இந்திய திரை உலகில் தனித்துவமான நடிப்புத் திறனாலும், அழகும் ஆளுமையும் சேர்ந்த நடிகையாக பலரது கவனத்தை பெற்றவர் நடிகை சமந்தா ரூத் ப்ரபு. தமிழிலும், தெலுங்கிலும், ஹிந்தி மொழியிலும் நடித்து வந்த சமந்தா, சமீப காலமாக தனது வேலை திட்டங்களில் மாற்றங்களை செய்து வருகிறார். நடிகையாக மட்டுமின்றி தற்போது தயாரிப்பாளராகவும் அடையாளம் காணப்படுகிறார். இந்தப் புதிய பயணத்தில் அவர் வெளியிட்ட படமான 'சுபம்', கலவையான விமர்சனங்களைச் சந்தித்தது.

அதன் பிறகு தொடர்ந்து புதிய திரைப்படங்களிலும், வெப் தொடர்களிலும் கலந்துகொண்டு வரும் அவர், சமீபத்தில் ஒரு பிரபல இணைய ஊடகத்திற்கு அளித்த பேட்டியில், தனது சமூக வலைதள அனுபவங்கள், உடல் நலம், மற்றும் வாழ்வியல் மாற்றங்களை பற்றி பகிர்ந்துள்ளார். அதன்படி சமந்தா தயாரித்த முதல் திரைப்படமான ‘சுபம்’, அவருக்கு ஒரு தனிப்பட்ட மனமுவந்த முயற்சியாக இருந்தது. சமூக சிக்கல்கள் மற்றும் நவீன நெறிமுறைகள் பற்றிய கருத்துகளை கொண்ட படம், விமர்சகர்கள் மற்றும் ரசிகர்களிடையே கலவையான கருத்துக்களை பெற்றது. இந்த படத்தை தயாரிக்கும்போது நான் எதிர்பார்த்த விஷயங்கள் பல இருந்தன. ஆனால் திரைக்கு வந்த பிறகு அது ஒரு பாடமாகவே இருந்தது. வெற்றி இல்லாவிட்டாலும், அது எனக்கு ஒரு புதிய அனுபவம் என்று கூறியுள்ளார் சமந்தா. மேலும் சமூக ஊடகங்கள், தற்போது நாம் வாழும் காலத்தில் பெரும் பங்கு வகிக்கின்றன. நடிகை சமந்தா இந்த உண்மையை தெளிவாக ஒப்புக்கொள்கிறார். ஆனாலும், அது உங்களை கட்டுப்படுத்தக்கூடாது எனும் எச்சரிக்கையையும் அவர் கொடுத்துள்ளார்.

இதுகுறித்து அவர் பேசுகையில், "சோசியல் மீடியாக்களில் உண்மையாக இருப்பது முக்கியம் என்று நான் உணர்ந்திருக்கிறேன். நம்மை வரவேற்கும் பாராட்டுகளையும் ஏற்க வேண்டும். அதே நேரத்தில் டிரோலிங், விமர்சனங்களை ஏற்கும் மனப்பக்குவமும் அவசியம். இது இரண்டிலும் சமநிலை தேவை, அத்துடன் சமூக வலைதளங்கள் என்னை சில புதிதான நபர்களை சந்திக்க செய்துள்ளன. அவர்கள் எனது வாழ்க்கை தரத்தை மேம்படுத்த உதவியுள்ளனர். எனவே, சமூக ஊடகங்களை முழுமையாக தவிர்க்க முடியாது. ஆனால் அதற்குள் முழுமையாக தொலைந்து விடக் கூடாது. மேலும் நான் இனி ஒரே நேரத்தில் 5 படங்களில் நடிக்கப் போவதில்லை.  நடிப்பதற்கு முன் என் உடலை கேட்க வேண்டும் என்று நான் உணர்ந்திருக்கிறேன். ஆரோக்கியமே வாழ்க்கையின் அடிப்படை. உடல் நலக்குறைவிற்கு பிறகு, மற்ற எல்லா பிரச்சனைகளும் அர்த்தமற்றதாகிவிடும். எனவே, நான் முன்னுரிமையை உடலுக்காக மாற்றிக் கொண்டேன். உடல் நலக்குறைவிற்கு முன் 100 பிரச்சனைகள் இருக்கலாம். ஆனால் அதன் பிறகு ஒரே ஒரு பிரச்சனை என்றால் அதுதான் உடல்நலம்.. என் வாழ்க்கை தற்போது மிகவும் எளிமையானது. மிகக் குறைவான வேலை, சீரான தூக்கம், நல்ல உணவு, மற்றும் எனக்கு நம்பிக்கையூட்டும் மனிதர்கள் என்பவையே இன்று எனக்கு முக்கியமானவை" என்றார்.

