தென்னிந்திய திரையுலகில் இரண்டு தசாப்தங்களுக்கும் மேலாக முன்னணி நடிகையாக தனது இடத்தை தக்கவைத்திருக்கும் திரிஷா கிருஷ்ணன், தற்போது மீண்டும் சமூக வலைத்தளங்களில் பேசுபொருளாகியுள்ளார். ஆனால் இந்த முறை காரணம் அவரது புதிய திரைப்படமோ, புகைப்படங்களோ அல்லது தனிப்பட்ட வாழ்க்கை குறித்த வதந்திகளோ அல்ல. பிரபல ஆடை விற்பனை நிறுவனத்தின் சேவையை கடுமையாக விமர்சித்து அவர் வெளியிட்டுள்ள இன்ஸ்டாகிராம் பதிவு இணையத்தில் வேகமாக பரவி வருகிறது.

திரிஷா தற்போது தனது திரைப்பயணத்தின் மிகவும் பிஸியான கட்டத்தில் இருக்கிறார். பல ஆண்டுகளாக முன்னணி நடிகையாக வலம் வரும் அவர், வயது என்பது வெறும் எண்ணிக்கை மட்டுமே என்பதை தனது திரைப்பயணத்தின் மூலம் நிரூபித்து வருகிறார். நாற்பதைக் கடந்த பிறகும் தொடர்ந்து முன்னணி நடிகர்களுடன் கதாநாயகியாக நடித்து வருவதோடு, புதிய தலைமுறை ரசிகர்களிடமும் அதே அளவிலான வரவேற்பைப் பெற்று வருகிறார்.

சிறிய கதாபாத்திரத்தில் தனது சினிமா வாழ்க்கையை தொடங்கிய திரிஷா, பின்னர் தமிழ் மற்றும் தெலுங்கு சினிமாவின் முன்னணி நடிகையாக உயர்ந்தார். இன்று வரை பல்வேறு தலைமுறைகளைச் சேர்ந்த முன்னணி நடிகர்களுடன் இணைந்து நடித்திருப்பது அவரது நீண்டகால வெற்றிக்கு சான்றாக பார்க்கப்படுகிறது. இன்றும் பெரிய படங்களின் கதாநாயகி தேர்வில் அவரது பெயர் இடம்பெறுவது, ரசிகர்களிடையே அவருக்கான வரவேற்பு குறையவில்லை என்பதையே காட்டுகிறது.

இதையும் படிங்க: FIFA போட்டியில் மியா கலிஃபா... ஆனால் இணையத்தை கலக்கியது 'லட்சுமி அம்மாள்' மீம்தான்..!! தமிழ்நாட்டு ரசிகர்களின் பதிவு வைரல்..!

கடந்த ஆண்டு அவர் நடித்த பல பெரிய படங்களில் சில எதிர்பார்த்த வெற்றியைப் பெறவில்லை என்றாலும், அவரது நடிப்பு மற்றும் திரை தோற்றம் ரசிகர்களிடம் நல்ல வரவேற்பைப் பெற்றது. அதனைத் தொடர்ந்து இந்த ஆண்டு வெளியான 'கருப்பு' திரைப்படம் மிகப்பெரிய வரவேற்பைப் பெற்று, வசூல் ரீதியாகவும் மிகப்பெரிய வெற்றியைப் பதிவு செய்ததாக கூறப்படுகிறது. அடுத்ததாக அவரது நடிப்பில் உருவாகியுள்ள 'விஸ்வம்பரா' திரைப்படம் அக்டோபர் 16-ஆம் தேதி வெளியாக உள்ளது. இதைத் தவிர தமிழ் மற்றும் தெலுங்கில் மேலும் சில முக்கியமான திரைப்படங்களிலும் அவர் ஒப்பந்தமாகியிருப்பதாக தகவல்கள் வெளியாகியுள்ளன.

திரைப்படங்களில் பிஸியாக இருந்தாலும், திரிஷாவின் பெயர் அவ்வப்போது சமூக வலைத்தளங்களில் பல்வேறு விவாதங்களிலும் இடம்பெற்று வருகிறது. குறிப்பாக நடிகர் விஜய் தொடர்பான வதந்திகள் வெளியாகும் போதெல்லாம் அவரது பெயரும் பேசப்படுவது வழக்கமாகி விட்டது. இருப்பினும், இதுபோன்ற விவாதங்கள் குறித்து திரிஷா எந்தவித கருத்தும் தெரிவிக்காமல் தனது பணிகளில் மட்டும் கவனம் செலுத்தி வருகிறார்.

இந்த நிலையில், அவர் தனது இன்ஸ்டாகிராம் ஸ்டோரியில் வெளியிட்ட பதிவு தற்போது அதிக கவனத்தை ஈர்த்துள்ளது. அதில் பிரபல ஆடை விற்பனை நிறுவனமான Zara-வை குறிப்பிட்டு, தொடர்ந்து ஏற்பட்ட மோசமான அனுபவம் குறித்து அவர் அதிருப்தியை வெளிப்படுத்தியுள்ளார்.

