பல வருடங்களுக்கு முன்பு தமிழ் சினிமாவில் 'புதிய கீதை' திரைப்படத்தின் மூலம் அறிமுகமான அமிஷா படேல், பாலிவுட்டிலும் பல வெற்றி படங்களில் நடித்துக் கொண்டிருந்தார். இப்போது 50 வயதைக் கடந்தும் திருமணம் செய்யாமல், தனக்கென தனித்துவமாக வாழ்ந்து வரும் இவர், சமீபத்தில் அளித்த ஒரு நேர்காணல் பேட்டியில் தனது வாழ்க்கை, காதல், திருமணத்திற்கான எண்ணங்கள் குறித்து மிக திறமையாகவும், நேர்மையாகவும் பேசியுள்ளார்.

இது மாதிரியான பிரபலங்களின் சொற்பொழிவுகள் பொதுமக்கள், ரசிகர்கள் மற்றும் சமூக வலைதளங்களில் அதிக கவனம் பெறுவது வழக்கமாகவே இருந்து வந்தாலும், அமிஷாவின் பேச்சு இந்த முறையில் மிகவும் உண்மையான சுய விமர்சனத்தையும், சமூகத்திலுள்ள கருத்துகளுக்கான எதிர்வினையையும் கொண்டுள்ளது என்பதே சிறப்பு. அமிஷா படேல், ஒரு நேர்காணலில் கூறும்போது தனது ஆரம்பக் காலத்தை பற்றிய தகவல்களை பகிர்ந்துள்ளார். அவர் கூறுகையில், "நான் சினிமாவுக்குள் வருவதற்கு முன்பு, எனக்கு ஒரு தீவிரமான காதல் இருந்தது. அவர் மும்பையைச் சேர்ந்த மிகப் பெரிய தொழிலதிபர் குடும்பத்தை சேர்ந்தவர். ஆனால், நான் சினிமாவில் எடுப்பதற்காக தீர்மானித்தபோது, என் காதலை தியாகம் செய்தேன். என் வாழ்க்கையில் அப்போதுதான் ஒரு முக்கியமான திருப்பம் ஏற்பட்டது" என்றார். இது ஒரு சாதாரண முடிவு அல்ல. தொழிலில் முன்னேற வேண்டும் என்ற எண்ணம், தன் உணர்ச்சிகளை ஒதுக்கி வைத்து ஒரு திறமையான, சுயநிர்ணயமிக்க பெண் என்பதை நிரூபிக்கிறது. இது தற்போதைய புதுமை பெண்கள் எதிர்நோக்கும் திடமான வாழ்வின் பிரதிபலிப்பாக இருக்கின்றது.

அமிஷா தனது வாழ்க்கையில் காதலுக்காக பல விஷயங்களை விட்டுவிட்டதாக கூறுகிறார். அதனை குறித்து பேசுகையில், "என் தொழில் வாழ்க்கைக்காக நான் நிறைய இழந்துவிட்டேன். காதலுக்காகவும் நிறைய விட்டுவிட்டேன். இரண்டிலும் ரொம்ப கற்றுக்கொண்டேன். என்னை திருமணம் செய்ய வரும் இளைஞர்கள் எல்லாரும் என்னை விட பாதி வயசு பசங்கதான். இவர்களிடமிருந்து தான் அதிகமான திருமண முன்மொழிவுகள் வருகிறது. என் வயதில் பாதி பேர் டேட்டிங் அழைக்க வருகிறார்கள். ஒரு ஆண் மனரீதியாக முதிர்ச்சி அடைந்திருக்க வேண்டும். அதுவே என் எதிர்பார்ப்பு. அது இல்லாமல், எந்த உறவும் நிலைக்காது. திருமணம் செய்துக்கிட்டா சினிமாவை விட்டுட்டு வீட்டுல அமர்ந்து சப்பாத்தி சுடனும்னு சொல்றாங்க.அதெல்லாம் இல்லை.. தகுதியான ஒருவரை கண்டுபிடிக்கும் வரை திருமணத்திற்கு காத்திருக்கிறேன்" என்றார்.

