டெல்லி: ரஷ்ய அதிபர் விளாடிமிர் புடினின் இரு நாள் அரசு முறைப் பயணத்தின் இரண்டாவது நாள், டெல்லியில் பிரதமர் நரேந்திர மோடியுடன் உயர்மட்ட பேச்சுவார்த்தை நடத்தினார். முன்னதாக, ஜனாதிபதி மாளிகையில் சிவப்பு கம்பள வரவேற்புடன் ராணுவ மரியாதை அளிக்கப்பட்டது. 

ஹைதராபாத் இல்லத்தில் நடந்த பேச்சுவார்த்தையில் உக்ரைன் அமைதி முயற்சிகள், ராணுவ ஒத்துழைப்பு, எரிசக்தி, வர்த்தகம் உள்ளிட்டவை விவாதிக்கப்பட்டன. இந்தியா அமைதியின் பக்கத்தில் நிற்கிறது என்று மோடி தெளிவுபடுத்தினார். இந்தப் பயணம், உக்ரைன் போர் தொடங்கிய நான்கு ஆண்டுகளுக்குப் பிறகு புடினின் முதல் இந்திய சுற்றுப்பயணமாக இருப்பதால் சர்வதேச அளவில் கவனத்தை ஈர்த்துள்ளது.

டிசம்பர் 4 அன்று மாலை டெல்லி விமான நிலையத்தில் இறங்கிய புடினுக்கு பிரதமர் மோடி நேரில் வரவேற்று, அரசியல் மரியாதைக்கு அப்பாற்பட்ட சிறப்பு அரவணைப்பு அளித்தார். ஏ.ஆர். ரகுமான் இசையுடன் உற்சாக வரவேற்பு அளிக்கப்பட்டது.

இதையும் படிங்க: ஜனாதிபதி மாளிகையில் சிவப்பு கம்பள வரவேற்பு!! காந்தி நினைவிடத்தில் அஞ்சலி! புடின் அடுத்த மூவ்!

 பின்னர் மோடி தனது இல்லத்தில் தனிப்பட்ட விருந்து அளித்தார். இன்று (டிசம்பர் 5) காலை, ஜனாதிபதி முற்முவின் தலைமையில் ஜனாதிபதி மாளிகையில் சிவப்பு கம்பள வரவேற்பு நடைபெற்றது. 21 பீரங்கி ஷாட்டுடன் ராணுவ பந்தல்கள் அளிக்கப்பட்டது. மத்திய அமைச்சர்கள், உயர் அதிகாரிகளை முற்மு, புடினுக்கு அறிமுகப்படுத்தினார். அதேபோல், ரஷ்ய அமைச்சர்களை புடின் இந்திய தலைவர்களுக்கு அறிமுகம் செய்தார்.

இந்த வரவேற்புக்குப் பிறகு, புடின் ராஜ்காட்டில் உள்ள காந்தி சமாதியில் மலர் வளையம் வைத்து அஞ்சலி செலுத்தினார். காந்தியின் அஹிம்சை தத்துவத்தைப் பாராட்டிய புடின், “இந்தியாவின் அமைதி கொள்கைகள் உலகிற்கு உதாரணம்” என்று கூறினார். இதன் பிறகே, ஹைதராபாத் இல்லத்தில் மோடியுடன் உயர்மட்ட பேச்சுவார்த்தை தொடங்கியது. 23-வது இந்திய-ரஷ்ய ஆண்டு உச்சி மாநாட்டின் இந்தக் கூட்டம், இரு நாட்டு உறவுகளை மேலும் வலுப்படுத்தும் முக்கிய நிகழ்வாக அமைந்தது.

பேச்சுவார்த்தையின் போது பிரதமர் மோடி தனது கருத்துகளை தெளிவுபடுத்தினார். “உலகத் தலைவர்களுடன் நான் உரையாடும் போதெல்லாம், விரிவான கலந்துரையாடல்களில், இந்தியா நடுநிலையானது அல்ல என்று நான் எப்போதும் கூறுவேன். இந்தியாவுக்கு ஒரு பக்கம் இருக்கிறது, அந்தப் பக்கம் அமைதி. அமைதிக்கான அனைத்து முயற்சிகளையும் நாங்கள் ஆதரிக்கிறோம், அமைதிக்கான அனைத்து முயற்சிகளிலும் நாங்கள் தோளோடு தோள் நிற்கிறோம். இடையே உலகத் தலைவர்களிடம் வலியுறுத்துகிறோம். 

கோவிட் முதல் இன்றுவரை, உலகம் பல நெருக்கடிகளைச் சந்தித்துள்ளது. மிக விரைவில், உலகம் கவலைகளிலிருந்து விடுபட்டு, உலக சமூகத்திற்கு சரியான திசையில் ஒரு புதிய நம்பிக்கை எழும் என்று நாங்கள் நம்புகிறோம்” என்று அவர் தெரிவித்தார். உக்ரைன் நெருக்கடி குறித்து தொடர்ந்து பேச்சுவார்த்தை நடத்தி வருவதாகவும், புடின் தன்னுடன் நட்பு பழக்கத்தில் தகவல்கள் பகிர்ந்து கொள்வதாகவும் மோடி பாராட்டினார்.

பேச்சுவார்த்தையில் இரு நாடுகளின் பிரதிநிதிகள் குழுவும் பங்கேற்றது. ராணுவ ஒத்துழைப்பு, எரிசக்தி, வர்த்தகம் உள்ளிட்ட துறைகளில் பல்வேறு ஒப்பந்தங்கள் கையெழுத்தாகும் என எதிர்பார்க்கப்படுகிறது.

குறிப்பாக, S-400 விரிவாக்கம், Su-30 MKI போர் விமானங்கள் மேம்பாடு, அணு ஆற்றல் திட்டங்கள், ரஷ்யாவில் யூரியா தொழிற்சாலை அமைப்பது போன்றவை முக்கிய அம்சங்களாக உள்ளன. 2024-ல் 65 பில்லியன் டாலர் வர்த்தகம் நடைபெற்ற நிலையில், இது 100 பில்லியனைத் தாண்ட வேண்டும் என்ற இலக்கு விவாதிக்கப்படுகிறது. உக்ரைன் அமைதி முயற்சிகளில் இந்தியாவின் பங்கு குறித்தும் பேச்சு நடைபெற்றது.

இந்தப் பேச்சுவார்த்தைக்குப் பிறகு, ஹைதராபாத் இல்லத்திலேயே மோடி, புடினுக்கு மதிய விருந்து அளிக்கிறார். மாலை ஜனாதிபதி முற்மு ஜனாதிபதி மாளிகையில் சிறப்பு இரவு விருந்து ஏற்பாடு செய்துள்ளார்.

இதன் பிறகு புடின் இந்தியாவை விட்டு நாடு கடக்கிறார். இந்தப் பயணம், அமெரிக்க அதிபர் டிரம்பின் மறு தேர்தல், சீனாவின் செல்வாக்கு போன்ற உலக அரசியல் மாற்றங்களுக்கு மத்தியில் இந்திய-ரஷ்ய நட்பை மேலும் வலுப்படுத்தும் என நிபுணர்கள் கூறுகின்றனர். புதிய ஒப்பந்தங்கள் இந்தியாவின் பாதுகாப்பு, ஆற்றல் தேவைகளை நிறைவேற்றும் என்று எதிர்பார்க்கப்படுகிறது.

இதையும் படிங்க: அமெரிக்கா நலனுக்காக சுயாட்சியை அடகுவைக்க முடியாது! ரஷ்ய அதிபர் புடினின் வருகை! சசி தரூர் விளக்கம்!