தமிழ்நாட்டின் அரசியல் களத்தில் 2026 சட்டமன்றத் தேர்தல் அணுகி வருவதை அடுத்து, ஆளும் திராவிட முன்னேற்றக் கழகம் தனது ஆதரவை இன்னும் வலுப்படுத்தி வருகிறது. திமுக, மீண்டும் ஆட்சியைத் தக்கவைக்கும் என்று கட்சியின் முதன்மைத் தலைவர்கள் உறுதியாகப் பேசுகின்றனர். குறிப்பாக, திமுக எம்பிக்கள் மற்றும் எம்எல்ஏக்கள் இந்தத் தேர்தலில் தங்கள் கட்சி தனிப்பெரும்பான்மையுடன் வெற்றி பெறும் என்பதில் முழு நம்பிக்கையுடன் உள்ளனர். 

திமுக தலைவர் மற்றும் முதலமைச்சர் மு.க. ஸ்டாலின், கட்சியின் பல்வேறு கூட்டங்களிலும், பொது மன்றங்களிலும் 2026 தேர்தலில் திமுகவின் வெற்றியை உறுதிப்படுத்தி வருகிறார். திமுகவின் ஆட்சியில் மக்கள் நலத் திட்டங்கள், பெண்களுக்கு இலவச பேருந்துப் பயணம், மாதம் ரூ.1000 நிதி உதவி போன்றவை மக்களின் வாழ்க்கையை மேம்படுத்தியுள்ளதாகவும், இதனால் 2026ல் மீண்டும் ஆட்சி அமைவதென்பது தவிர்க்க முடியாதது என்றும் முதலமைச்சர் கூறி வருகிறார். இந்த உறுதி மொழிகளுக்கு ஆதரவாக, திமுக எம்பிக்கள் மற்றும் எம்எல்ஏக்கள் தங்கள் கருத்துகளைத் தொடர்ந்து பகிர்ந்து வருகின்றனர். 

திமுக மூத்த தலைவர்கள், திமுகவின் வரலாற்று வெற்றிகளை நினைவூட்டி, 2021ல் 133 இடங்களை வென்றதுபோல் 2026ல் அதற்கும் மேல் சாதனை படைப்போம் என்பதை வலியுறுத்துகின்றனர். திமுகவின் அனுபவமே வெற்றியை தேடித்தரும் என்றும் கூறி வருகின்றனர்.

இதையும் படிங்க: சந்தோஷம்.. அந்த மாதிரி ஆளுங்க தமிழ்நாட்டுல இல்ல! பிச்சு உதறிய கனிமொழி..!

இந்த நிலையில் எத்தனை போட்டி வந்தாலும் 2026-ல் திமுக கூட்டணி தான் மாபெரும் வெற்றி பெறும் என்று தேனி நாடாளுமன்ற உறுப்பினர் தங்க தமிழ்ச்செல்வன் உறுதியளித்தார். உசிலம்பட்டியில் செய்தியாளர்களை சந்தித்த அவர், இரண்டாவது முறையாக தமிழ்நாட்டின் முதலமைச்சராக ஸ்டாலின் தான் வருவார் என்றும் திட்டவட்டமாக கூறினார்.

இதையும் படிங்க: மணிப்பூர் சென்ற பிரதமர் மோடி.. விமர்சித்த திமுக எம்.பி கனிமொழி..! பரபர பதிவு..!!