இந்திய திரைப்படத் துறையில் காதல் கதைகளுக்கே தனி ரசிகர் வட்டம் உண்டு. உணர்வுகளையும் காட்சியையும் நயமாக இணைத்து மனதை தொடும் வகையில் படங்கள் உருவாகும்போது, அந்தக் கதைகள் தலைமுறைகள் கடந்து நிலைத்திருக்கும். அதுபோன்ற படங்களுக்காகவே பிரபலமானவர் இயக்குநர் ஆனந்த் எல். ராய். அவர் இயக்கத்தில் உருவாகியுள்ள புதிய காதல் படம் “தேரே இஷ்க் மெய்ன்”, இதில் தமிழின் பிரபல நட்சத்திரமான தனுஷ் கதாநாயகனாகவும், பாலிவுட் அழகி கீர்த்தி சனோன் கதாநாயகியாகவும் நடித்துள்ளனர்.

இது ஒரு இனிமையான காதல் கதை மட்டுமல்ல, அதில் உணர்ச்சியும், மனித உறவுகளின் நுணுக்கங்களும் இணைந்திருக்கின்றன. குறிப்பாக இந்த திரைப்படம் நவம்பர் 28 அன்று உலகமெங்கும் வெளியாகவுள்ளது. மேலும் தனுஷ் மற்றும் ஆனந்த் எல். ராய் கூட்டணி இதற்கு முன்பு “ராஜஹனா” மற்றும் “அட்ராங்கி ரீ” ஆகிய படங்களில் வெற்றி பெற்றது குறிப்பிடத்தக்கது. அந்த இரு படங்களும் தனுஷின் பல்மொழி திறனை வெளிப்படுத்தியவை. இப்போது அதே கூட்டணி மீண்டும் இணைவதால் ரசிகர்களிடம் பெரும் எதிர்பார்ப்பு நிலவுகிறது. மேலும் கீர்த்தி சனோன் சமீபத்தில் “Teri Baaton Mein Aisa Uljha Jiya” படத்திலும், “Mimi” படத்திலும் தன்னுடைய நடிப்பு திறனை நிரூபித்தார். “தேரே இஷ்க் மெய்ன்” படத்தில் அவர் ஒரு மருத்துவ மாணவியாக நடிக்கிறார் என்று கூறப்படுகிறது. இதனை குறித்து கீர்த்தி பேசுகையில்,  “இந்தக் கதாபாத்திரம் எனக்கு ஒரு புதிய சவால். ஆனந்த் சார் இயக்கத்தில் நடிப்பது எப்போதும் உணர்ச்சியால் நிறைந்த அனுபவம்.” என்றார். தனுஷ் – கீர்த்தி கூட்டணி திரைமீது புதிய ரசாயனத்தை உருவாக்கும் என பாலிவுட் வட்டாரங்கள் உறுதியாகக் கூறுகின்றன.

இப்படி ஆனந்த் எல் ராய் இந்திய சினிமாவில் உணர்ச்சி மிக்க கதைகளை திரைமீது வடிவமைக்கும் திறமையால் அறியப்பட்டவர். அவர் இயக்கிய “Tanu Weds Manu”, “Raanjhanaa”, “Zero”, “Atrangi Re” போன்ற படங்கள் அவரின் தனித்த பாணியை வெளிப்படுத்தின. ஒவ்வொரு படத்திலும், காதல் ஒரு உணர்ச்சி மட்டுமல்ல அது ஒரு வாழ்க்கை அனுபவம் என்பதை அவர் வலியுறுத்தியுள்ளார். இதனை குறித்து அவர் கூறுகையில்,  “காதல் எப்போதும் மாறிக்கொண்டே இருக்கும். ஆனால் அதை உண்மையாகச் சொல்லும் பொழுதே அது பார்வையாளர்களின் இதயத்தைத் தொடும்.” என்றார். மேலும் “தேரே இஷ்க் மெய்ன்” படத்தின் பதிப்பக பணி நிறைவடைவதற்குள், ஆனந்த் எல் ராய் தனது அடுத்த திரைப்படத் திட்டத்திலும் ஈடுபட்டு வருகிறார். அந்தப் படம் தற்காலிகமாக “நயி நவேலி” என்று பெயரிடப்பட்டுள்ளது.

இதையும் படிங்க: ஒருகாலத்தில் பிரபல காஸ்டியூம் டிசைனர்.. இன்று இயக்குநர்..! inspiration - ஆக மாறிய நீரஜா கோனா..!

