைய இருக்கிறது, பலவீனமும் அதிகம். ஆனால் அதை வெளியில் சொல்லக் கூடாது” என பவ்யாதிரிகா
அவர் முதலில்,  “என்னிடம் பலம் நிறைய இருக்கிறது. அதேபோல் பலவீனமும் அதிகம் இருக்கிறது. ஆனால் பலவீனத்தை உலகத்திற்கு வெளியில் சொல்லக் கூடாது” என்றார். இந்த ஒரு வரியில் அவர் பேசும் நுண்மையும், வாழ்க்கையை அணுகும் முதிர்ச்சியும், சொற்களில் இருக்கும் வலிமையும் முழுமையாக வெளிப்பட்டது.

அவர் பலம் என்ன? அவரின் உழைப்பு, முயற்சி, தன்னம்பிக்கை, தன் திறமையை நம்பும் மனப்பாங்கு. அதேபோல பலவீனம்? அதை உலகம் அறிய வேண்டியதில்லை என்பதே அதுவே அவரது பதில். அவர் தொடர்ந்து பேசுகையில், 
“எனது வாழ்க்கையில் நிறைய விமர்சனங்களை பார்த்துவிட்டேன். ஆனால் நான் ஒருபோதும் வருத்தமடைந்ததில்லை. ஒரு மனிதன் வளர வேண்டுமென்றால் விமர்சனங்கள் அவனை வளர்க்கும். விமர்சனங்களே நமைக் கற்றுக்கொடுக்கின்றன. என்னைப் பற்றி எனக்குத் தெரியும் என்பதால், எதுவும் என் மனதை பாதித்தது கிடையாது” என்றார்.  சினிமாவில் விமர்சனங்கள் என்பது அடிக்கடி வரும் அலைபோன்ற ஒன்று.
அதில் சில நல்லவை. சில கடுமையானவை. சில அடிப்படை இல்லாதவை.

ஆனால் பவ்யாதிரிகா அதிலிருந்து மனச்சோர்வு அடைவதை விட, அதை தனது பயணத்திற்கான எரிபொருளாக மாற்றியுள்ளார். அவரின் பேச்சில் மிகவும் பேசப்பட்ட வார்த்தை இதுதான், அதில் “பணத்துக்காகவும் புகழுக்காகவும் நான் சினிமாவுக்கு வரவில்லை. சினிமா எனக்கு ஒரு வேள்வி மாதிரி… ஒரு தவம் போல” என்றார். இந்த வார்த்தை இன்றைய தலைமுறையினருக்குள் இருந்தும், சந்தையில் நிறைந்துள்ள போட்டித்தன்மைக்குள் இருந்தும் ஒரு நடிகை இப்படிப் பேசுவது மிக அரிய ஒன்று. சினிமா துறையிலே பெரும்பாலும், புகழ், பணம், ஸ்டார் டம், லைம் லைட் இவற்றுக்காக பலர் வருவது இயல்பான விஷயம். ஆனால் பவ்யாதிரிகா அளித்த இந்த பதில் ரசிகர்களையும் விமர்சகர்களையும் ஆச்சரியப்பட வைத்தது.

அதுமட்டுமல்லாமல் சினிமாவை வெறும் வேலையாக நினைக்காதவர். புகழுக்காக பயன்படுத்தும் மேடையாக நினைக்காதவர். அது அவரது வாழ்க்கையின் ஒரு புனிதமான பகுதி போல அவர் கருதுகிறார். “தவம்” என்ற சொல் சினிமா பயணத்தில் அவர் வைத்துள்ள அர்ப்பணிப்பை காட்டுகிறது. எனவே பவ்யாதிரிகாவின் பேச்சை கேட்ட பிறகு புதிய நடிகைகள், ஆர்வலர்கள், திரையரங்க ரசிகர்கள் என்ற அனைவரும் ஒரே கருத்தை பகிர்ந்தனர். சினிமா துறையில் தற்போது அதிகம் பேசப்படும் புதிய தலைமுறை பெண்களில் பவ்யாதிரிகா முக்கியமான பகுதி ஆகிவிட்டார். அவரது பேச்சிலிருந்து ஒரு விஷயம் தெளிவாகிறது, அவர் வெற்றி பெற வேண்டி சினிமாவுக்கு வரவில்லை. அவர் செய்ய விரும்பும் ஒரு கலைக்கு வந்துள்ளார்.

அவரின் நோக்கமும், அவரின் அர்ப்பணிப்பும் அவரை பெரிய நிலைக்குக் கொண்டு செல்லும். ஆகவே பவ்யாதிரிகாவின் உரை சினிமாவை எவ்வளவு புனிதமாகவும், எளிமையாகவும், வாழ்க்கையின் ஓர் அழகான பாதையாகவும் பார்க்கிறாரோ என்பதை வெளிப்படுத்துகிறது. அவருடைய மனம் திறந்த உரையிலிருந்து பலரும் அவரை புதிய கோணத்தில் பார்க்கத் தொடங்கியுள்ளனர். அவர் வளர்கிறார். அவர் வளர்ந்து வருகிறார். அவரை விமர்சனங்களும் தடுக்க முடியாது. அவரை கலை மீதான அன்பும் முன்னேற்றி செல்லும்.

இதையும் படிங்க: அன்று பஸ் கண்டக்டர்.. இன்று உலகத்தின் கண்களுக்கு ஒளி..! 50 ஆண்டுகால உழைப்பின் பலன்.. சூப்பர் ஸ்டார் ரஜினி காந்த்..!