மிழ் சினிமாவில் 2026 பொங்கல் பண்டிகை, ரசிகர்களுக்கு மிகப் பெரிய திருவிழாவாக மாறும் சூழல் உருவாகியுள்ளது. காரணம், நடிகர் விஜய் நடிப்பில் உருவாகியுள்ள ‘ஜன நாயகன்’ திரைப்படம், பொங்கலை முன்னிட்டு ஜனவரி 9-ந்தேதி உலகமெங்கும் திரையரங்குகளில் வெளியாக இருப்பதாக அதிகாரப்பூர்வமாக அறிவிக்கப்பட்டுள்ளதே.

ஹெச். வினோத் இயக்கத்தில் உருவாகியுள்ள இந்த படம், விஜயின் கடைசி திரைப்படம் என கூறப்படுவதால், ஆரம்பத்திலிருந்தே இப்படத்தின் மீதான எதிர்பார்ப்பு வழக்கத்தை விட பல மடங்கு அதிகரித்துள்ளது. இப்படி இருக்க விஜயின் திரைப்பயணத்தில் ‘ஜன நாயகன்’ ஒரு முக்கியமான மைல்கல்லாக பார்க்கப்படுகிறது. பல ஆண்டுகளாக தமிழ் சினிமாவின் முன்னணி நட்சத்திரமாக வலம் வந்த விஜய், அரசியல் பயணத்திற்காக முழுமையாக தயாராகி வரும் நிலையில், அவரது இறுதி திரைப்படம் என்ற அடையாளம் இந்த படத்திற்கு கூடுதல் முக்கியத்துவத்தை வழங்கியுள்ளது.

இதனால், ரசிகர்கள் மட்டுமல்லாது பொதுமக்களும் இந்த படத்தை ஒரு சாதாரண திரைப்படமாக அல்லாமல், ஒரு சகாப்தத்தின் நிறைவு எனவே பார்க்க தொடங்கியுள்ளனர். இப்படத்தின் இசை வெளியீட்டு விழா சமீபத்தில் மலேசியாவில் பிரம்மாண்டமாக நடைபெற்றது.

இதையும் படிங்க: 2026 தளபதி கச்சேரி ஸ்டார்ட் தான் போலயே..! மலையாள நடிகரின் செயலே இப்படி ஆதாரமாக மாறிடுச்சே..!

வெளிநாட்டில் நடைபெற்ற இந்த இசை வெளியீட்டு விழா, உலகம் முழுவதும் உள்ள விஜய் ரசிகர்களை ஒரே இடத்தில் ஒன்றிணைத்தது. விழாவில் விஜய் பேசிய உரை, அவரது ரசிகர்களை உணர்ச்சிவசப்படுத்தியதுடன், சமூக வலைதளங்களிலும் வைரலானது. இசையமைப்பாளர் அனிருத் வழங்கிய பாடல்கள் ஏற்கனவே ரசிகர்களிடையே நல்ல வரவேற்பை பெற்றுள்ள நிலையில், திரைப்படம் மீதான எதிர்பார்ப்பு மேலும் உச்சத்தை எட்டியுள்ளது. இந்த நிலையில், பொங்கல் வெளியீடுகள் தொடர்பாக தற்போது ஒரு புதிய திருப்பம் ஏற்பட்டுள்ளது. ஏற்கனவே ‘ஜன நாயகன்’ திரைப்படத்துடன், சுதா கொங்கரா இயக்கத்தில் உருவாகியுள்ள ‘பராசக்தி’ திரைப்படமும் அதே நேரத்தில் வெளியாக இருப்பதாக தகவல்கள் வெளியாகியுள்ளன.

சிவகார்த்திகேயன், ரவி மோகன், அதர்வா ஆகியோர் நடித்துள்ள இந்த படம், உள்ளடக்க ரீதியாக வலுவானதாக இருக்கும் என்று கூறப்படுகிறது. இதனால், பொங்கல் பாக்ஸ் ஆபிஸில் கடும் போட்டி நிலவும் என எதிர்பார்க்கப்பட்டது. ஆனால், இந்த போட்டியை இன்னும் சுவாரஸ்யமாக மாற்றும் வகையில், தற்போது சன் பிக்சர்ஸ் நிறுவனம் ஒரு முக்கியமான திட்டத்தை கையில் எடுத்துள்ளதாக தகவல்கள் வெளியாகியுள்ளன. அதாவது, அஜித் நடித்த ‘மங்காத்தா’ திரைப்படத்தை, ‘ஜன நாயகன்’ படத்துக்கு போட்டியாக மீண்டும் திரையரங்குகளில் ரீ-ரிலீஸ் செய்ய திட்டமிட்டுள்ளதாக கூறப்படுகிறது.

இதனை உறுதிப்படுத்தும் விதமாக, சன் பிக்சர்ஸ் நிறுவனம் சமீபத்தில் ‘மங்காத்தா’ தொடர்பான ஒரு வீடியோவை வெளியிட்டு, அதில் “Stay Tuned” என்ற குறிப்பையும் சேர்த்துள்ளது. இதுவே, இந்த ரீ-ரிலீஸ் குறித்த வதந்திகளுக்கு மேலும் தீப்பொறி போட்டுள்ளது. வெங்கட் பிரபு இயக்கத்தில், நடிகர் அஜித்தின் 50-வது படமாக உருவான ‘மங்காத்தா’, 2011-ம் ஆண்டு வெளியாகி சூப்பர் ஹிட் அடித்த திரைப்படம். “குட் பேட் அக்லி” என்ற அஜித் கதாபாத்திரம், தமிழ் சினிமா ரசிகர்களிடையே இன்றும் பேசப்படும் ஒன்றாக உள்ளது.

