கட்டுப்பாட்டை இழந்து அந்தமான் கடலில் விழுந்த ஹெலிகாப்டர்!! கடலில் தத்தளித்த பயணிகள்!!

அந்தமான் நிக்கோபார் தீவுகளில் சுற்றுலா ஹெலிகாப்டர் சேவை இயக்கும் மத்திய பொதுத்துறை நிறுவனமான பவன் ஹன்ஸ் இன்று காலை பெரும் அதிர்ச்சி அளிக்கும் சம்பவத்தை சந்தித்தது. போர்ட் பிளேர் அருகே உள்ள ஸ்ரீ விஜயபுரத்தில் இருந்து மாயாபந்தர் தீவுக்கு செல்லும் வழியில், பயணிகள் 5 பேர், பைலட் 2 பேர் என மொத்தம் 7 பேருடன் சென்ற ஹெலிகாப்டர் கட்டுப்பாட்டை இழந்து கடலில் விழுந்தது.

இன்று காலை 9:30 மணியளவில் புறப்பட்ட இந்த ஹெலிகாப்டர், மாயாபந்தர் அருகே நடுக்கடலில் திடீரென கோளாறு ஏற்பட்டு விழுந்ததாக தகவல்கள் தெரிவிக்கின்றன. விபத்து நடந்த சில நிமிடங்களிலேயே அந்தமான் போலீசார், கடற்படை மீட்புக் குழு, கடலோர காவல்படை ஆகியவை உடனடியாக சம்பவ இடத்துக்கு சென்றன. நடுக்கடலில் தத்தளித்த பயணிகள் மற்றும் பைலட்களை உடனடியாக மீட்டனர்.

மீட்கப்பட்ட 7 பேரும் படகுகள் மூலம் கரைக்கு கொண்டு வரப்பட்டு, உடனடியாக மருத்துவமனையில் சேர்க்கப்பட்டனர். மருத்துவ பரிசோதனையில் அனைவருக்கும் உயிருக்கு ஆபத்து இல்லை என்று அதிகாரிகள் உறுதி செய்துள்ளனர். சிறிய காயங்கள் மட்டுமே ஏற்பட்டுள்ளதாகவும், அவர்கள் தற்போது கண்காணிப்பில் உள்ளதாகவும் தெரிவிக்கப்பட்டுள்ளது.

இதையும் படிங்க: ரூ.1.45 கோடியில் வள்ளுவர் சிலை வெள்ளிவிழா நினைவு வளைவு..!! திறந்து வைத்து சிறப்பித்த முதல்வர் ஸ்டாலின் ..!!

பவன் ஹன்ஸ் நிறுவனம் வெளியிட்ட அறிக்கையில், "ஹெலிகாப்டர் தொழில்நுட்ப கோளாறு காரணமாக கடலில் தரையிறங்கியது. பயணிகள் மற்றும் குழுவினர் அனைவரும் பாதுகாப்பாக மீட்கப்பட்டுள்ளனர். சம்பவம் குறித்து விசாரணை நடத்தப்படும்" என்று தெரிவித்துள்ளது. விபத்து காரணம் குறித்து DGCA (இயக்குநரகம் பொது சிவில் விமான போக்குவரத்து) விசாரணை தொடங்கியுள்ளது.

அந்தமான் தீவுகளில் தீவுகளுக்கு இடையேயான சுற்றுலா ஹெலிகாப்டர் சேவை மிகவும் பிரபலம். சுற்றுலாப் பயணிகள் அதிகம் வரும் காலத்தில் இதுபோன்ற சேவைகள் அதிகரிக்கின்றன. இந்த சம்பவம் அங்கு சுற்றுலா செல்லும் பயணிகளிடையே சிறிது அச்சத்தை ஏற்படுத்தியுள்ளது. ஆனால் அனைவரும் பத்திரமாக மீட்கப்பட்டது பெரும் நிம்மதியை அளித்துள்ளது.

இதுபோன்ற சம்பவங்கள் அரிதானவை என்றாலும், ஹெலிகாப்டர் பாதுகாப்பு குறித்து மீண்டும் விவாதத்தை எழுப்பியுள்ளது. பயணிகள் அனைவரும் நலமுடன் இருப்பதே இப்போதைய மிகப்பெரிய நிவாரணம்.

இதையும் படிங்க: லஞ்ச ஒழிப்பு துறையில் குவியும் புகார்கள்! 390 வழக்குபதிவு! 222 பேர் அதிரடி கைது!