கடந்த 2026 சட்டமன்றத் தேர்தல் மாபெரும் வெற்றிக்குப் பின் இரண்டு மாதங்கள் கழித்துத் தனது சொந்தத் தொகுதியான சென்னை பெரம்பூருக்கு முதல்முறையாக வருகை தந்துள்ள தமிழக முதலமைச்சரும் தவெக தலைவருமான விஜய் அவர்கள், அங்குத் தனது புதிய சட்டமன்ற உறுப்பினர் (MLA) அலுவலகத்தை இன்று  மிக விமர்சையாகத் திறந்து வைத்துள்ளார்.

தமிழகத்தில் தவெக அரசு புதிய உள்கட்டமைப்பு மற்றும் மக்கள் நலத் திட்டங்களுடன் தனது நிர்வாகப் பயணத்தைத் தொடர்ந்து வரும் நிலையில், முதலமைச்சர் விஜய் அவர்கள் தனது சொந்தத் தொகுதி மக்களுக்கான தேவைகளை உடனுக்குடன் பூர்த்தி செய்யும் நோக்கில் இந்தத் தொகுதி அலுவலகத்தைத் திட்டமிட்டிருந்தார். இந்த விமர்சையான திறப்பு விழா நிகழ்ச்சியில் பங்கேற்பதற்காக பெரம்பூர் நோக்கிப் புறப்பட்ட முதலமைச்சர் விஜய்யை வரவேற்க, சென்னை மாநகரச் சாலைகளின் இருபுறங்களிலும் லட்சக்கணக்கான பொதுமக்கள் திரளாகத் திரண்டு நின்று பரபரப்பை ஏற்படுத்தினர். சாலையோரம் திரண்டு நின்ற மக்கள் அனைவரும் தங்களது அன்பின் அடையாளமாக முதலமைச்சரின் வாகனத்தின் மீது வண்ண மலர்களைத் தூவி, 'மக்களின் முதல்வர்' என விண்ணதிர உற்சாக முழக்கங்களை எழுப்பினர். இந்த அசுர மக்கள் வரவேற்பை ஏற்றுக்கொண்ட முதலமைச்சர் விஜய், வாகனத்திலிருந்து முகமலர்ச்சியுடன் பொதுமக்களை நோக்கித் தனது கைகளை அசைத்தபடி கம்பீரமாகத் தொகுதி அலுவலகத்திற்குள் என்ட்ரி கொடுத்தார்.

பெரம்பூர் சட்டமன்றத் தொகுதி அலுவலகத்தை முறைப்படி நாடா வெட்டித் திறந்து வைத்த முதலமைச்சர் விஜய், அதன் உள்கட்டமைப்பு வசதிகள் மற்றும் செயல்பாட்டுத் தளங்களை முழுமையாகப் பார்வையிட்டு ஆய்வு செய்தார். இந்த அலுவலகத்தின் மிக முக்கியத்  அம்சமாக, தொகுதி மக்கள் தங்களது அரசு சார்ந்த சான்றிதழ்கள் மற்றும் பல்வேறு நுகர்வோர் தேவைகளை ஒரே இடத்தில் உடனடியாகப் பெற்றுக்கொள்ளும் வகையில் அமைக்கப்பட்டுள்ள 'பொது இ-சேவை மையத்தையும்' (E-Sevai Maiyam) அவரே திறந்து வைத்தார். தொகுதி மக்கள் தங்களது குறைகளைத் தங்குதடையின்றித் தன்னிடம் நேரடியாகத் தெரிவிப்பதற்கான உள்கட்டமைப்பு வழிமுறைகளைச் சீரமைக்க வேண்டும் என்று அங்கிருந்த அதிகாரிகளிடம் அவர் தெரிவித்தார். 

இதையும் படிங்க: தஞ்சை நெல் மூட்டை விபத்தில் பெண் பலி! முதல்வர் விஜய் 3 லட்சம் ரூபாய் நிதியுதவி அறிவிப்பு!

இதையும் படிங்க: "அப்பா அதிமுக... பெரியப்பா திமுக..."பாரம்பரிய அரசியல் வாரிசை தவெக-வுக்கு இழுத்த முதலமைச்சர் விஜய்!