தமிழ்நாடு சட்டமன்றத்தில் 2027ஆம் ஆண்டு நடைபெறவுள்ள மக்கள்தொகை கணக்கெடுப்பில் சாதி விவரங்களைப் பதிவு செய்யும் முறையை மாற்றக் கோரி தனித்தீர்மானம் தாக்கல் செய்யப்பட்டுள்ளது. பிற்படுத்தப்பட்டோர் நலத்துறை அமைச்சர் சம்பத்குமார் இந்தத் தீர்மானத்தை முன்மொழிந்தார். மத்திய அரசு அறிவித்துள்ள திறந்தவெளி முறையைக் கைவிட்டு, மத்திய மற்றும் மாநில அரசுகளால் அங்கீகரிக்கப்பட்ட பிற்படுத்தப்பட்டோர், மிகவும் பிற்படுத்தப்பட்டோர், சீர்மரபினர் உள்ளிட்ட அனைத்து சாதிகளின் பெயர்களையும் கணக்கெடுப்பு செயலியில் முன்கூட்டியே பதிவேற்றம் செய்து, அந்தப் பட்டியலிலிருந்தே விவரங்களைச் சேகரிக்க வேண்டும் என மத்திய அரசை வலியுறுத்துவதே இந்தத் தீர்மானத்தின் உள்ளடக்கம்.

மத்திய அரசு சாதிவாரி கணக்கெடுப்பை மக்கள்தொகை கணக்கெடுப்புடன் இணைத்து நடத்த முடிவு செய்துள்ள நிலையில், சாதி விவரங்களைப் பதிவு செய்ய திறந்தவெளி வடிவத்தைத் தேர்ந்தெடுத்துள்ளது. இந்த முறையில் எண்ணிடுபவர்கள் பொதுமக்கள் கூறும் சாதிப் பெயரை அப்படியே பதிவு செய்வார்கள். முன்கூட்டியே தயாரிக்கப்பட்ட பட்டியல் அல்லது தரப்படுத்தப்பட்ட மெனு எதுவும் இருக்காது. இந்த அணுகுமுறை குளறுபடிகளுக்கும் தரவுகளின் தவறான விளக்கங்களுக்கும் வழிவகுக்கும் என்ற கவலை பரவலாக எழுந்துள்ளது.

பல்வேறு உச்சரிப்புகள், உபசாதிப் பெயர்கள், உள்ளூர் பெயர்கள் ஆகியவை காரணமாக லட்சக்கணக்கான வேறுபட்ட பதிவுகள் உருவாகலாம். இதனால் உண்மையான சாதி எண்ணிக்கையைக் கண்டறிவது கடினமாகி, சமூக நீதித் திட்டங்களை வகுப்பதற்கான நம்பகமான தரவுகள் கிடைக்காமல் போகும் அபாயம் உள்ளது.இத்தகைய குறைபாடுகள் இடஒதுக்கீட்டுக் கொள்கைகளை உருவாக்குவதையும், பிற்படுத்தப்பட்ட மற்றும் மிகவும் பிற்படுத்தப்பட்ட சமூகங்களின் உண்மையான எண்ணிக்கை மற்றும் அவர்களது கல்வி, பொருளாதார, சமூக நிலைமைகளை அறிந்துகொள்வதையும் பாதிக்கும். 1931க்குப் பிறகு முழுமையான சாதிவாரி கணக்கெடுப்பு நடத்தப்படும் இந்த வாய்ப்பைச் சரியாகப் பயன்படுத்தாவிட்டால், ஆயிரக்கணக்கான கோடி ரூபாய் செலவும், லட்சக்கணக்கான அரசு ஊழியர்களின் உழைப்பும் வீணாகும் என்ற எச்சரிக்கைகளும் எழுந்துள்ளன.

இதையும் படிங்க: பேரவையில் திமுகவினர் அமளி..! சபாநாயகர் இருக்கை முற்றுகை. !! குண்டுக்கட்டாக வெளியேற்றம்..!!

மத்திய மற்றும் மாநில அரசுகளின் அதிகாரப்பூர்வ சாதிப் பட்டியல்களை ஒருங்கிணைத்து, மக்கள் அதிலிருந்து தங்கள் சாதியைத் தேர்ந்தெடுக்கும் வசதியை வழங்கினால் மட்டுமே துல்லியமான தரவுகள் கிடைக்கும் என்பதே தமிழக அரசின் நிலைப்பாடு.தமிழ்நாடு நீண்டகாலமாக சாதிவாரி கணக்கெடுப்பை வலியுறுத்தி வருகிறது. சமூக நீதியை உறுதிசெய்யவும், ஒவ்வொரு சமூகத்திற்கும் உரிய விகிதாச்சார பிரதிநிதித்துவம் கிடைக்கவும் நவீன தரவுகள் அவசியம் என்பதே அதன் கருத்து. மத்திய அரசின் கணக்கெடுப்பு முடிந்த பிறகு மாநில அளவில் சமூக நீதி கணக்கெடுப்பு நடத்தப்படும் என்றும் அரசு தெரிவித்துள்ளது. ஆனால் அடி ப்படைத் தரவுகள் தவறாகிவிட்டால், அந்த முயற்சியும் பயனற்றதாகிவிடும்.அமைச்சர் சம்பத்குமார் முன்மொழிந்த தீர்மானம், மத்திய அரசுடன் கலந்தாலோசித்து மாநிலங்களின் சாதிப் பட்டியல்களைச் சேகரித்து, அவற்றை கணக்கெடுப்பு முறையில் இணைக்க வேண்டும் என வலியுறுத்துகிறது. 

இதையும் படிங்க: சட்டப்பேரவை நிகழ்வுகள் தொடக்கம்... கடைசி நாள்... சூடுபிடிக்கும் மானியக் கோரிக்கை விவாதம்..!!