ஆம்ஸ்ட்ராங் கொலை வழக்கு: சிபிஐ விசாரணைக்கு உத்தரவு.. சென்னை ஐகோர்ட் பரபரப்பு தீர்ப்பு!

பகுஜன் சமாஜ் கட்சியின் முன்னாள் தமிழ்நாடு மாநிலத் தலைவரான ஆம்ஸ்ட்ராங்கின் படுகொலை வழக்கில், விசாரணையை மத்தியப் புலனாய்வு அமைப்பான சி.பி.ஐ.யிடம் ஒப்படைக்க வேண்டும் எனக் கோரிய மனு, சென்னை உயர்நீதிமன்றத்தில் தீவிர விவாதத்திற்கு உள்ளாகியுள்ளது. இந்த வழக்கின் விசாரணையில் மாநிலக் காவல்துறையின் அலட்சியம் காரணமாக அரசியல் தொடர்புகள் மறைக்கப்படுவதாகக் குற்றம் சாட்டப்பட்டுள்ளது.

கடந்த 2024ம் ஆண்டு ஜூலை 5ஆம் தேதி, சென்னையில் தனது வீட்டருகே சரமாரியாக வெட்டப்பட்டதில் 40 வயதான ஆம்ஸ்ட்ராங் உயிரிழந்தார். பட்டியலினத் தலைவராகவும், தலித் உரிமைகளுக்காகப் போராடியவராகவும் அறியப்பட்ட அவர், பகுஜன் சமாஜ் கட்சியின் முக்கியப் பிரமுகராக இருந்தார். இந்தக் கொலை, தமிழ்நாட்டில் தொடரும் அரசியல் வன்முறைகளின் ஒரு பகுதியாகக் கருதப்படுகிறது.

இதையும் படிங்க: அஜித் கொலை வழக்கு! குற்றப்பத்திரிகையில் குறை… திருப்பி அனுப்பப்பட்ட அதிர்ச்சி சம்பவம்

இந்த வழக்கில் இதுவரை 27 பேர் கைது செய்யப்பட்டு சிறையில் அடைக்கப்பட்டுள்ளனர். ஆனால் உண்மையான சதி தொடர்புடையோர் இன்னும் புலப்படவில்லை என்கிறது குடும்பம். இதனையடுத்து ஆம்ஸ்ட்ராங்கின் சகோதரர் கீனோஸ் மற்றும் மனைவி தாக்கல் செய்த மனுவில், "மாநிலக் காவல்துறை அரசியல் செல்வாக்கால் சுதந்திரமாக விசாரிக்க முடியாது. பல முக்கிய அரசியல் கட்சிகளுக்கு இந்தக் கொலைக்குத் தொடர்பு இருப்பதாகத் தகவல்கள் உள்ளன. குற்றவாளிகளை முழுமையாகக் கைது செய்ய தவறியுள்ளனர்" என வாதிடப்பட்டது.

இந்த மனு, கடந்த ஜூலை 3ஆம் தேதி நீதிபதிகள் கிருஷ்ணகுமார், பி.பி.பாலாஜி அமர்வில் விசாரிக்கப்பட்டது. நீதிமன்றம், காவல்துறையைப் பொறுத்து முதலில் நடவடிக்கை எடுக்க உத்தரவிட்டது. பின்னர் ஜூலை 28ஆம் தேதி தீர்ப்பு ஒத்திவைக்கப்பட்டது, ஆனால் ஆகஸ்ட் 4ஆம் தேதி, தமிழ்நாடு அரசு மற்றும் காவல்துறை ஆகஸ்ட் 20 வரை பதில் அளிக்க உத்தரவிடப்பட்டது.

இதற்கிடையில், பாஜக தலைவர் அண்ணாமலை, "ஆம்ஸ்ட்ராங்குக்கு நியாயம் கிடைக்க தேசிய அளவில் போராட்டம் நடத்துவோம். சி.பி.ஐ. விசாரணை அவசியம்" என அறிவித்தார். பகுஜன் சமாஜ் தேசியத் தலைவர் மாயாவதி, "தமிழ்நாட்டில் சட்டம் ஒழுங்கு இல்லை. உண்மையான குற்றவாளிகள் இன்னும் கைது செய்யப்படவில்லை" என மாநில அரசை விமர்சித்தார்.

இந்நிலையில் ஆம்ஸ்ட்ராங் கொலை வழக்கை சிபிஐ விசாரணைக்கு மாற்றம் செய்து சென்னை உயர்நீதிமன்ற நீதிபதி பரபரப்பு உத்தரவை பிறப்பித்துள்ளார். இன்று இந்த வழக்கு விசாரணைக்கு வந்த நிலையில், உயர்நீதிமன்ற நீதிபதி இதற்கான உத்தரவை பிறப்பித்தார். அதில், “ஆம்ஸ்ட்ராங் கொலை வழக்கை சிபிஐ விசாரணைக்கு மாற்றுகிறேன். இந்த வழக்கு தொடர்பான அனைத்து ஆவணங்களையும் காவல்துறை சிபிஐயிடம் உடனே ஒப்படைக்க வேண்டும்.

அது கிடைக்கப்பெற்ற நாளில் இருந்து 6 மாதத்திற்குள் வழக்கை விசாரித்து குற்றப்பத்திரிகையை சிபிஐ தாக்கல் செய்ய வேண்டும்” என்று நீதிபதி தனது உத்தரவில் தெரிவித்துள்ளார். இந்த வழக்கு, தமிழ்நாட்டில் அரசியல் கொலைகளுக்கு எதிரான சட்ட அமலிப்பை சோதிக்கும் தேர்வாக அமைந்துள்ளது. சி.பி.ஐ. விசாரணை ஆரம்பித்ததும், உண்மை வெளியாகும் என எதிர்பார்க்கப்படுகிறது. 

இதையும் படிங்க: ஊட்டி, கொடைக்கானல் லிஸ்டில் இப்போ வால்பாறை.. சுற்றுலாப் பயணிகள் ஷாக்..!!