இந்திய திரைப்பட வரலாற்றில் முக்கிய அத்தியாயங்களை உருவாக்கியுள்ள ஹோம்பலே பிலிம்ஸ் தயாரிப்பில் உருவாகியுள்ள “காந்தாரா சாப்டர் 1” திரைப்படம், அதன் வெளியீட்டை முன்னிட்டு நடத்திய பிரஸ் மீட்டில் பெரும் எதிர்பார்ப்பை ஏற்படுத்தியது. குறிப்பாக, இப்படத்தில் முக்கிய கதாபாத்திரம் ஒன்றை ஏற்று நடித்துள்ள நடிகை ருக்மிணி வசந்த், தனது கதாபாத்திர தோற்றத்தில் நேரில் வந்ததோடு, நிகழ்வின் போது ஆழமான உணர்வுகளுடன் சில முக்கியமான விவரங்களையும் பகிர்ந்துகொண்டார்.

அத்துடன் “காந்தாரா சாப்டர் 1 என்னை ஒரு மனிதராகவே மாற்றிவிட்டது. இது எனக்கு சாதாரணமான ஒரு திரைப்பட அனுபவம் அல்ல. ரிஷப் ஷெட்டி சார் எனக்கு இப்படத்தில் ஒரு அழகான, ஆழமான கதாபாத்திரம் வழங்கியதற்கு எனது நன்றி சொல்லத் தகுதியான வார்த்தைகள் இல்லை,” என்றார் அவர். இந்நிகழ்வில் அவர் குறிப்பிட்ட மிக முக்கியமான தருணம் ஒன்றும் இருந்தது. அதில், "சப்த சாகரலு தாதி சைட் ஏ" என்ற படத்துக்கான பிரீமியரின்போது, இயக்குநர் ரிஷப் ஷெட்டி தனது நடிப்பை பாராட்டியதையே, அவர் மிக உணர்ச்சியுடன் நினைவுகூர்ந்தார். அதன்படி அவர் பேசுகையில்,  “அந்த நேரத்தில் ரிஷப் ஷெட்டி எனது நடிப்பை பாராட்டிய விதம் இன்னும் என் மனதில் புதிதாகவே உள்ளது. அது ஒரு மிக ஆழமான நிமிடம். இன்று உங்களுடன் இப்படத்தில் பணியாற்றும் வாய்ப்பு கிடைத்திருப்பது, உண்மையாகவே என் வாழ்க்கையின் முக்கிய சம்பவம் என்று நான் நினைக்கிறேன்,” என்றார் ருக்மிணி.

மேலும் 'காந்தாரா', 2022-ம் ஆண்டு வெளிவந்த திரைப்படம், கிராமிய கலாச்சாரம், பசுமை, பாரம்பரியம் மற்றும் நம்பிக்கையின் அடிப்படையில் சிந்தனைசெய்யவைக்கும் படைப்பாக உருவாகி, கர்நாடகா மட்டுமின்றி, நாடு முழுவதும் ஒரு கலாச்சார அலையைக் கிளப்பிய திரைப்படமாக மாறியது. இத்திரைப்படம், அதனுடைய அசல் தன்மை, சொந்த மொழி மற்றும் ஜீவனுடனான பின்னணி காட்சிகளால் பார்வையாளர்களின் மனதில் ஆழமான தாக்கத்தை ஏற்படுத்தியது. இந்த வெற்றியின் தொடர்ச்சியாக உருவாகியுள்ளது தான் “காந்தாரா சாப்டர் 1”. இப்படத்தை இயக்கியதும், முன்னணி கதாநாயகனாக நடித்ததும் மீண்டும் ரிஷப் ஷெட்டியே. தற்போது உருவாகியுள்ள இந்த ப்ரிக்வல் படத்தில், கதையின் தொடக்க நிலை, முந்தைய படத்தில் குறிக்கப்படாத வரலாற்றுப் பின்னணிகள் மற்றும் மேலும் ஆழமான சமூக, ஆன்மிக சிந்தனைகள் இடம் பெற்றுள்ளதாக படக்குழு தெரிவித்துள்ளது. இப்படியாக ருக்மிணி வசந்த், இளம்பருவத்தில் கன்னட திரையுலகில் தன்னை நிலைப்படுத்தியவர்.

