உலகம் முழுவதும் உள்ள இஸ்லாமியர்களால் கொண்டாடப்படும் மிகவும் முக்கியமான பண்டிகைகளில் ஒன்றாக பக்ரீத் திருநாள் உள்ளது.

இஸ்லாமியர்களால் ஒவ்வொரு ஆண்டும் கொண்டாடப்படும் மிக முக்கியமான பண்டிகைகளில் ஒன்றாக பக்ரீத் எனப்படும் ஈகை திருநாள் உள்ளது. இந்த நாளில் இஸ்லாமியர்கள் அதிகாலையில் எழுந்து குளித்து, புத்தாடை அணிந்து, சிறப்பு தொழுகையில் ஈடுபடுவர். தொடர்ந்து ஆடுகளை பலியிட்டு உணவை அக்கம்பக்கத்தினருக்கும் கொடுத்து மகிழ்ச்சியை பகிர்ந்துகொள்வர். இதற்காக புத்தாடைகளை வாங்குவது, உணவிற்கான ஆடுகளை வாங்குவது என தமிழ்நாடு முழுவதும் வியாபாரம் களைகட்டியது.

இறைவனுக்காக மகனையே பலியிடத் துணியும் அளவுக்கு இஸ்லாமியர்களுக்கு இறைபக்தி உண்டு என்பதையே இத்திருவிழா நினைவூட்டுகிறது. தியாகத்தை போற்றுவதே இத்திருநாளின் நோக்கமாகும். இறைத்தூதர் என நம்பப்படும் இப்ராஹிம் நபிக்கு நீண்ட நாள் காத்திப்புக்குப் பிறகு ஒரு ஆண் குழந்தை பிறந்தது. இஸ்மாயில் என பெயர் சூட்டப்பட்ட அந்த குழந்தை வளர்ந்து வந்த நிலையில், இப்ராஹிமின் கனவில் வந்த இறைவன், அந்த குழந்தையை அறுத்து தனக்கு பலியிட வேண்டுமென கட்டளையிட்டார்.

இதையும் படிங்க: களைகட்டப்போகும் பக்ரீத் பண்டிகை: மதுரையில் ரூ.4 கோடிக்கு ஆடுகள் விற்பனை..!!

பெரும் பாசத்துடன் வளர்த்த குழந்தையானாலும், இறைவனின் ஆணையை நிறைவேற்றுவதற்காக குழந்தையை இப்ராஹிம் பலி கொடுக்க முயன்றுள்ளார். அப்போது இறைவன் அங்கு தோன்றி குழந்தையை அகற்றி அந்த இடத்தில் ஒரு ஆட்டை வைத்து அதனை பலியிடுமாறு வலியுறுத்தியதாக நம்பப்படுகிறது. அந்த இப்ராஹிமின் தியாகத்தை போற்றும் விதமாகவே ஒவ்வொரு ஆண்டும் அரபி மாதமான துல்ஹஜ் 10-ஆம் நாளில் பக்ரீத் கொண்டாடப்படுகிறது.

இந்த நன்நாளில் அரசியல் கட்சி தலைவர்கள் இஸ்லாமியர்களுக்கு தங்களது மகிழ்ச்சி நிறைந்த வாழ்த்துகளை பகிர்ந்து வருகின்றனர். முதலமைச்சரும், தவெக தலைவருமான விஜய், தனது சோசியல் மீடியா பக்கத்தில் பக்ரீத் நல்வாழ்த்துகளை பகிர்ந்துள்ளார். தியாகம், கருணை, சமத்துவம், மனிதநேயம் ஆகியவற்றை மனித குலத்திற்குப் போதிக்கும் ஈகை பெருநாளான பக்ரீத் திருநாளைக் கொண்டாடும் அன்பிற்கினிய இஸ்லாமிய உறவுகள் அனைவருக்கும் நல்வாழ்த்துகள். இப்பெருநாளில் உலகம் எங்கும் அன்பு, சகோதரத்துவம், மத நல்லிணக்கம் தழைத்தோங்கிட அனைவரும் உறுதியேற்போம் என பதிவிட்டுள்ளார். 

இதையும் படிங்க: இன்னைக்கும் கிடையாதாமே?... விஜய்க்கு ‘நோ’ சொன்ன அமித் ஷா... நடந்தது என்ன?