இதையும் படிங்க: "அவதார் : தி வே ஆப் வாட்டர்" திரைப்படம் பார்க்க மிஸ் பண்ணிட்டீங்களா..! கவலைவேண்டாம் மீண்டும் ரிலீசாக போகிறதாம்..!

இந்த வாக்கியம், மனத்தில் ஆழமாய்ப் பதியும் வகையில் இருக்கிறது. பலர் நினைப்பது போல, சினிமா பிரபலங்கள் வாழ்கின்ற வாழ்க்கை எளிதானதல்ல. உறவுகள், தொழில், தனிப்பட்ட ஆசைகள் என இவை அனைத்தும் ஒரே நேரத்தில் சமப்படுத்த முடியாமல் பல தியாகங்களையும், தவிர்க்க முடியாத முடிவுகளையும் எடுக்க வேண்டியிருக்கும்.  இது மிகவும் வழக்கமான நிகழ்வாக சிலருக்கு தோன்றலாம். ஆனால், இது பெண்கள் தங்கள் வாழ்க்கையை தாங்களாக கட்டுப்படுத்த விரும்பும் போது சமூகத்தில் எதிர்நோக்கும் ஒருவகை மனநிலை பற்றிய வெளிப்பாடு. அவர்களை அளவீடு செய்ய சமூகத்தின் அளவுகோல்கள் இன்னும் பழையதுதான் என்பதற்கான ஓர் எடுத்துக்காட்டு. இதில், திருமணம் என்பது வயது அடிப்படையிலானதல்ல, மனநிலை அடிப்படையிலானது என்பதை அவர் சுட்டிக்காட்டுகிறார். திருமணத்திற்கு ஒரு நல்ல துணை என்பது உடலைவிட மனசாட்சி, பொறுப்பு உணர்வு, மற்றும் ஒருவரை புரிந்துகொள்வது போன்ற அடிப்படைகளில் அமைய வேண்டும் என்பது இவரது பார்வை.

மேலும் பெண்கள் திருமணம் செய்ததும், அவர்கள் தங்கள் வாழ்க்கையின் மற்ற பகுதிகளை விட்டுவிட வேண்டும் என சிலரது கருத்து. ஆகவே நடிகை அமிஷா படேலின் இந்த நேர்காணல், ஒரு பிரபலத்தின் தனிப்பட்ட வாழ்க்கை அனுபவங்களின் தொகுப்பாக மட்டுமல்லாமல், இன்றைய பெண்ணின் நவீன சிந்தனைகளின் பிரதிபலிப்பாகவும் பார்க்கப்படுகிறது. அவர் கூறும் வார்த்தைகள், திருமணம் குறித்து சமூகத்தில் நிலவுகிற பழைய நம்பிக்கைகள், பெண்களின் மீது திணிக்கப்பட்ட கண்ணோட்டங்கள், மற்றும் தொழில், காதல், குடும்பம் ஆகியவற்றில் ஏற்படும் தெரிந்த அல்லது தெரியாத அதிர்ச்சிகளை வெளிப்படுத்துகிறது.

இது போன்ற திறமையான, நேர்மையான பேச்சுக்கள் மட்டுமே, புதிய தலைமுறைக்கு உண்மையான உணர்வுகளை பரிமாறும் வாய்ப்பு ஏற்படுத்தும். அமிஷா படேல், தனது வாழ்க்கையின் மீது தன்னம்பிக்கையுடன் கொண்டிருக்கும் தைரியம், இன்றைய பெண்கள் அனைவருக்கும் ஒரு முன்மாதிரியாக இருக்கக்கூடியது.

இதையும் படிங்க: "ஜனநாயகன்" எப்படி இருக்கும் தெரியுமா..! முதல்முறையாக சஸ்பென்ஸை உடைத்த இயக்குநர் ஹெச். வினோத்..!