தமிழக சட்டமன்றத் தேர்தல் 2026 களம் இப்போதே தீவிரமடைந்து வரும் நிலையில், ஆளும் திராவிட முன்னேற்றக் கழகம் (திமுக) வெளியிடவுள்ள தேர்தல் அறிக்கை அரசியல் அரங்கில் பெரும் அதிர்வை ஏற்படுத்தும் என எதிர்பார்க்கப்படுகிறது. 

மும்முனைப் போட்டி நிலவும் இந்தத் தேர்தலில் – திமுக தலைமையிலான இந்தியா கூட்டணி, அதிமுக-பாஜக கூட்டணி, நடிகர் விஜய் தலைமையிலான தமிழக வெற்றிக் கழகம் – திமுக தனது அடுத்த ஐந்தாண்டு லட்சியத் திட்டங்களை மிகப் பிரம்மாண்டமாக தயார் செய்து வருகிறது.

தேர்தல் அறிக்கையை மக்கள் பங்களிப்புடன், நவீன தொழில்நுட்பத்தைப் பயன்படுத்தி உருவாக்கும் வகையில், திமுக ஒரு பிரத்யேக AI (செயற்கை நுண்ணறிவு) அடிப்படையிலான இணையதளம் (tnmanifesto.ai) மற்றும் மொபைல் செயலியை அறிமுகப்படுத்தியுள்ளது. 

இதையும் படிங்க: தேமுதிக பக்கா ப்ளான்!! கூட்டணி அறிவிக்காததன் அசத்தல் பின்னணி! யாருக்கு கல்தா?!

இதன் மூலம் பொதுமக்கள் தங்கள் கருத்துகள், கோரிக்கைகள், பரிந்துரைகளை நேரடியாக பதிவு செய்யலாம். இந்த முயற்சியை திமுக துணைப் பொதுச்செயலாளரும் நாடாளுமன்றக் குழுத் தலைவருமான கனிமொழி கருணாநிதி தலைமையிலான உயர்மட்டக் குழு முன்னெடுத்து வருகிறது. இக்குழுவில் திமுகவின் முக்கிய தலைவர்களான டி.கே.எஸ்.இளங்கோவன், பி.டி.ஆர்.பழனிவேல் தியாகராஜன், டி.ஆர்.பி.ராஜா, எம்.எம்.அப்துல்லா, கான்ஸ்டன்டைன் ரவீந்திரன், எழிலன் நாகநாதன், கார்த்திகேய சிவசேனாபதி, ஆ.தமிழரசி ரவிக்குமார் எம்எல்ஏ உள்ளிட்டோர் இடம்பெற்றுள்ளனர்.

இந்தக் குழு தற்போது தமிழகத்தின் 38 மாவட்டங்களிலும் சுற்றுப்பயணம் மேற்கொண்டு, தொழிற்சங்கங்கள், விவசாயிகள் அமைப்புகள், இளைஞர் அணிகள், கூட்டணிக் கட்சிகள் (காங்கிரஸ், விசிக உள்ளிட்டவை) ஆகியவற்றுடன் ஆழமான ஆலோசனைகளை நடத்தி வருகிறது. மக்களின் உண்மையான தேவைகளை அடிப்படையாகக் கொண்டு அறிக்கையை வடிவமைப்பதே இதன் நோக்கம். 

இது "போட்டி அரசியலும் கவர்ச்சிகரமான வாக்குறுதிகளும்" நிறைந்த தேர்தல் களத்தில் திமுகவின் நேர்மையான, மக்கள் நலன் சார்ந்த அணுகுமுறையை வெளிப்படுத்துவதாக கட்சி வட்டாரங்கள் தெரிவிக்கின்றன.

அதிமுக தரப்பில் மகளிர் உரிமைத் தொகையை ₹2,000-ஆக உயர்த்துவதாக அறிவித்துள்ள நிலையில், திமுக தனது முத்திரைத் திட்டமான கலைஞர் மகளிர் உரிமைத் தொகையை இன்னும் விரிவுபடுத்தி, பல மடங்கு பலன்களை வழங்கும் அதிரடித் திட்டங்களை தயார் செய்து வருவதாக தகவல்கள் வெளியாகியுள்ளன. 

மேலும், சமூக நீதி, சாதி வாரி கணக்கெடுப்பு, திராவிட மாடல் விரிவாக்கம், மாநில உரிமைகள், ஆளுநர் அதிகாரக் குறைப்பு, மாநில சுயாட்சி, NEP-க்கு மாற்றான மாநிலக் கல்விக் கொள்கை, பொருளாதார வளர்ச்சி தொடர்பான தீர்க்கமான அறிவிப்புகள் ஆகியவை அறிக்கையில் இடம்பெறும் என எதிர்பார்க்கப்படுகிறது.

முதலமைச்சர் மு.க.ஸ்டாலின் இதை "இரட்டை எஞ்சின்" முழக்கத்திற்கு எதிரான கருத்தியல் போர் என்று வர்ணித்துள்ளார். மத்திய அரசின் தடைகளை மீறி தமிழக வளர்ச்சியை முன்னெடுத்ததாகவும், 2021 வாக்குறுதிகளில் 90%க்கும் மேல் நிறைவேற்றப்பட்டதாகவும் கூறி, 200-க்கும் மேற்பட்ட தொகுதிகளை கைப்பற்றுவதே இலக்கு என தொண்டர்களை உற்சாகப்படுத்தியுள்ளார்.

 2021 தேர்தல் அறிக்கை அந்தத் தேர்தலின் 'ஹீரோ' ஆனது போல, இம்முறை வெளிவரவுள்ள அறிக்கை பிளாக்பஸ்டர் ஆகி, வாரக்கணக்கில் தலைப்புச் செய்திகளில் நீடிக்கும் என திமுக மூத்த நிர்வாகி ஒருவர் நம்பிக்கை தெரிவித்துள்ளார்.

இன்னும் சில வாரங்களில் வெளியாகவுள்ள இந்த அதிரடி அறிக்கை தமிழக அரசியலை முழுமையாக திமுகவைச் சுற்றியே சுழல வைக்கும் என்பது உறுதி. மக்கள் பங்களிப்புடன் உருவாகும் இந்த அறிக்கை, தேர்தல் களத்தில் பெரும் தாக்கத்தை ஏற்படுத்தும் என அரசியல் வட்டாரங்கள் கருதுகின்றன.

இதையும் படிங்க: திமுகவை டீலில் விட்டு விஜய்க்கு டிக் அடித்த தேமுதிக!! பிரேமலதா சொன்ன முக்கிய மேட்டர்!!