இது ஒரு பேண்டஸி டிராமா எனக் கூறப்படுகிறது.. அதாவது மாயாஜாலம், கனவு, மற்றும் உண்மை வாழ்க்கை இணைந்த கதை. இப்படத்தில் கீர்த்தி சனோன் மீண்டும் இணைந்திருப்பதோடு, யாமி கவுதம் முக்கிய வேடத்தில் நடிக்கவுள்ளார். மேலும் கீர்த்தி சனோன் மற்றும் யாமி கவுதம் இதற்கு முன்பு ஒரே படத்தில் நடித்ததில்லை. இருவரும் தங்களது தலைமுறையில் வித்தியாசமான நடிப்புத் திறனும், ரசிகர் ஆதரவும் கொண்டவர்கள். இந்த இரு நடிகைகளும் ஒரே திரையில் வரும் வாய்ப்பு இருப்பதால், “நயி நவேலி” தற்போது பாலிவுட் வட்டாரங்களில் பேசப்படும் முக்கியத் தலைப்பாக மாறியுள்ளது. ஒருவர் நவீன காதலை பிரதிபலிப்பவர் எனில், மற்றொருவர் உள்ளுணர்வை வெளிப்படுத்தும் வகையில் கதையைத் தாங்குவார் என தகவல் இப்படத்தின் முக்கிய கரு – “பெண்களின் கனவுகள் மற்றும் வாழ்க்கை அவர்களை எங்கே கொண்டு செல்கிறது?” என்பது என கூறப்படுகிறது.

இப்படத்தை கலர் எல்லோ ப்ரொடெக்ஷன்ஸ் நிறுவனத்தின் சார்பில் தயாரிக்கிறார் ஆனந்த் எல் ராய் தானே. இசையமைப்பாளராக அமித் த்ரிவேதி, ஒளிப்பதிவாளராக ஹிம்மன் தேஷ்முக், எடிட்டராக ஹேமல் கோட்டாரி பணியாற்றுகின்றனர். படத்தின் முதல் கட்ட படப்பிடிப்பு ரிஷிகேஷ் மற்றும் டெல்லி ஆகிய இடங்களில் தொடங்கும் என கூறப்படுகிறது. அத்துடன் யாமி கவுதம் தனது சமூக ஊடகங்களில் இந்தப் பற்றிய எதிர்பார்ப்பை வெளிப்படுத்தியுள்ளார். அதில்,  “ஆனந்த் சார் இயக்கத்தில் நடிப்பது எனது கனவு. அவர் ஒவ்வொரு கதையையும் உயிரூட்டுகிறார். இந்தப் படம் பேண்டஸி வடிவில் இருக்கும் என்றால் அது எனக்கு ஒரு புதிய அனுபவமாக இருக்கும். மேலும் கீர்த்தி சனோனுடன் சேர்ந்து பணியாற்றுவது எனக்கு பெரும் மகிழ்ச்சி. நாங்கள் இருவரும் கதையை வலுப்படுத்தும் வகையில் தங்களது பங்களிப்பை வழங்குகிறோம்.” என பதிவிட்டுள்ளார்.

இயக்குநர் ஆனந்த் எல் ராய் தனது புதிய முயற்சிகள் குறித்து கூறியுள்ளார். அதில் “சினிமா என்பது உண்மையும் கனவும் கலந்த கலை. நயி நவேலி வழியாக, நவீன வாழ்க்கையில் மனிதர்கள் தங்களது உண்மையையும் கற்பனையையும் எப்படி சமநிலைப்படுத்துகிறார்கள் என்பதை ஆராய்கிறேன்” என்றார். அவரின் இந்த பேச்சு ரசிகர்களிடையே புதிய எதிர்பார்ப்பை ஏற்படுத்தியுள்ளது. தனுஷ் – ஆனந்த் கூட்டணி என்றாலே ரசிகர்கள் ஆவலாகக் காத்திருக்கிறார்கள். “ரான்ஜஹனா” வெளியான பத்தாண்டுகளுக்குப் பிறகும், அந்தப் படத்தின் உணர்ச்சிகள் ரசிகர்களின் மனதில் இன்னும் நிலைத்து நிற்கின்றன. இப்போது “தேரே இஷ்க் மெய்ன்” மூலம் அதே மாயையை மீண்டும் காணலாம் என நம்பப்படுகிறது. அதே சமயம், “நயி நவேலி” மூலம் கீர்த்தி சனோன் மீண்டும் ஆனந்த் எல் ராய் இயக்கத்தில் நடிப்பது அவருக்குப் பெரிய வாய்ப்பாகவும், சவாலாகவும் இருக்கிறது.

ஆகவே திரைப்பட உலகம் எப்போதும் மாற்றம் காண்கிறது. ஆனால் சில இயக்குநர்கள் அவர்களின் கலை நோக்காலும் உணர்வுகளாலும் திரையுலகைச் சீரமைக்கிறார்கள். ஆனந்த் எல் ராய் அப்படிப்பட்டவர்களில் ஒருவர். அவரின் புதிய முயற்சிகள் “தேரே இஷ்க் மெய்ன்” மற்றும் “நயி நவேலி” இரண்டுமே ரசிகர்களை மயக்கும் வகையில் அமைந்திருக்குமென எதிர்பார்க்கப்படுகிறது. எனவே நவம்பர் 28-ம் தேதி “தேரே இஷ்க் மெய்ன்” வெளியீடு, டிசம்பர் மாதத்தில் “நயி நவேலி” ஷூட்டிங் தொடக்கம் — இரண்டுமே பாலிவுட் ரசிகர்களுக்கான இனிய பரிசாக மாறப் போகின்றன.
 

இதையும் படிங்க: கவர்ச்சி கன்னி கீர்த்தி ஷெட்டிக்கு அவ்வளவு மவுசா..! ஒரே மாதத்தில் அடுத்தடுத்து வெளியாகும் படங்களால் ஷாக்கில் நடிகைகள்..!