அந்த பதிவில், "வீட்டுக்கு டெலிவரி செய்யப்படும் ஆடைகளில் உடல் நாற்றம் வீசுகிறது. இந்த வாடை லேசாகக்கூட இல்லை. தொடர்ந்து மூன்றாவது முறையாக இதே பிரச்சனை நடக்கிறது. மிகவும் அருவருப்பாக இருக்கிறது. குறைந்தபட்சம் பேக் செய்வதற்கு முன்பு ஆடைகளை சரிபார்த்தாவது அனுப்புங்கள்" என்று கடுமையாக குறிப்பிட்டுள்ளார்.

ஒரு பிரபல நடிகை இவ்வாறு நேரடியாக ஒரு பெரிய ஆடை நிறுவனத்தின் சேவையை விமர்சித்திருப்பது சமூக வலைத்தளங்களில் பரபரப்பை ஏற்படுத்தியுள்ளது. குறிப்பாக, இது ஒரே முறை நடந்த சம்பவம் அல்ல, தொடர்ந்து மூன்றாவது முறையாக இதே பிரச்சினை ஏற்பட்டதாக அவர் குறிப்பிட்டிருப்பது பலரது கவனத்தை ஈர்த்துள்ளது.

திரிஷாவின் இந்த பதிவு வெளியாகிய சில நிமிடங்களிலேயே அது பல்வேறு சமூக வலைத்தளங்களில் வைரலாக பரவியது. பலரும் அவரது பதிவை பகிர்ந்து, தங்களுக்கும் இதே போன்ற அனுபவங்கள் ஏற்பட்டதாக கருத்து தெரிவித்து வருகின்றனர். சிலர், ஆன்லைன் மூலம் வாங்கப்படும் ஆடுகள் சில நேரங்களில் திருப்பி அனுப்பப்பட்ட பொருட்களாக இருக்கக்கூடும் என்பதால், நிறுவனங்கள் தரக் கட்டுப்பாட்டை இன்னும் தீவிரப்படுத்த வேண்டும் என்று கருத்து பதிவிட்டு வருகின்றனர்.

மற்றொரு தரப்பினர், உலகளவில் பிரபலமான நிறுவனமாக இருந்தாலும், வாடிக்கையாளர்களின் புகார்களை மிகவும் தீவிரமாக எடுத்துக்கொண்டு விரைவாக நடவடிக்கை எடுக்க வேண்டும் என்றும் கூறி வருகின்றனர். குறிப்பாக, பிரபலங்கள் மட்டுமல்லாமல் சாதாரண வாடிக்கையாளர்களும் இதுபோன்ற பிரச்சினைகளை சந்தித்தால், அதற்கான தீர்வை நிறுவனங்கள் உடனடியாக வழங்க வேண்டும் என்பதும் இணையத்தில் பேசப்படும் முக்கிய கருத்தாக உள்ளது.

திரிஷா பொதுவாக தனது தனிப்பட்ட கருத்துகளை மிகக் குறைவாகவே சமூக வலைத்தளங்களில் பகிர்வார். ஆனால், ஒரு சேவையில் ஏற்பட்ட அதிருப்தியை வெளிப்படையாக பகிர்ந்திருப்பது அவரது ரசிகர்களிடையே கவனத்தை ஈர்த்துள்ளது. அவரது இந்த பதிவு வெளியாகிய பிறகு, சம்பந்தப்பட்ட நிறுவனம் இதுகுறித்து விளக்கம் அளிக்குமா அல்லது வாடிக்கையாளர் புகாருக்கு பதிலளிக்குமா என்ற எதிர்பார்ப்பும் எழுந்துள்ளது.

திரைப்படங்களில் தொடர்ந்து வெற்றிகரமாக பயணித்து வரும் திரிஷா, இந்த முறை தனது நடிப்பால் அல்ல, ஒரு நுகர்வோராக தனது அனுபவத்தை வெளிப்படையாக பகிர்ந்ததன் மூலம் சமூக வலைத்தளங்களில் பேசுபொருளாகியுள்ளார். அவரது பதிவு தற்போது இணையத்தில் வைரலாக பரவி வரும் நிலையில், ஆடை நிறுவனத்தின் அடுத்தகட்ட நடவடிக்கை என்னவாக இருக்கும் என்பதையும் ரசிகர்கள் ஆர்வத்துடன் கவனித்து வருகின்றனர்.

இதையும் படிங்க: 'தாய் கிழவி' பாடலுக்கு க்யூட்டாக Dance..!! விருது மேடையில் கீர்த்தி சுரேஷ் - ராதிகா செய்த சர்ப்ரைஸ்... குஷியில் ரசிகர்கள்..!