மதுரை மாநகராட்சியில் நடந்த சொத்து வரி முறைகேடு வழக்கு தமிழக அரசியலில் பெரும் அதிர்வலைகளை ஏற்படுத்தியது. இந்த விவகாரத்தில் முன்னாள் மண்டல தொடர்புடைய நிலையில் இருந்த திமுக கவுன்சிலர் விஜயலட்சுமியின் கணவர் கண்ணன் கைது செய்யப்பட்ட சம்பவம் முக்கிய திருப்பமாக அமைந்தது. 2022 முதல் 2024 வரையிலான காலகட்டத்தில் மாநகராட்சியின் மென்பொருள் அமைப்பில் உள்ள குறைபாடுகளைப் பயன்படுத்தி தனியார் வணிகக் கட்டடங்கள், திருமண மண்டபங்கள், ஹோட்டல்கள் மற்றும் பிற சொத்துகளுக்கு விதிக்கப்பட வேண்டிய சொத்து வரியை கணிசமாகக் குறைத்து நிர்ணயித்ததாக புகார்கள் எழுந்தன.

 இதனால் மாநகராட்சிக்கு சுமார் 150 முதல் 200 கோடி ரூபாய் வரை வருவாய் இழப்பு ஏற்பட்டதாக மதிப்பிடப்பட்டது. சுமார் 150 சொத்து உரிமையாளர்கள் இந்த முறைகேட்டால் பயனடைந்ததாக விசாரணையில் தெரியவந்தது.இந்த முறைகேடு குறித்து அப்போதைய மாநகராட்சி ஆணையர் தினேஷ் குமார் 2024ஆம் ஆண்டு காவல்துறையில் புகார் அளித்தார். அதைத் தொடர்ந்து மத்திய குற்றப்பிரிவு காவல்துறை விசாரணையைத் தொடங்கியது.

பின்னர் உயர்நீதிமன்ற உத்தரவின் பேரில் சிறப்பு விசாரணைக் குழு அமைக்கப்பட்டு மதுரை சரக டிஐஜி அபினவ்குமார் தலைமையில் தீவிர விசாரணை நடைபெற்றது. விசாரணையின் போது மாநகராட்சி ஊழியர்கள், ஒப்பந்தப் பணியாளர்கள், இடைத்தரகர்கள் உள்ளிட்ட பலர் கைது செய்யப்பட்டனர். இந்த நிலையில் வரிவிதிப்பு மற்றும் நிதி நிலைக்குழு முன்னாள் தலைவராக இருந்த விஜயலட்சுமி மற்றும் அவரது கணவர் கண்ணன் விசாரணைக்கு அழைக்கப்பட்டனர்.

இதையும் படிங்க: பட்டியலினத்தவர்களை காலில் விழ வைத்த விவகாரம்... மதுரை ஆட்சியர், மாவட்ட கண்காணிப்பாளருக்கு பறந்த நோட்டீஸ்...!

விசாரணையில் கண்ணன் பலருடன் நேரடித் தொடர்பு வைத்திருந்தார் என்றும், சுமார் 18 சொத்து உரிமையாளர்களுடன் நேரடியாகப் பேசி வரி குறைப்பு ஏற்பாடுகளில் ஈடுபட்டார் என்றும் தெரியவந்தது. இதையடுத்து அவர் கைது செய்யப்பட்டு நீதிமன்றக் காவலில் அடைக்கப்பட்டார். அவரது மனைவி விஜயலட்சுமி மேலும் விசாரணைக்கு ஆஜராக உத்தரவிடப்பட்டு விடுவிக்கப்பட்டார். கண்ணனுடன் சேர்ந்து 96வது வார்டு பில் கலெக்டராக இருந்த செந்தில்பாண்டியும் கைது செய்யப்பட்டார். 

இதையும் படிங்க: மீனாட்சி அம்மன் கோயில் நில மோசடி வழக்கு... ஒரே போடாய் போட்ட உயர்நீதிமன்ற மதுரைக்கிளை...!