நல்லகண்ணு, தமிழ்நாட்டின் சமூக மற்றும் அரசியல் இயக்கங்களில் மிக முக்கியமான பங்களிப்பு ஆற்றியவர். இந்திய கம்யூனிஸ்ட் கட்சியின் மூத்த தலைவராகவும், தொழிலாளர் மற்றும் விவசாயிகளின் உரிமைகளுக்காக அர்ப்பணிப்புடன் பணியாற்றியவராகவும் அறியப்படுகிறார். அவரது சமூகப் பங்களிப்பு, தமிழ்நாட்டின் உழைக்கும் மக்களின் நலனுக்காகவும், சமூக நீதிக்காகவும் மேற்கொள்ளப்பட்ட அயராத முயற்சிகளால் பரவலாகப் பாராட்டப்பட்டுள்ளது.
நல்லகண்ணு தனது வாழ்நாள் முழுவதும் உழைப்பாளி மக்களின் உரிமைகளுக்காகப் போராடினார். குறிப்பாக, விவசாயிகள் மற்றும் தொழிலாளர்களின் நலன்களை மேம்படுத்துவதற்காக பல இயக்கங்களை முன்னெடுத்தார். அவரது தலைமையில், தமிழ்நாட்டில் உள்ள தொழிலாளர் சங்கங்கள் பலம் பெற்றன, மேலும் அவர்களின் கோரிக்கைகளை அரசின் கவனத்திற்கு கொண்டு செல்வதில் முக்கிய பங்காற்றினார்.
சமூக நீதி மற்றும் சமத்துவத்தை மையமாகக் கொண்டு, சாதி மற்றும் பொருளாதார ஏற்றத்தாழ்வுகளுக்கு எதிராக அவர் குரல் கொடுத்தார். கம்யூனிஸ்ட் கட்சியின் மூலம், நல்லகண்ணு பல்வேறு சமூகப் பிரச்சினைகளை மக்கள் மத்தியில் கொண்டு சென்றார். குறிப்பாக ஏழை மற்றும் எளிய மக்களின் வாழ்க்கைத் தரத்தை உயர்த்துவதற்காக அர்ப்பணிக்கப்பட்டவை. இதற்காக, 2023 ஆம் ஆண்டு தமிழ்நாடு அரசு அவருக்கு "தகைசால் தமிழர்" விருது வழங்கி கௌரவித்தது, இது அவரது சமூகப் பங்களிப்புகளுக்கு மாநில அளவிலான அங்கீகாரமாக அமைந்தது.
இதையும் படிங்க: நல்லகண்ணுவுக்கு தீவிர சிகிச்சை... G.H.-ல் குவியும் கம்யூனிஸ்டுகள்..!
நல்லகண்ணு சமீபத்தில் உடல் நலக்குறைவு காரணமாக சென்னையில் உள்ள ராஜீவ்காந்தி அரசு மருத்துவமனையில் சிகிச்சை பெற்று வந்தார். பிப்ரவரி 1-ம் தேதி இரவு திடீரென மூச்சுத் திணறல் ஏற்பட்டதைத் தொடர்ந்து சென்னை ராஜீவ் காந்தி அரசு பொது மருத்துவமனையின் தீவிர சிகிச்சைப் பிரிவில் அனுமதிக்கப்பட்டார். கடந்த 20 நாட்களுக்கும் மேலாக அங்கு தொடர் சிகிச்சை பெற்று வரும் நிலையில், கடந்த சில நாட்களாக அவரது உடல்நிலையில் திடீர் பின்னடைவு ஏற்பட்டது. மருத்துவர்கள் தீவிரமாக முயற்சி செய்த நிலையில், அவரது நிலைமை தொடர்ந்து மோசமடைந்து கொண்டே இருப்பதாகவும், செயற்கை சுவாசக் கருவி உதவியுடன் மிக அதிக கவனிப்புடன் கண்காணிக்கப்பட்டு வருவதாகவும் தெரிவிக்கப்பட்டது. இந்த நிலையில் அவர் சிகிச்சை பலனின்றி உயிரிழந்துள்ளார். நல்லகண்ணு தாங்க முடியாத மறைவு பேரிழப்பு என அரசியல் கட்சி தலைவர்கள் இரங்கல் தெரிவித்து வருகின்றனர்.
இதையும் படிங்க: தொடர் சிகிச்சை... நல்லகண்ணுவின் உடல்நிலை எப்படி இருக்கு? நலம் விசாரித்த ரஜினிகாந்த்..!!