தமிழக அரசியல் மற்றும் சமூக வாழ்வில் முக்கிய இடம் பெற்றிருக்கும் சுதந்திரப் போராட்ட வீரர் வீரன் அழகு முத்துக்கோன் பிறந்தநாள் ஆண்டுதோறும் உற்சாகமாகக் கொண்டாடப்படுகின்றன. இந்திய சுதந்திரப் போராட்ட வரலாற்றில் முதல் மாவீரர்களில் ஒருவராகக் கருதப்படும் அழகு முத்துக்கோன், ஆங்கிலேயர்களுக்கு எதிராக துணிச்சலுடன் போராடி வீர மரணம் அடைந்தவர்.

அவரது தியாகத்தை நினைவுகூரும் வகையில் தமிழகத்தின் பல இடங்களில் சிலைகள் நிறுவப்பட்டுள்ளன. அவற்றில் ஒன்றுக்குச் சென்ற தூத்துக்குடி நாடாளுமன்ற உறுப்பினர் கனிமொழி கருணாநிதியின் மரியாதை நிகழ்வு பாதியில் தடைப்பட்டு பரபரப்பை ஏற்படுத்திய சம்பவம் பலரது கவனத்தை ஈர்த்தது. 

அழகு முத்துக்கோன் அவர்களின் பிறந்த நாள் அல்லது குருபூஜை விழாவின்போது அரசியல் தலைவர்கள், சமூக அமைப்பினர் மற்றும் பொதுமக்கள் பலரும் அவரது சிலைகளுக்கு மாலை அணிவித்து மரியாதை செலுத்துவது வழக்கம். கனிமொழி MP, தூத்துக்குடி மாவட்டம் கட்டாலங்குளம் உள்ளிட்ட இடங்களில் அடிக்கடி கலந்துகொண்டு மரியாதை செலுத்தி வருபவர். அவரது வருகை பொதுவாக அமைதியான முறையில் நடைபெறும் நிலையில், ஒரு குறிப்பிட்ட சந்தர்ப்பத்தில் சிலை அமைக்கப்பட்டிருந்த இடத்திற்குச் செல்லும் போது நிகழ்வு பாதியில் தடைப்பட்டது.

இதையும் படிங்க: சட்டம் தெரியாதா.? ஆணவ வசனம் எப்படி வந்துச்சு..? முதல்வர் விஜயை வெளுத்து வாங்கிய அப்பாவு..!!

வருவாய்த் துறை மற்றும் காவல்துறை அதிகாரிகள் தடுத்து நிறுத்தியதால் அங்கு பதற்றம் ஏற்பட்டது. பிறகு காரில் இருந்து இறங்கி நடந்து சென்று அழகு முத்துக்கோன் சிலைக்கு நாடாளுமன்ற உறுப்பினர் கனிமொழி மரியாதை செலுத்தினார். தூத்துக்குடி நாடாளுமன்ற உறுப்பினரின் வருகையின் போது போலீசார் தடுத்து நிறுத்தியதால் பரபரப்பு ஏற்பட்டது. இந்த சம்பவத்திற்கு திமுகவினர் கண்டனம் தெரிவித்து வருகின்றனர்.

இதையும் படிங்க: பட்டம் வாங்கும் இன்பநிதி! லண்டன் பறந்த உதயநிதி! மு.க.ஸ்டாலின் குடும்பமாக பயணம்!