தமிழக வெற்றிக் கழகத் தலைவர் விஜய் மற்றும் அவரது மனைவி சங்கீதா இடையிலான விவாகரத்து விவகாரம் அரசியல் ரீதியாக திசைமாறியுள்ளது. சங்கீதாவை குறிவைத்துச் சமூக வலைதளங்களில் த.வெ.க தொண்டர்கள் நடத்தி வரும் இழிவானத் தாக்குதல்களை அனைத்திந்திய ஜனநாயக மாதர் சங்கம் கடுமையாக கண்டித்துள்ளது.

விவாகரத்து கோரி நீதிமன்றத்தை நாடுவது ஒரு பெண்ணின் தனிப்பட்ட மற்றும் அடிப்படை மனித உரிமை. ஆனால், த.வெ.க தொண்டர்கள் சங்கீதாவின் தனிப்பட்ட வாழ்க்கையைப் பொதுச் சொத்தாகக் கருதி, ஆபாசமானப் பதிவுகள் மற்றும் கேலிச் சித்திரங்கள் மூலம் வன்முறையைப் பரப்பி வருகின்றனர். இது கருத்துச் சுதந்திரம் அல்ல, பெண்களுக்கு எதிரான டிஜிட்டல் வன்முறை" என மாதர் சங்கம் சாடியுள்ளது.

ஒரு நடிகராக இருந்தபோது இது அவரது தனிப்பட்ட விஷயமாக இருந்திருக்கலாம்; ஆனால், ஒரு அரசியல் கட்சித் தலைவராகத் தனது பெயரைப் பயன்படுத்தி ஒரு பெண் இழிவுபடுத்தப்படுவதை விஜய் மௌனமாகப் பார்ப்பது அந்தச் செயல்களுக்கு அவர் அளிக்கும் மறைமுக ஒப்புதலாகவே பார்க்கப்படும் என்று அறிக்கை சுட்டிக்காட்டுகிறது.

இதையும் படிங்க: தனிப்பட்ட வாழ்க்கையை அரசியலுடன் ஒப்பிடக்கூடாது..!! விஜய்-சங்கீதா DIVORCE விவகாரத்தில் நடிகை குஷ்பு பரபரப்பு கருத்து..!!

தன் தொண்டர்களைக் கட்டுப்படுத்தத் தவறுவது ஒரு தலைவரின் சமூகப் பொறுப்பற்றத் தன்மையைக் காட்டுகிறது. அவதூறு பரப்புபவர்கள் மீது த.வெ.க தலைமை உடனடியாகக் கட்சி ரீதியான நடவடிக்கை எடுக்க வேண்டும் என வலியுறுத்தப்பட்டுள்ளது.

சமூக வலைதளங்களில் பரவும் இத்தகைய ஆபாசப் பதிவுகளைத் தடுத்து நிறுத்தி, சம்பந்தப்பட்டவர்கள் மீது காவல்துறையின் சைபர் குற்றப்பிரிவு கடுமையான நடவடிக்கை எடுக்க வேண்டும் என்றும் மாதர் சங்கம் கோரிக்கை விடுத்துள்ளது.

கடந்த பிப்ரவரி 24-ம் தேதி, செங்கல்பட்டு குடும்ப நல நீதிமன்றத்தில் சங்கீதா விவாகரத்து மனு தாக்கல் செய்திருந்தார். இதில் தனது கணவருக்கு ஒரு நடிகையுடன் இருக்கும் தொடர்பே பிரிவிற்குக் காரணம் எனக் குறிப்பிட்டிருந்தது ரசிகர்களிடையே பெரும் அதிர்ச்சியை ஏற்படுத்தியது. இதனைத் தொடர்ந்து த.வெ.க தலைமை தனது நிர்வாகிகளைச் சமூக வலைதளங்களில் இருந்து விலகி இருக்குமாறு உத்தரவிட்டுள்ள நிலையிலும், தற்போதையத் தாக்குதல்கள் தொடர்ந்து வருகின்றன.

இதையும் படிங்க: திருமணத்திற்கு புறம்பான உறவுதான் காரணம்...! விஜய் விவாகரத்து வழக்கில் சங்கீதாவின் பகீர் குற்றச்சாட்டுகள்!