#BREAKING திடீரென முடங்கிய யூடியூப் சேவை…. பயனாளர்கள் அதிர்ச்சி…! 

உலக அளவில் பல பகுதிகளில் யூடியூப் சேவை முடங்கியதால் பயனாளர்கள் அவதி அடைந்தனர். 

உலக அளவில் பெரும்பாலானோர் பயன்படுத்தும் பொழுதுபோக்கு தளங்களில் ஒன்றான யூடியூப் சேனல் முடங்கியதால் பயனாளர்கள் பெரும் அதிர்ச்சியையும், அவதியையும் அடைந்துள்ளனர். அமெரிக்கா உள்ளிட்ட உலகின் பல்வேறு பகுதிகளில் யூடியூப் (YouTube) சேவை இன்று  திடீரென முடங்கியுள்ளது.

யூடியூப்பை திறந்ததும் முகப்பு பக்கத்தில் எந்த வித சேனல்களும் காண்பிக்கப்படவில்லை. அதற்கு பதிலாக "Something went wrong" என்ற கமெண்ட் மட்டுமே காண்பிக்கப்படுகிறது. ஆனால் சார்ச் பாரில் சேனல்களின் பெயர்களை பதிவிட்டு குறிப்பிட்ட சேனல்களை அணுக முடிவதாக சில பயனர்கள் தெரிவித்துள்ளனர். 

இதையும் படிங்க: லாவண்யா மரண வழக்கு: "மதமாற்றம் நடக்கவில்லை" உச்சநீதிமன்றத்தில் சிபிஐ அதிரடி அறிக்கை!

இருப்பினும் நேவிகேஷன் பார் முழுமையாக பகுதியை பயன்படுத்த நிலை ஏற்பட்டுள்ளது. அதில் ஹோம்,ஷார்ட் இரண்டு ஐகான்களை கிளிக் செய்தால் எந்த வித வீடியோக்களும் திரையில் காண்பிக்கப்படாதது பயனர்களை ஏமாற்றத்தில் ஆழ்த்தியுள்ளது. 

டவுன்டெக்டர் தளத்தின் தரவுப்படி, சுமார் 2.4 லட்சம் பயனர்கள் யூடியூப் செயலியைப் பயன்படுத்துவதிலும், வீடியோக்களை ஸ்ட்ரீமிங் செய்வதிலும் சிக்கல்களைச் சந்திப்பதாகப் புகார் அளித்துள்ளனர். குறிப்பாக வாட்ஸ்அப் போன்ற தளங்களில் வீடியோ லிங்குகள் சரியாக வேலை செய்யவில்லை என்றும் தகவல்கள் தெரிவிக்கின்றன.

தொழில்நுட்பக் கோளாறு காரணமாக ஏற்பட்ட இந்தத் திடீர் முடக்கத்தால் ஆயிரக்கணக்கான பயனர்கள் அவதிக்குள்ளாகினர், இருப்பினும் கூகுள் நிறுவனம் சேவைகளைச் சீரமைக்கும் பணிகளைத் தீவிரமாக மேற்கொண்டு வருகிறது.

இதையும் படிங்க: காலநிலை உச்சி மாநாடு 4.0: பசுமை தமிழகத்தை நோக்கி 5 முக்கிய திட்டங்கள் அறிவிப்பு!