இஸ்ரேல் பிரதமருக்கு என்ன ஆச்சு?! மருத்துவமனையில் அனுமதி!! நெதன்யாகு அலுவலகம் அதிகாரப்பூர்வ அறிவிப்பு!

ஜெருசலேம்: இஸ்ரேல் பிரதமர் பெஞ்சமின் நெதன்யாகு மருத்துவமனையில் அனுமதிக்கப்பட்டுள்ளார். இஸ்ரேல், அமெரிக்கா - ஈரான் இடையேயான போர் பதற்றம் உச்சத்தில் இருக்கும் நிலையில், 76 வயதான பிரதமரின் உடல்நிலை குறித்த தகவல் பெரும் கவனத்தை ஈர்த்துள்ளது.

இஸ்ரேல் பிரதமர் அலுவலகம் அதிகாரப்பூர்வமாக வெளியிட்ட அறிக்கையில், “பிரதமர் பெஞ்சமின் நெதன்யாகு திங்கள்கிழமை மாலை ஹடாசா ஐன் கெரெம் மருத்துவமனையில் அனுமதிக்கப்பட்டார். அங்கு அவருக்கு பல் சிகிச்சை அளிக்கப்படுகிறது” என்று தெரிவிக்கப்பட்டுள்ளது.

நெதன்யாகு கடந்த மாதம் தனது உடல்நிலை குறித்து பொதுமக்களுக்கு விளக்கம் அளித்திருந்தார். புராஸ்டேட் புற்றுநோயால் பாதிக்கப்பட்டதாகவும், தற்போது முழுமையாக குணமடைந்துவிட்டதாகவும் அவர் அப்போது தெரிவித்தார்.

இதையும் படிங்க: பேச்சுவார்த்தை தோல்வி அடைந்தால்!! அமெரிக்கா கடுமையான நடவடிக்கை எடுக்கக்கூடும்! ட்ரம்ப் வார்னிங்!!

ஈரான் போர் பிரசாரத்துக்கு தனது உடல்நிலை தகவலை பயன்படுத்திக் கொள்ளக்கூடும் என்பதால் சில காலம் மறைத்து வைத்ததாகவும் அவர் கூறியிருந்தார். 2024 டிசம்பரில் ஹடாசா மருத்துவமனையிலேயே புராஸ்டேட் புற்றுநோய்க்கான அறுவை சிகிச்சை செய்யப்பட்டதாக மருத்துவ அறிக்கையும் வெளியிடப்பட்டது.

இதற்கு முன்பு 2023 ஜூலையில் இதய அறுவை சிகிச்சை மூலம் பேஸ்மேக்கர் பொருத்தப்பட்டது. 2024 மார்ச் மாதம் குடல் இறக்க அறுவை சிகிச்சையும் செய்யப்பட்டது. இவ்வளவு அறுவை சிகிச்சைகளுக்குப் பிறகும் தொடர்ந்து பிரதமராக செயல்பட்டு வரும் நெதன்யாகுவின் உடல்நிலை குறித்து இஸ்ரேல் உள்நாட்டிலும் சர்வதேச அளவிலும் கவனம் செலுத்தப்பட்டு வருகிறது.

தற்போதைய ஈரான் மோதல் நிலையில் பிரதமரின் மருத்துவ அனுமதி பல்வேறு ஊகங்களுக்கு வழிவகுத்துள்ளது. இருப்பினும், பல் சிகிச்சைக்காக மட்டுமே அனுமதிக்கப்பட்டதாக அதிகாரப்பூர்வ தகவல் தெரிவிக்கப்படுகிறது. நெதன்யாகுவின் உடல்நிலை விரைவில் சீரடைய வேண்டும் என்று அவரது ஆதரவாளர்கள் பிரார்த்தனை செய்து வருகின்றனர்.

இஸ்ரேல் அரசியலில் நீண்ட காலமாக ஆதிக்கம் செலுத்தி வரும் நெதன்யாகு, தற்போது உள்நாட்டு அரசியல் நெருக்கடி மற்றும் வெளியுறவுக் கொள்கை சவால்களுக்கு மத்தியில் தனது உடல்நிலையையும் சமாளித்து செயல்பட்டு வருகிறார். அவரது மருத்துவ அனுமதி இஸ்ரேல் அரசியல் மற்றும் சர்வதேச அரங்கில் புதிய விவாதங்களை ஏற்படுத்தியுள்ளது.

இதையும் படிங்க: அதிபர் பதவி முடிந்ததும் இஸ்ரேல் பிரதமராக போட்டியிடுவேன்! பகீர் பற்ற வைத்த ட்ரம்ப்! நெதன்யாகு நிலை?!