இதையும் படிங்க: 57 வயதில் திருமணம் குறித்த அப்டேட்டை அதிரடியாக கொடுத்த 'எஸ்.ஜே.சூர்யா'..!

ஆனால் ‘காந்தாரா சாப்டர் 1’ என்பது அவருக்கு ஒரு திருப்புமுனை எனவே சொல்லப்படுகிறது. இப்படத்தின் கதாபாத்திரத்தில் அவர் செய்த பங்களிப்பு மட்டுமல்லாது, அதை அவர் எப்படி உணர்ந்தார் என்பது அவரது உரையின் மூலமே வெளிப்பட்டது. “ஒரு கலைஞராக மட்டுமல்ல, மனிதராக என் பார்வையையும், உணர்வுகளையும் மாற்றிய படம் இது,” என்று அவர் உரையாற்றியதோடு, அந்த மாற்றம் படம் வெளியாகும் பொழுது அனைவருக்கும் புரியும் என்றும் நம்பிக்கை தெரிவித்தார். இந்த படத்திற்கான இசையை, முன்னணி இசையமைப்பாளர் அஜனீஷ் லோக்நாத் இயற்றியுள்ளார். அவரது பின்னணி இசை மற்றும் பாடல்களின் மூலமாக, கதை சொல்லல் மேலும் வலுப்பெறுவதாக எதிர்பார்க்கப்படுகிறது. ஹோம்பலே பிலிம்ஸ் நிறுவனத்தின் தயாரிப்பில் உருவாகியுள்ள இத்திரைப்படம், அக்டோபர் 2, அன்று உலகளாவிய ரீதியில் வெளியிடப்பட உள்ளது. இதில் குறிப்பிடத்தக்கது, இப்படம் 30 நாடுகளில் ஒரே நாளில் வெளியிடப்பட உள்ளதுதான். இது ‘காந்தாரா’ பிராண்டின் வளர்ச்சியின் ஒரு முக்கியக் கட்டமாக பார்க்கப்படுகிறது. படத்தின் ஃபஸ்ட் லுக், டீசர் மற்றும் ருக்மிணியின் தோற்றம் போன்றவை ஏற்கனவே சமூக வலைதளங்களில் பெரும் வரவேற்பைப் பெற்றுள்ளன. ரசிகர்கள், விமர்சகர்கள் மற்றும் திரையுலக வட்டாரங்கள், இப்படம் ஒரு மாபெரும் கலாச்சார அனுபவமாக மாறும் என எதிர்பார்க்கின்றனர்.

“காந்தாரா சாப்டர் 1”, வெறும் ப்ரிக்வல் படம் அல்ல. இது ஒரு மனநிலையின் தொடர்ச்சி. ஒரு சமூகத்தின் பழமையை சினிமாவின் மொழியில் சொல்லும் ஒலி. நடிகை ருக்மிணி வசந்தின் உணர்வும், இயக்குநர் ரிஷப் ஷெட்டியின் பார்வையும் இதில் கலந்து, இப்படத்தை ஒரு புதிய பரிமாணத்திற்கு அழைத்துச் சென்றுள்ளன.
அக்டோபர் 2, இந்திய சினிமாவின் இன்னொரு முக்கியமான நாளாக மாறப்போகிறது. அந்த நாளை எதிர்நோக்கி ரசிகர்கள் கண்கள் விரிந்து காத்திருக்கின்றனர்.

இதையும் படிங்க: தனது மனைவியிடம் வசமாக சிக்கிய விஜய் ஆண்டனி..! ஒரே வார்த்தையால் மாறிய வாழ்க்கை..!