அரசியல் களத்தில் புது வரவான தவெக, புதுச்சேரி அரசியலில் தடம் பதிக்கத் தீவிர முயற்சி மேற்கொண்டு வருகிறது.

முன்னணி நடிகரான விஜய்யின் மக்கள் செல்வாக்கைப் பயன்படுத்திக் கொள்ளும் நோக்கில், அவரது கட்சியான தவெக சார்பில் டிசம்பர் 5ஆம் தேதி புதுச்சேரியில் பிரமாண்டமான 'ரோடு ஷோ' நடத்தத் திட்டமிடப்பட்டது. இதற்காக, அதிகாரிகளிடம் ஏற்கெனவே இரண்டு முறை அனுமதி கோரப்பட்ட நிலையில், பல்வேறு காரணங்களைக் கூறி அனுமதி மறுக்கப்பட்டது.

இதையும் படிங்க: புதுச்சேரியில் விஜய்யின் ரோடு ஷோவுக்கு நோ பர்மிஷன்..!! போலீஸ் அதிரடி..!!

இந்நிலையில், டிசம்பர் 5ஆம் தேதி விஜய் 'ரோடு ஷோ' நடத்த அனுமதி கோரி தவெக சார்பில் இன்று மூன்றாவது முறையாக அதிகாரிகள் மட்டத்தில் மீண்டும் மனு தாக்கல் செய்யப்பட்டுள்ளது. தொடர்ச்சியான அனுமதி மறுப்புக்கு மத்தியிலும், தவெக தரப்பு விடாப்பிடியாக அனுமதி கேட்டு வருவது புதுச்சேரி அரசியல் வட்டாரத்தில் பெரும் பரபரப்பையும், சலசலப்பையும் ஏற்படுத்தியுள்ளது. மூன்றாவது முறையாக மனு அளிக்கப்பட்ட நிலையில், இதற்கு அதிகாரிகள் மட்டம் என்ன முடிவு எடுக்கப்போகிறது என்ற எதிர்பார்ப்பு எழுந்துள்ளது.

இதையும் படிங்க: புதுச்சேரியில் விஜய்யின் ரோடு ஷோவுக்கு நோ பர்மிஷன்..!! போலீஸ் அதிரடி..!!