இதையும் படிங்க: ‘பெத்தி’ படத்தில் ராம் சரணுடன் இணையும் நடிகை சமந்தா..! ஸ்பெஷல் பாடலுக்கு நடனமாடுவதாக தகவல்..!

இந்த விளக்கம், அவரது வாழ்க்கையில் நடந்த மனநிலை மாற்றங்களை வெளிப்படுத்துகிறது. சமந்தா தற்போது தன்னுடைய வாழ்வியலை மிகவும் எளிமையாக மாற்றியுள்ளார். அதன்படி, அவர் தற்போது படத் தேர்வுகளிலும் மிகுந்த கவனம் செலுத்தி வருகிறார். சரியான கதாபாத்திரங்கள், உடலுக்கு அழுத்தமில்லாத வேலை சூழ்நிலைகள், மற்றும் சிறந்த ஒத்துழைப்பு குழுக்கள் என்பவை அவரின் நிபந்தனைகளாக உள்ளன. இப்படியாக ஒரு பொது நபராகவும், பிரபலமாகவும், சமூக ஊடகங்களில் தொடர்ந்து வெளிச்சத்தில் இருப்பது சுலபம் அல்ல. ஆனாலும் சமந்தா, இக்கட்டான சூழ்நிலைகளை சமாளித்து, ஒரு முன்னுதாரணமாக தன்னை நிறுவியிருக்கிறார். அவர் தனது மனநலத்திற்கு முக்கியத்துவம் அளித்து, சில மருத்துவ சிக்கல்களை, மற்றும் தனிப்பட்ட வாழ்வின் மாற்றங்களை கடந்தும் தன்னைத்தானே நிலைநிறுத்திக் கொண்டிருக்கிறார். அதுமட்டுமல்லாமல் அவர் சமீபத்தில் ஓரிரு வெப் தொடர்களில் நடித்துள்ளார், மேலும், சில சர்வதேச திரைப்படங்களில் பங்கு பெறும் வாய்ப்புகளும் அவருக்கு வந்துள்ளதாக கூறப்படுகிறது. ஆனால் இப்போது எந்தப் படத்தையும் முடிவு செய்த பிறகே, அவர் உத்தியோகபூர்வமாக அறிவிக்க உள்ளார். " நான் செய்யும் ஒவ்வொரு திட்டமும் எனது உடலுக்கு ஏற்றது, மனநிலைக்கு உகந்தது என்பதையே முதலில் பார்க்கிறேன்" என்று அவர் ஆணித்தரமாக கூறியுள்ளார்.

ஆகவே நடிகை சமந்தா தனது வாழ்க்கையில் ஒரு புதிய கட்டத்திற்கு வந்திருக்கிறார். அவர் ஒவ்வொரு முடிவையும் மனதார எடுத்துக் கொள்வதும், உண்மையாக வாழ்வதும், இன்று நம்மை புரிந்துகொள்ளச் சொல்லும் மிக முக்கியமான பாடம். எனவே ஆரோக்கியம், நேர்மறை அணுகுமுறை மற்றும் உள்ளார்ந்த தெளிவு என இவை மூன்றும் சமந்தாவின் தற்போதைய வாழ்க்கையின் மையமாக உள்ளன. சினிமா உலகில் இன்னும் பல சாதனைகள் அவருக்காக காத்திருக்கின்றன என்பதில் சந்தேகமில்லை ..ஆனால் அதைவிட முக்கியமாக, அவர் வாழும் வழி, மற்றவர்களுக்கு ஒரு உந்துசக்தியாக இருக்கிறது.

இதையும் படிங்க: ஸ்லிம் லுக்கில் கலக்கும் நடிகை சமந்தா..! டயட் பற்றிய ரகசியங்களை சிதறவிட்ட "Neighbors".!