யுவன் சங்கர் ராஜாவின் பின்னணி இசை, விறுவிறுப்பான திரைக்கதை, வித்தியாசமான கதைக்களம் ஆகியவை ‘மங்காத்தா’வை ஒரு கல்ட் கிளாசிக் படமாக மாற்றியது. அந்த படம் மீண்டும் திரையரங்குகளில் வெளியாகும் என்ற தகவலே, அஜித் ரசிகர்களிடையே பெரும் உற்சாகத்தை ஏற்படுத்தியுள்ளது. குறிப்பாக, சமீப காலமாக அஜித் ரசிகர்கள் புதிய திரைப்பட அப்டேட்கள் இல்லாமல் ஒரு வகையான வறட்சியை அனுபவித்து வந்தனர். ‘குட் பேட் அக்லி’க்கு பிறகு, அஜித்தின் அடுத்த படங்கள் குறித்து பெரிய அறிவிப்புகள் எதுவும் வெளியாகாத நிலையில், ‘மங்காத்தா’ ரீ-ரிலீஸ் அவர்களுக்கு ஒரு பெரிய விருந்தாக அமையும் என எதிர்பார்க்கப்படுகிறது.

ஏற்கனவே, அஜித்தின் ‘அட்டகாசம்’ படம் சமீபத்தில் ரீ-ரிலீஸ் செய்யப்பட்டு நல்ல வரவேற்பை பெற்றது. அதேபோல், ‘அமர்க்களம்’ திரைப்படமும் பிப்ரவரி மாதத்தில் மீண்டும் திரையரங்குகளில் வெளியாக உள்ளதாக அறிவிக்கப்பட்டுள்ளது. இந்த சூழலில், ‘மங்காத்தா’ ரீ-ரிலீஸ் செய்தி அஜித் ரசிகர்களை உற்சாகத்தில் ஆழ்த்தியுள்ளது. மற்றொரு பக்கம், விஜய் ரசிகர்கள் ‘ஜன நாயகன்’ திரைப்படத்தை ஒரு திருவிழாவாக கொண்டாட தயாராகி வருகின்றனர். கடைசி படம் என்ற காரணத்தால், உலகம் முழுவதும் உள்ள விஜய் ரசிகர்கள், முதல் நாள் முதல் காட்சி, சிறப்பு ஷோ, கட் அவுட், பாலாபிஷேகம் என அனைத்து வகையிலும் கொண்டாட்டத்திற்கு தயாராகி வருகின்றனர். இப்படத்திற்கு எதிராக ஒரு பெரிய ரீ-ரிலீஸ் படம் வருமா என்பது, தற்போது தமிழ் சினிமா வட்டாரத்தில் ஹாட் டாப்பிக்காக மாறியுள்ளது.

எனவே திரை உலகில் சமீப காலமாக ரீ-ரிலீஸ் கலாச்சாரம் மீண்டும் வலுப்பெற்று வருகிறது. பழைய ஹிட் படங்களை புதிய தொழில்நுட்பத்தில், 4K ரீமாஸ்டரிங் செய்து வெளியிடுவது, இன்றைய இளம் ரசிகர்களுக்கும், பழைய ரசிகர்களுக்கும் ஒரே நேரத்தில் ஒரு நொஸ்டால்ஜியா அனுபவத்தை வழங்குகிறது. அந்த வகையில், ‘மங்காத்தா’ போன்ற ஒரு படத்தை பொங்கல் சீசனில் ரீ-ரிலீஸ் செய்வது, வணிக ரீதியாகவும் ஒரு சவாலான ஆனால் சுவாரஸ்யமான முயற்சியாக பார்க்கப்படுகிறது. இப்போது அனைவரும் எதிர்பார்த்து காத்திருப்பது, சன் பிக்சர்ஸ் நிறுவனம் அதிகாரப்பூர்வமாக ‘மங்காத்தா’ ரீ-ரிலீஸ் குறித்த அறிவிப்பை வெளியிடுமா? என்பதே. இந்த அறிவிப்பு வெளியானால், 2026 பொங்கல் தமிழ் சினிமா வரலாற்றில் மறக்க முடியாத ஒரு போட்டி களமாக மாறும் என்பதில் சந்தேகம் இல்லை.

மொத்தத்தில், விஜயின் ‘ஜன நாயகன்’, சிவகார்த்திகேயனின் ‘பராசக்தி’, அதே நேரத்தில் அஜித்தின் ‘மங்காத்தா’ ரீ-ரிலீஸ் ஆகியவை ஒன்றாக சந்திக்கும் சூழல் உருவானால், அது ரசிகர்களுக்கு ஒரு விருந்தாகவும், தயாரிப்பாளர்களுக்கு ஒரு பெரிய சவாலாகவும் அமையும். யார் பாக்ஸ் ஆபிஸில் முன்னிலை பெறுவார்கள், எந்த படம் ரசிகர்களின் மனதை அதிகமாக கவரும் என்பதைக் காண, தமிழ் சினிமா உலகமே ஆவலுடன் காத்திருக்கிறது.

இதையும் படிங்க: ஜனநாயகன் படத்துக்கு இப்படி ஒரு சான்றிதழா..! தணிக்கைக்குழு இப்படி பண்ணிட்டிங்களே..!