ஈரானின் அதிரடி தாக்குதல்.. நிலைகுலைந்த அமெரிக்க போர் விமானங்கள்! டிரம்பிற்கு அதிர்ச்சி..!!

மத்திய கிழக்கில் அமெரிக்காவுக்கும் ஈரானுக்கும் இடையேயான பதற்றம் தொடர்ந்து தீவிரமடைந்து வருகிறது. போர்நிறுத்தம் அறிவிக்கப்பட்டாலும் இருதரப்பினரும் மாறி மாறி தாக்குதல் நடத்தி வருகின்றனர். சமீபத்தில் அமெரிக்கப் படைகள் ஈரானின் எண்ணெய் கப்பல்கள் மீது தாக்குதல் நடத்தி சிலவற்றை மூழ்கடித்தன. இதனால் ஈரான் கடும் கோபமடைந்து பதிலடி தாக்குதலைத் தொடங்கியுள்ளது.

இந்நிலையில், ஜோர்தானில் உள்ள முவாஃபக் சால்டி விமானப்படைத் தளத்தை நோக்கி ஈரான் திடீரென குறிவைத்துத் தாக்கியது. இந்தத் தளத்தில் அமெரிக்கா டஜன் கணக்கான போர் விமானங்களை நிறுத்தி வைத்துள்ளது. இங்கு நிறுத்தப்பட்டிருந்த ஏ-10 வார்தாக் (Warthog) போர் விமானத்தின் இறக்கை துண்டிக்கப்படும் அளவுக்கு கடும் சேதம் ஏற்பட்டது. 

அதேபோல் எஃப்-15எஸ் ரக எட்டு விமானங்களும் லேசான சேதத்தைச் சந்தித்தன.அமெரிக்க முன்னணி ஊடகமான சிபிஎஸ் நிருபர் ஜெனிபர் ஜேக்கப் தனது எக்ஸ் பக்கத்தில் இதனை உறுதிப்படுத்தியுள்ளார். அவர் குறிப்பிட்டபடி, “ஜோர்தானில் உள்ள முவாஃபக் சால்டி தளம் மீதான ஈரானின் தாக்குதலில் அமெரிக்க போர் விமானங்கள் சேதமடைந்தன. ஏ-10 விமானத்தின் இறக்கை பாதிக்கப்பட்டது. சுமார் எட்டு எஃப்-15எஸ் விமானங்களும் சிறிய சேதத்தை அடைந்தன.” 

இதையும் படிங்க: "போரில் தலையிடாதீங்க... மீறி தலையிட்டால்...” - ஐரோப்பிய நாடுகளுக்கு பறந்த எச்சரிக்கை... கொந்தளிப்பில் ஈரான்...!

மேலும், இந்த தாக்குதலுக்குப் பதிலடியாக ஜோர்தானில் உள்ள அமெரிக்கப் படைகள் 30-க்கும் மேற்பட்ட பேட்ரியாட் ஏவுகணைகளை ஏவின. இந்த இரவு நேர மோதலுக்கு முக்கிய காரணம், ஈரான் முதலில் அமெரிக்கக் கடற்படைக் கப்பலை குறிவைத்ததுதான். அதற்குப் பதிலடியாக அமெரிக்கா ஈரானின் நான்கு எண்ணெய் கப்பல்களை அழித்தது. ஈரானின் புரட்சிகர காவல்படையினர் பின்னர் எட்டு எண்ணெய் கப்பல்கள் மற்றும் இரண்டு போர்க்கப்பல்கள் மீது தாக்குதல் நடத்தியதாக அறிவித்தனர்.

ஜோர்தானுக்கும் அமெரிக்காவுக்கும் இடையே நெருங்கிய இராணுவ உறவு உள்ளது. முவாஃபக் சால்டி தளம் அமெரிக்க விமானப்படையின் முக்கிய தளங்களில் ஒன்றாகச் செயல்படுகிறது. ஈரானின் இந்த நேரடித் தாக்குதல் அமெரிக்காவுக்கு அதிர்ச்சியை அளித்துள்ளதோடு, இரு நாடுகளுக்கிடையேயான பதற்றத்தை மேலும் அதிகரித்துள்ளது. மத்திய கிழக்குப் பிராந்தியத்தில் அமைதி மீண்டும் சீர்குலைந்து வருவதாக பாதுகாப்பு நிபுணர்கள் எச்சரிக்கின்றனர்.

இந்த நிகழ்வுகள் பிராந்திய அமைதிக்கும் சர்வதேச எண்ணெய் விநியோகத்துக்கும் பெரும் அச்சுறுத்தலாக மாறியுள்ளன. இருதரப்பினரும் மேலும் தீவிர நடவடிக்கைகளைத் தவிர்த்து, பேச்சுவார்த்தை மூலம் பதற்றத்தைக் குறைக்க வேண்டும் என சர்வதேச சமூகம் அழைப்பு விடுத்துள்ளது.

இதையும் படிங்க: அமெரிக்க மியாமியில் சரக்கு விமானம் விபத்து! சாலையில் பாய்ந்து தீப்பிடித்ததில் 5 பேர் பலி!