பேரறிவாளன் வழக்கறிஞரா..? “கருப்பு நாள்”… ! காங். எம்.பி சுதா விமர்சனம்..!

முன்னாள் பிரதமர் ராஜீவ் காந்தி கொலை வழக்கில் குற்றம்சாட்டப்பட்டு 31 ஆண்டுகளுக்கு மேல் சிறையில் அடைக்கப்பட்டிருந்த ஏ.ஜி. பேரறிவாளன், 2022ஆம் ஆண்டு மே 18ஆம் தேதி உச்ச நீதிமன்றத்தால் விடுதலை செய்யப்பட்டார். அந்த நீண்ட சிறைவாசத்துக்குப் பிறகு அவர் ஒரு புதிய பயணத்தைத் தொடங்கியுள்ளார். 2026ஆம் ஆண்டு ஏப்ரல் 27ஆம் தேதி, சென்னை உயர்நீதிமன்ற வளாகத்தில் நடைபெற்ற தமிழ்நாடு மற்றும் புதுச்சேரி பார் கவுன்சிலின் பதிவு நிகழ்ச்சியில் அவர் வழக்கறிஞராக அதிகாரப்பூர்வமாகப் பதிவு செய்யப்பட்டார்.

இந்த நிகழ்ச்சியில் அவருடன் சுமார் 1,250 பேர் வழக்கறிஞர்களாகப் பதிவு செய்து உறுதிமொழி ஏற்றுக்கொண்டனர். பேரறிவாளன் இப்போது 54 வயதாகிறார். சிறையில் இருந்தபோதே அவர் கல்வியைத் தொடர்ந்து, இந்திரா காந்தி தேசிய திறந்த பல்கலைக்கழகத்திலிருந்து பி.சி.ஏ. மற்றும் எம்.சி.ஏ. பட்டங்களைப் பெற்றார். மேலும் பல டிப்ளமா படிப்புகளையும் முடித்தார்.

விடுதலைக்குப் பிறகு அவர் கர்நாடகாவில் உள்ள டாக்டர் பி.ஆர். அம்பேத்கர் சட்டக் கல்லூரியில் சட்டப் படிப்பை சேர்ந்து 2025ஆம் ஆண்டு முடித்தார். அதனைத் தொடர்ந்து அகில இந்திய வழக்கறிஞர் தேர்வையும் வெற்றிகரமாகத் தேர்ச்சி பெற்றார். இதன் மூலம் தமிழ்நாடு மற்றும் புதுச்சேரி பார் கவுன்சிலில் பதிவு செய்ய அவருக்கு தகுதி கிடைத்தது.

இதையும் படிங்க: வழக்கறிஞராகப் பதிவு செய்தார் பேரறிவாளன்! 31 ஆண்டு சிறைவாசத்திற்குப் பின் நீதிமன்றத்தில் புதிய தொடக்கம்!

இந்த நிலையில் பேரறிவாளன் வழக்கறிஞராக பதிவு செய்திருப்பதை காங்கிரஸ் எம்.பி. சுதா விமர்சனம் செய்துள்ளார். பேரறிவாளன் பார் கவுன்சிலில் வழக்கறிஞராக பதிவு செய்தநாள் ஒரு கருப்பு நாள் என்றும் அவரை வழக்கறிஞராக பதிவு செய்த பார் கவுன்சில் உறுப்பினர்களை வன்மையாக கண்டிக்கிறேன் என்று தெரிவித்தார். வழக்கறிஞராக பதிவு செய்யப்பட்டதை திரும்பப் பெற வேண்டும் கருணை மனு மூலம்தான் அவர் விடுதலையாகி உள்ள நிலையில், அவரை வழக்கறிஞராக பதிவு செய்தது பார் கவுன்சில் விதிகளுக்கு எதிரானது என்றும் காங்கிரஸ் எம்.பி சுதா தெரிவித்தார்.

இதையும் படிங்க: மகளை பாலியல் வன்கொடுமை செய்து சீரழித்த தந்தை! தூக்கு தண்டனையை ஆயுள் தண்டனையாக மாற்றிய ஐகோர்ட்!