அமெரிக்கா, கனடா போன்ற நாடுகளில் நிறைய வேலைவாய்ப்பு கிடைக்கும். சிறப்பான வாழ்க்கையை அமைத்துக் கொள்ள முடியும் என இந்தியர்கள் பலர் எண்ணுகின்றனர். அது அவ்வளவு எளிதான விஷயம் இல்லை என்பதை கனடாவில் வசிக்கும் ஒரு இந்திய பெண் இன்ஸ்டா வீடியோ மூலம் வெளிப்படுத்தி இருக்கிறார். அவருடைய பெயர் கனுபிரியா. வீடியோவில் அவர் கூறியிருப்பதாவது:

இந்தியர்கள் பலர் கனடாவில் நல்ல வேலை, கை நிறைய சம்பளம் கிடைக்கும் என்று நினைக்கிறார்கள். அவர்களுக்கு இந்த வீடியோவை காட்டுங்கள். 5 அல்லது 6 இடங்கள் மட்டுமே உள்ள ஒரு சாதாரண இன்டர்ன்ஷிப் வேலைக்கு இவ்வளவு நீண்ட வரிசையில் நிற்கிறார்கள். அதைப் பாருங்கள். இதுதான் கனடாவின் யதார்த்தம். இதற்கு தயாராக இருந்தால் மட்டும் கனடாவுக்கு வாங்க. இல்லை என்றால் இந்தியாவே சிறந்தது என இருந்துவிடுங்கள் என்று கனுபிரியா கூறி உள்ளார்.

அவருடைய இந்த வீடியோ பலருடைய மனங்களைத் தொட்டிருக்கிறது. விவாதங்களையும் உருவாக்கி இருக்கிறது. கனடாவின் அனைத்து நகரங்களிலும் இதே நிலைதான் என ஒருவர் அந்தப் பெண்ணின் வீடியோவுக்கு கருத்து தெரிவித்துள்ளார். உண்மையைச் சொன்னதற்கு நன்றி என மற்றொருவர் கூறி உள்ளார். கனடா வாய்ப்புகளுக்கான தேசம் என பலரும் நினைக்கிறார்கள். ஆனால் எதார்த்தத்தைப் பார்த்தால் தான் உண்மை புரியும் என இன்னொருவர் தெரிவிக்கிறார்.

இதையும் படிங்க: 20 ஆண்டுகளுக்கு பின் இந்திய பிரதமரின் முதல் விசிட்.. 4 நாட்கள் பயணத்தில் மோடி செய்யப்போவது இதுதான்..!

வெளிநாடுகளில் வாழ்க்கை என்பது பலருக்கும் கனவாகவே இருக்கும். ஆனால் சில நேரங்களில் அது இப்படி வெறும் நீண்ட வரிசையாகக்கூட இருக்கும்.

இது சர்வதேச மாணவர்களிடையே வேலைவாய்ப்புக்கான கடுமையான போட்டியை எடுத்துக்காட்டுகிறது. வெளிநாடுகள் ஏராளமான வேலைவாய்ப்புகளையும் சிறந்த வாழ்க்கை முறையையும் உத்தரவாதம் அளிக்கின்றன என்று இந்தியர் பலர் பொதுவான நினைக்கிறார்கள்.

இங்குள்ள நிலைமையை பார்த்தால் உங்களுக்கே புரியும், வெளிநாடு சென்றுள்ளவர்கள் வேலைக்கு எப்படி காத்திருக்கிறார்கள் என்று தெரியும். இது கனடாவின் யதார்த்தம். நீங்கள் இதற்குத் தயாராக இருந்தால், கனடாவுக்கு வாருங்கள் ,இல்லையெனில் இந்தியா சிறந்தது என்பது புரியும் என தெரிவித்துள்ளார். கனடாவின் பல நகரங்களிலும் இதே நிலைமை இருப்பதாக நெட்டிசன்கள் பலரும் இணையத்தில் கருத்து பதிவிட்டு வருகின்றனர்.

இதையும் படிங்க: 6 ஆண்டுகளில் முதன்முறை.. G7 மாநாட்டை புறக்கணிக்கும் மோடி.. கனடாவில் காத்திருக்கும் ஆபத்து..!