ஜனநாயகன் படம் லீக்..!! குற்றவியல் நடவடிக்கை தான்..! படக்குழு எச்சரிக்கை..!!

தமிழ் சினிமாவின் மிகவும் எதிர்பார்க்கப்பட்ட திரைப்படமான ஜனநாயகன் விஜய்யின் கடைசி படமாக கருதப்படும் நிலையில், அதன் முழு படம் இணையத்தில் வெளியானதாக கூறப்படுவது பெரும் பரபரப்பை ஏற்படுத்தியுள்ளன. 

ஜனநாயகன் திரைப்படம் இயக்குநர் எச். வினோத் இயக்கத்தில் விஜய் நடிப்பில் உருவாகியுள்ளது. பூஜா ஹெட்ச், மமிதா பைஜு உள்ளிட்டோர் முக்கிய வேடங்களில் நடித்துள்ள இப்படம், விஜய்யின் அரசியல் பயணத்திற்கு முன் அவரது இறுதி திரைப்படமாக பேசப்படுகிறது. கடந்த ஜனவரி 9 அன்று உலகம் முழுவதும் வெளியிட திட்டமிடப்பட்டிருந்த இப்படம், சென்சார் சான்றிதழ் பிரச்சினை காரணமாக தாமதமாகி வருகிறது. தணிக்கை வாரியம் சில காட்சிகளை நீக்குமாறு அறிவுறுத்தியதால், படக்குழு நீதிமன்றத்தை நாடிய நிலையில், தமிழ்நாடு சட்டமன்றத் தேர்தல் காரணமாகவும் வெளியீடு ஒத்திவைக்கப்பட்டுள்ளது.

இந்த நிலையில், ஏப்ரல் 9 அன்று இரவு, சமூக ஊடகங்களில் படத்தின் சுமார் ஐந்து நிமிட காட்சிகள் கசிந்து பரவத் தொடங்கின. இந்தக் காட்சிகளில் படத்தின் டைட்டில் கிரெடிட்ஸ், விஜய்யின் அறிமுக காட்சி, சிறைச்சாலை அமைப்பில் அவர் ஷவல் வைத்திருக்கும் பகுதி, அவரது சிறப்பு ஸ்டைலில் நடக்கும் சண்டை காட்சி மற்றும் “தளபதி கச்சேரி” பாடலின் ஒரு பகுதி ஆகியவை அடங்கியுள்ளன. ஐந்து நிமிட கிளிப் மட்டும் இல்லாது முழு படமும் இணையதளத்தில் வெளியாகி படக்குழு மற்றும் ரசிகர்களுக்கு அதிர்ச்சியை ஏற்படுத்தியது.

இதையும் படிங்க: சென்னை ஏர்போர்ட்டில் திரிஷா..!! விஜய் பற்றி எழுந்த கேள்வி..!! சட்டென வந்த ரியாக்ஷன்..!! வைரல் வீடியோ..!!

இந்த நிலையில், சட்டவிரோதமாக பரப்பும் நபர்கள் மீது தீவிர நடவடிக்கை மேற்கொள்ளப்படும் என்று படக்குழு எச்சரிக்கை விடுத்துள்ளது. காட்சிகள் அல்லது படத்தை டவுன்லோட் செய்தாலோ பகிர்ந்தாலோ கடும் நடவடிக்கை மேற்கொள்ளப்படும் என்று எச்சரிக்கை விடுக்கப்பட்டுள்ளது ஒவ்வொரு நபர் மீதும் சட்டரீதியாக நடவடிக்கை மேற்கொள்ளப்படும் என்றும் தெரிவிக்கப்பட்டுள்ளது. மிக தீவிர நடவடிக்கை மேற்கொள்ளப்படும் என்று கூறியுள்ள பட குழு குற்றவியல் நடவடிக்கை மேற்கொள்வோம் என்றும் தெரிவித்துள்ளது. பலநூறு கோடி ரூபாய் செலவில் உருவாக்கியுள்ள திரைப்படம் ஜனநாயகன் என்ற பட குழு வேதனை தெரிவித்துள்ளது. 

இதையும் படிங்க: மமிதா பைஜுவையே இம்ப்ரஸ் செஞ்சிட்டாராமே தனுஷ்..! காரணம்.. படப்பிடிப்பு தளத்தில நடந்த சம்பவமாம் - நடிகை பளிச் பேச்சு..!