வங்கதேசத்தின் இடைக்கால அரசு, தனது நாட்டின் நீர் மேலாண்மை, நதி அமைப்புகளை ஒழுங்கமைக்க 50 ஆண்டுகால மாஸ்டர் பிளானை தயாரிக்க சீனாவிடம் கோரிக்கை விடுத்துள்ளது. வங்காளதேச அரசின் இந்த அண்டை நாடுகளின் புவிசார் அரசியல் சமன்பாடுகளில் புதிய பரபரப்பை ஏற்படுத்தியுள்ளது. குறிப்பாக இந்தப் பகுதியில் நீர் பாதுகாப்பு குறித்து ஏற்கனவே விழிப்புடன் இருக்கும் இந்தியாவிற்கு அதிர்ச்சியை ஏற்படுத்தி உள்ளது.
பிரம்மபுத்திரா நதி, சீனாவின் திபெத், இந்தியா மற்றும் வங்காளதேசம் வழியாகப் பாய்கிறது. இது நீண்ட காலமாக சீனாவின் நீர் திட்டங்களின் மையமாக இருந்து வருகிறது. சமீப ஆண்டு காலமாக சீனா பிரம்மபுத்திரா நதியில் பெரிய அளவிலான நீர்மின்சார, நீர்வளத் திட்டங்களை மேற்கொண்டுள்ளது. இது இந்தியா - வங்காளதேசம் ஆகிய இரு நாடுகளுக்கும் கவலையை ஏற்படுத்தியுள்ளது.
பிரம்மபுத்திராவின் குறுக்கே சீனா கட்டும் அணைகள், நீர்மின் திட்டங்கள் இந்தியாவின் வடகிழக்கு மாநிலங்களில் நீர் ஓட்டத்தையும் சுற்றுச்சூழல் சமநிலையையும் பாதிக்கக்கூடும் என்று இந்தியா குறிப்பாக கவலை கொண்டுள்ளது. சீனாவால் கட்டுப்படுத்தப்படும் நீர் ஓட்டம், வங்கதேசத்தை அடைவதற்கு முன்பு, அசாம், அருணாச்சலப் பிரதேசம் போன்ற இந்திய மாநிலங்களைப் பாதிக்கலாம்.
இதையும் படிங்க: உக்ரைன் போர்.. ஐ.நாவுக்கு ஐடியா சொன்ன புதின்..!
வங்காளதேசம், சீனாவிடமிருந்து 50 ஆண்டு நீர் மேலாண்மை மாஸ்டர் பிளானை கேட்டுள்ளது. இது இந்தியாவிற்கு ஒரு முக்கிய கவலையாக மாறக்கூடும். சீனா ஏற்கனவே வங்காளதேசத்தில் பல உள்கட்டமைப்பு, நீர் திட்டங்களில் முதலீடு செய்து வருகிறது. இதன் மூலம் இந்தப் பகுதியில் தனது பிடியை வலுப்படுத்துகிறது. வங்கதேசத்தின் நீர்வள மேலாண்மையில் சீனா முக்கிய பங்கு வகித்தால், அது இந்தியாவின் நீர் ராஜதந்திரத்தையும் முக்கிய நலன்களையும் பாதிக்கக்கூடும்.
டீஸ்டா நதி நீரைப் பகிர்ந்து கொள்வது தொடர்பாக இந்தியாவிற்கும், வங்கதேசத்திற்கும் இடையே ஏற்கனவே வேறுபாடுகள் உள்ளன. சீனாவின் அதிகரித்து வரும் ஈடுபாடு இந்தப் பிரச்சினையை மேலும் சிக்கலாக்கும். வங்கதேசம் சீனாவை அதிகமாகச் சார்ந்து இருந்தால், அது இந்தியாவிற்கும், வங்கதேசத்திற்கும் இடையிலான நீர் ஒப்பந்தங்களையும் பாதிக்கலாம். இருந்தபோதும், இந்தியா இந்த விவகாரத்தை உன்னிப்பாகக் கண்காணித்து வருகிறது.
இதையும் படிங்க: 100 ஆண்டுகளுக்கு ஒருமுறை நிகழும் சூரிய கிரகணம்.. தப்பிக்கூட இதை செய்யாதீங்க..!